Números 22:22 - Bible in Tzeltal de Oxchuc y Tenejapa

²² Cajal bael ta sburra, soc joinot bael yu'un te cheb abatetic yu'une. Ja'uc me to, te Diose ilin ta stojol, ja' yu'un te bajt'e. Te ch'ul abat yu'un te Cajwaltic, ba smac ta be, swenta yu'un ma xyac' c'axel.

Bible in Tzeltal Bachajón

²² Tihl yilimba Dios yu'un te bahte. Te ch'ul a'bat yu'un Jehová la yac' sba ta be scuenta scontrahinel. Te Balaam cajal bahel ta sburra a soc joquinot bahel yu'un cheb a'batetic yu'un.

Números 22:22 Referans Kwoze

Números 22:32

Ja'uc me to, te ch'ul abat yu'un te Cajwaltic jich la yal: —¿Bistuc la amaj oxeb buelta te aburrae? Jo'on te tal jmacat ta be, melel te yacat ta baele, ma jmulan.

Éxodo 4:24

C'alal wayic ta be te Moisés soc te mach'atic ay yu'une, tal ta maquel ta be yu'un te Cajwaltique, c'an milotuc yu'un.

Lamentaciones 2:4

Te Cajwaltic la snit te st'ime, jich bit'il jcontro yilel, toj la yac' bael te yat'ejibale. Pajal soc jcontro, la sjin te bila lec ta ilele; wil bael jichuc c'ajc' te yilimba ta sba scampamento te t'ujbil Sión.

Oseas 1:4

Te Oseas jich albot yu'un te Cajwaltique: —Jezreel me sbiil xawac'bey te alale, melel nopolix ya cac'bey castigo te sts'umbal te muc' ajwalil Jehú ta scaj te milaw la spas ta Jezreel. Ya me jlajinbey sc'oplal te nación Israel.

2 Reyes 10:20

Ja' yu'un la yal te ya yich' puquel ta alel te ya yich' pasel buen q'uin yu'un Baal. Jich la yich' pasel yu'unic.

Números 22:35

Te ch'ul abat yu'un Cajwaltic la sjac': —Ya xju' xbaat soc te winiquetique. Ja'uc me to, ja' nax me ya awal te bila ya calbate —xi' te ch'ul abate. Te Balaam bajt' soc te jtsobwanejetic te sticunej tel te Balac.

Éxodo 23:20

“Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

Números 22:23

Te burra la yil te ch'ul abat yu'un Cajwaltic te ay ta yolil be, ay puñal ta sc'ab. Te burra la sq'uej sba bael ta be yu'un, och bael ta aquiltic. Ja'uc me to, te Balaam la smaj, swenta yu'un ya sujt'es tel ta be.