Números 22:31 - Bible in Tzeltal de Oxchuc y Tenejapa

³¹ Jich yu'un te Cajwaltic la yac'bey ju'uc yu'un yilel te ch'ul abat te ay ta yolil be te stsacoj ta sc'ab te spuñale. Te Balaam la spajc'an sba coel, la yac'bey sta lum te sti'bae.

Bible in Tzeltal Bachajón

³¹ Hich te Jehová la sjambe sit te Balaam, la yil te ch'ul a'bat ay ta be te stsacoj ta sc'ab te espada yu'une. Te Balaam la squejan sba, la spahcan sba ta lum.

Números 22:31 Referans Kwoze

Génesis 21:19

Jambot sit yu'un Dios te Agar, la yil te ay sloq'uibja'. Jich ba sbut'bey ya'lel te nujc'ul, ba yac'bey yuch' te Ismaele.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

San Lucas 24:31

Jich jambot te sitique soc la sna'beyic sba, ja'uc me to, ora tup' ta sitic.

San Lucas 24:16

La yil ta sitic, ja'uc me to, macbot sitic, ma la sna'beyic sba te mach'a a.

San Juan 18:6

Te c'alal la yal Jesús te: “Jo'on”, te xie, walac'pat beenic. T'uxajic ta lum.

Salmos 9:20

Cajwal, ac'beya xiwel ta yo'tanic, ac'beya sna'ic te ch'ich'-baq'uet naxe.

1 Crónicas 21:16

C'alal la stoy sit te David, la yil ay ta yolil ch'ulchan te ch'ul abat yu'un te Cajwaltic, sloq'uesej ta sna te spuñal stsacoj ta sc'ab, ja' stojlinej bael te Jerusalén. Jich yu'un te David soc te mamaletic slapojic ch'ixal pac', la stinan sba coel c'alal ta lum.

Números 24:16

yu'un yaiyoj stojol te bila ya yal te Diose, yiloj te bi yilel te mach'a toyol aye, melel ay bila ya x'ac'bot yil yu'un te Dios te Spisil ya xju' yu'une.

Números 24:4

te yac ta yaiyel te bila ya x'albot yu'un Dios. Yalemix ta lum pero mero chican ta lec ya yil, jich ay bila ya xchicnaj ta sit ya yaiy yu'un te Dios te Spisil ya xju' yu'une.

Éxodo 34:8

Te Moisés ora nax la spajc'an sba coel c'alal ta lum, la yalbey wocol te Cajwaltique.

Números 22:30

Te burra la sjac': —Jo'on me te burraon te ya acajtibinon spisil ora, soc ya me ana' te ma'yuc bay jich jpasojbate —xi'. —Melel nix a —xi' te Balaam.

Josué 5:13

Jich c'ot ta pasel te c'alal nopol ay ta Jericó te Josué, la yil jtul winic teq'uel ta stojol, soc ay puñal ta sc'ab. Te Josué ba yil, la sjojc'obey: —¿Ja'at bal joyticat, o ja'at te jcontroticate? —la yut.

Josué 5:14

—Ni ya joinat, ni ya jcontroinat. Ja' nax talon ta jtsobwanej yu'un soldadoetic ta swenta te Cajwaltique —xi' te winique. Jich yu'un te Josué la stinan sba coel c'alal ta lum, la sjojc'obey: —¿Bi mandal ya awalbon, Cajwal, jo'on te awabatone? —xi'.