Números 22:32 - Bible in Tzeltal de Oxchuc y Tenejapa

³² Ja'uc me to, te ch'ul abat yu'un te Cajwaltic jich la yal: —¿Bistuc la amaj oxeb buelta te aburrae? Jo'on te tal jmacat ta be, melel te yacat ta baele, ma jmulan.

Bible in Tzeltal Bachajón

³² Te ch'ul a'bat yu'un Jehová hich la yalbe: ¿Bin yu'un te la amajix oxeb buelta te aburrahe? Ho'on tal jmacat ta be, como te banti yacat ta bahel ma ba lec ya ca'iy.

Números 22:32 Referans Kwoze

Hechos 13:10

Jich la yalbey: —Te ja'ate lo'laywanejat, nojel ta awo'tan spisil te bila amen ta pasele. Ja' snich'anat te pucuje, acontroinej spisil te bila lec ta pasele. ¿Jc'axel bal ma x'acom aba ta smacbel sbe te Cajwaltique?

Proverbios 28:18

Te mach'a lec yo'tan ay me ta coltayel stuquel; yan te mach'a ay mulil ta yo'tane, ya me sta falta yu'un.

Números 22:22

Cajal bael ta sburra, soc joinot bael yu'un te cheb abatetic yu'une. Ja'uc me to, te Diose ilin ta stojol, ja' yu'un te bajt'e. Te ch'ul abat yu'un te Cajwaltic, ba smac ta be, swenta yu'un ma xyac' c'axel.

Proverbios 28:6

Manchuc me me'baotic teme lec co'tantic; tojol jc'ulejotic, teme ma lecuc bila ay ta co'tantique.

Proverbios 14:2

Te mach'a toj ay ta q'uinal, yich'oj ta muc' te Cajwaltique; yan te mach'a ma xtojob te yo'tane, yilayej stuquel.

Miqueas 6:5

Lum cu'un, na'a me yo'tic te bitic chapal ta yo'tan te Balac te muc' ajwalil yu'un Moab, soc te bila sujt'ib sc'op la yac' te Balaam snich'an Beor. Na'a me c'alal ayat ta Sitim te c'axat bael ta Gilgal, soc na'a ta lec te la caiy tsalaw ta bayuc —xi' te Cajwaltique.

Jonás 4:11

¿Ja'uc to balix a jiche te muc'ul lum Nínive te banti ay c'axem ta wacwinic ta jmil (120,000) alaletic te ma to sna'ic q'uinale, soc bayal chambalametic tey ae? ¿Ma bal yacuc jna'bey yo'bolil sbaic jiche? —xi' sc'oplal yu'un Dios te Jonase.

Salmos 147:9

Ja' ya yac'bey swe'el te chambalametique; soc ya yac'bey swe'el te yalatac jojetic te c'alal ya xc'opojique.

Salmos 145:9

Te Cajwaltic mero lec yo'tan ta jtojoltic ta jpisiltic, buen t'ujbil yo'tan ta scanantayel te yat'ele.

Salmos 36:6

Te stojil awo'tan jich c'oem stoylejal te bit'il muc'ul witstiquile; te c'opetic te achapoj ta awo'tan jich c'oemic te bit'il muc'ul mar te c'ax najt' coel te sna'bilale. Te ja'at, Cajwal, ya acanantay te ants-winiquetic soc te chambalametique.

Deuteronomio 25:4

“Ma me xawac'beyic sbolsail sni' te wacax te c'alal yac ta at'el ta swuyel a te spat trigoe.

Deuteronomio 23:4

Melel te c'alal c'axex tel ta sq'uinalique, te c'alal loq'uexix tel ta sq'uinal Egipto, ma ba la yac'beyex awe'elic, soc ni lajuc yac'beyex awuch'ic ja'. Soc la stojic te Balaam, te snich'an Beor te talem ta lum Petor ta Mesopotamia, swenta yu'un ya sc'anbeyex castigo ta atojolique.

Números 22:35

Te ch'ul abat yu'un Cajwaltic la sjac': —Ya xju' xbaat soc te winiquetique. Ja'uc me to, ja' nax me ya awal te bila ya calbate —xi' te ch'ul abate. Te Balaam bajt' soc te jtsobwanejetic te sticunej tel te Balac.

Números 22:28

Te Cajwaltic ora la yac' c'opojuc te burra, jich la yalbey te Balaam: —¿Bi la jpasbat? Ja' yoxebalix buelta te la amajone —xi'.

Números 22:20

Ta ajc'ubal chicnaj Dios ta stojol te Balaam, jich la yalbey: —Ja' te winiquetic teme talem yu'un ya yic'at baele, jajch'an, baan soc. Pero ja' nax me ya apas te bila ya calbate —xi' sc'oplal yu'un.

Números 22:33

Te aburra la yilon, la xujq'uin sba ta jtojol oxeb buelta. Te manchuc lajuc xujq'uin sbae, lajatix cu'un te jichuque, ja' cuxul jilel cu'un stuquel —la yut.

Proverbios 16:2

Te ants-winiquetic lec c'oem ta yo'tanic spisil te bi ya spasique; ja'uc me to, te Cajwaltic ya sna'bey yo'tan stuquel.