Números 22:36 - Bible in Tzeltal de Oxchuc y Tenejapa

³⁶ C'alal la yaiy stojol Balac te julix te Balaam, la yic' ta stojol ta jpam lum yu'un Moab te ay ta bay muc'ja' Arnón, ta sti'il te sq'uinale,

Bible in Tzeltal Bachajón

³⁶ C'alal la ya'iy te Balac te yac ta talel te Balaam, baht sta tal ta pueblo yu'un Moab te ay ta mojon, ha te uc'um Arnón, ta sti'il te sq'uinale.

Números 22:36 Referans Kwoze

Hechos 28:15

Te quermanotactic ta lum Roma loq'uic tel staotic ta be te bit'il la yaiyiquix stojol te ayotic tel ta beele. Tey la staotic a ta bay ch'in lum te Foro de Apio sbiile soc uuc ta bay wayibal-na te Tres Tabernas sbiile. Te Pablo la yalbey wocol Dios yu'un te c'alal la yilbey sitique, soc muc'ub q'uinal la yaiy.

Jeremías 48:20

Moab peq'uelix, nojelix xiwel ta yo'tan. Oq'uetayaic yu'un xc'uxul. Pucbeyaic sc'oplal ta bay muc'ja' Arnón: te la yich'ix jinel te Moabe —xi' te Cajwaltique.

Isaías 16:2

Te yajwal Moab, pajalic soc te ja'mal mutetic te ya xiwic loq'uel ta anel ta spechechique, te ya xc'axic bael ta tec'oja' yu'un muc'ja' Arnón.

Jueces 11:18

Jich beenotic ta jochol taquin q'uinal, ja' la joyintaybeytic sq'uinal te Edom, soc te Moab, ja' to c'alal c'ootic ta stojol sloq'uib c'aal yu'un Moab. Tey la jpas jcampamentotic ta jejch' ja' Arnón. Ma ba ochotic bael ta sq'uinal Moab, melel tey jajch'em a.

Deuteronomio 3:8

“Jich ora och ta jc'abtic te q'uinaletic yu'unic te cheb muc' ajwalil amorreoetic te ayic ta stojol sloq'uib c'aal yu'un te muc'ja' Jordán, jajch'em ta muc'ja' Arnón c'alal ta wits Hermón.

Deuteronomio 2:24

La yal xan te Cajwaltic: “¡Conic, jajch'anic ta beel, c'axanic bael ta jejch' ja' Arnón! Jo'on me ya cac'beyex ta ac'abic te amorreo-winic te Sehón sbiile, te ja' muc' ajwalil yu'un lum Hesbón, soc nix ta spisil te slum-sq'uinale. ¡Ochanic bael ta sq'uinal, ac'beya guerra ta ora!

Éxodo 18:7

Te Moisés loc' spatbey yo'tan te snialmamale, la squejan sba ta stojol soc la sbujts'iy. C'alal laj yo'tan ta spatbeyel sba yo'tan soc, ochic bael ta snailpac'.

Génesis 46:29

Jich te José la xchajban te scarreta, tal yil te stat ta Gosén. C'alal c'o yilbey sit te state, la smey, bayal la yoq'uetay sba soc, jalaj nax ta smeyel.

Génesis 18:2

La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon, la stinan sba coel c'alal ta lum.

Génesis 14:17

C'alal sujt' tel te bit'il la stsal jilel te Quedorlaomer soc te jaytul ajwaliletic sjoineje, te Abram loc' ta tael yu'un te muc' ajwalil yu'un Sodoma. Tey taot ta spamlej yu'un Save, ja' te “Spamlej yu'un muc' ajwalil” sbiile.

1 Samuel 13:10

Te c'alal yac ta lajel yo'tan ta yaq'uel a te chic'bil smajt'an Dios te Saúl, c'ot te Samuele. Te Saúl loc' tel ta yilel soc ta spatbeyel yo'tan,

Números 22:35

Te ch'ul abat yu'un Cajwaltic la sjac': —Ya xju' xbaat soc te winiquetique. Ja'uc me to, ja' nax me ya awal te bila ya calbate —xi' te ch'ul abate. Te Balaam bajt' soc te jtsobwanejetic te sticunej tel te Balac.

Números 22:37

jich la yalbey: —La jticunat ta iq'uel ta puersa. ¿Bi yu'un te wocol talate? ¿Yu'un bal la awal ta awo'tan te ma xju' cu'un te bayal ya cac'at ta ich'el ta muc'? —xi' te Balac.