Números 21:34 - Bible in Tzeltal de Oxchuc y Tenejapa

³⁴ Jich yu'un te Cajwaltic la yalbey te Moisés: —Ma me xiwat, jo'on ya cac'bat ta ac'ab ta spisil te soldadoetic yu'un soc te slumale. Te ja'at jich me xapasbey te bit'il la apasbey te Sehón, te muc' ajwalil yu'un amorreoetic te nainem ta lum Hesbón —xi' te Cajwaltique.

Bible in Tzeltal Bachajón

³⁴ Ha yu'un te Jehová la yalbe te Moisés: Ma xaxi', como la jca'batix ta ac'ab soc spisil te pueblo yu'un soc te sq'uinale. Hich yac apasbe te bin ut'il la apasbe te Sehón te ajwalil yu'un amorreohetic te nahinem ta Hesbón, xchi.

Números 21:34 Referans Kwoze

Josué 8:7

Jich yu'un te ja'exe ya me xloq'uex tel ta bay anac'oj abaique. Ya me awu'uninic te lume, melel te Cajwaltic te Dios cu'untique ya yac'botic ta jc'abtic.

Isaías 41:13

Melel te jo'on te Awajwalon te Dioson awu'une, jtsacojat ta jc'ab; jo'on calojbat: “Ma me xiwat, ya jcoltayat”, xoon me —xi' te Diose.

2 Reyes 3:18

Ja' to nax jteb seña te ya xju' ya spasbeyex awilic te Cajwaltic, melel ya to me yac'beyex ta ac'abic te moabetique,

1 Reyes 20:28

Ja' yorail c'ot jtul j'alwanej yu'un Dios ta stojol te muc' ajwalil yu'un Israel, jich albot: —Jich la yalix te Cajwaltique: “Te siriaetic yalojic te jo'on dioson yu'un witstiquil, te ma diosucon yu'un spamlejtique. Ja' yu'un ya cac'bat ta ac'ab ta spisilic te jich yipal ayique. Jich me ya ana' a te jo'on te Awajwalone”, xi' me te Cajwaltique —xi'.

1 Reyes 20:13

Ja' nix ta yorail a, te jtul j'alwanej yu'un Dios c'ot ta stojol Acab te muc' ajwalil yu'un Israel, jich albot: —Te Cajwaltic jich la yalix: “Manchuc me ya awil te mero bayal te acontro, jo'on me ya cac'bat ta ac'ab yo'tic, swenta yu'un jich me ya ana' a te jo'on te Awajwalone”, xi' me —xi' te j'alwaneje.

2 Samuel 5:19

Ja' yu'un te David la sjojc'obey te Cajwaltic, jich la yalbey: —¿Ya bal xju' ya xba jta ta guerra te filisteoetique? ¿Ya bal awac'on ta tsalaw ta stojolic? —xi'. La sjac' te Cajwaltique: —Yac, baan ac'beya guerra. Ya me cac'at ta tsalaw ta stojolic —xi' sc'oplal.

1 Samuel 23:4

Te David bajt' xan ta sjojc'obeyel te Cajwaltique. Te Cajwaltic jich la yal: —Jajch'an ta beel, baan ta Keila, jo'on ya cac'bat ta ac'ab te filisteoetique —xi'.

Jueces 11:30

Te Jefté la xchap ta stojol Cajwaltic: —Teme ya awac'bon caiy tsalaw ta stojol te amonetique,

Josué 10:25

Te Josué jich la yalbey xan: —Ma me x'axi'ic soc ma me xpejc'aj awo'tanic; ma me x'axi'ic, pasaic me tulan. Jich nix me ya spasbotic bael Cajwaltic ta stojol te jcontrotique —xi'.

Josué 10:8

Te Cajwaltic la yalbey: —Ma me xiwat, melel jo'on ya cac'beyex ta ac'abic, ma me ayuc jtuluc ya stsalex —xi' te Cajwaltique.

Deuteronomio 31:6

Ma me xiwex, soc ayuc me yip awo'tanic. Ma me xnijc' awo'tanic soc ma me xpejc'aj q'uinal awaiyic te c'alal ya atsac abaic soque, melel te Cajwaltic Dios sjoinejex me, ma ba ya yijq'uitayex soc ma ba spijt'esex —xi' te Moisese.

Deuteronomio 20:3

jich me ya yal: “Aiya awaiyic, israeletic, yo'tic ya xloq'uex bael ta spasel guerra soc te acontroique. Ma me xpejc'aj awo'tanic, soc ma me xiwex, ma me xnijq'uex yu'un xiwel,

Deuteronomio 7:24

Te Cajwaltic ya me yac'beyex ta ac'abic te muc' ajwaliletic yu'unique. Te ja'exe ya me alajinic, yu'un jich me ma'yuc mach'a ya sna'ic xan ta balumilal. Ma me ayuc ni jtuluc ya xju' yu'un tsalaw ta guerra ta atojolic. Ja' yu'un ya me xju' awu'unic, ya me xju' ya alajinic ta spisilic.

Deuteronomio 3:11

(Te muc' ajwalil Og ja' slajibal sts'umbal te refaimetique. Te swayibe puro taq'uin pasbil, ay chaneb metro snajt'il soc jteb xanix ma ba staoj cheb metro sjamalul. Chican to ta ilel ta lum Rabá te ay ta sq'uinal te amonetique.)

Números 14:9

Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Números 32:4

te la yu'uninix Cajwaltic ta swenta te lum Israel, ja' te banti ay aquiltic yu'un swe'el te jchambalamtique. Te bila ay cu'untic jo'otic te awabatotique, ja' te jchambalamtique.

Deuteronomio 2:30

“Pero te muc' ajwalil Sehón, ma ba la sc'an la yac'otic c'axel ta sq'uinal, melel ja' nix te Cajwaltic Dios cu'untic te la stulantesbey yo'tan, swenta yu'un jich ya yac'botic ta jc'abtic a, jich te bit'il c'alal ora ay to ta jwentatic.

Deuteronomio 3:1

“Ta patil la jtsactic yan be, tojotic bael ta lumq'uinal Basán, pero te Og te ja' muc' ajwalil yu'un te q'uinale, loc' tel soc spisil te soldadoetic yu'une, tal yac'botic guerra ta Edrei.

Deuteronomio 7:17

“Jich wan ya awalic: “Te nacionetic in to ja' mero tsobol te yajwale, jo'otic ma'yucotic tsobol. ¿Bi ya cutic te ya jtentic loq'uele?” teme xaexe.

Deuteronomio 7:18

Ma me jichuc ya sc'an. ¡Ma me x'axi'ic! Ja' me x'ana'ic te bila la spasbey ta stojol faraón soc ta spisil egipcioetic te Cajwaltic te Dios cu'untique.

Deuteronomio 7:21

Ja' yu'un ma me xnijq'uex yu'un xiwel ta stojolic, melel sjoinejex te Cajwaltic te Dios cu'untique. Ja' muc' Dios stuquel te ay ta xi'ele.