Números 20:8 - Bible in Tzeltal de Oxchuc y Tenejapa

⁸ —Tsaca te abastón, ja' me ya scoltayat ta stsobel tel israeletic te abanquil Aarón. Ta sit spisilic pasa ta mandal te muc'ul ton, ya me xt'om loq'uel tel ja' yuch'ic soc te xchamsbalamique —xi'.

Bible in Tzeltal Bachajón

⁸ Tsaca te nahbate'el soc tsoba tal te snich'nab Israel, ha'at soc te abanquil Aarón. C'opona te muc'ul ton ta scomon sitic, ha me ya yac' loq'uel tal ya'lel; hich yac aloq'ues ha' ta muc'ul ton, yac awa'be yuch'ic ha' soc te schansbahlamic, xchi.

Números 20:8 Referans Kwoze

Éxodo 4:17

Ich'a bael te abastone, ja' me ya apas jchajp at'eliletic a —xi' te Diose.

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Isaías 43:20

Ya me yich'onic ta muc' te ja'mal chambalametic, te ja'mal ts'i'etic soc te mutetic avestruz sbiilique. Melel ya cac' xt'om loq'uel ja' ta jochol taquin q'uinal; ya cac' ja'etic tey a swenta yu'un ya cac'bey yuch' te lum tsabil cu'une.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Hechos 1:14

Spisilic jun nax la stsobilay sbaic ta sc'oponel Dios soc te yijts'inab Jesús, soc te Mariae te sme' te Jesuse, soc te yantic antsetique.

San Juan 16:24

Ma to ayuc bila ac'anojic ta jwenta. C'anaic, jich me ya yac'beyex, swenta yu'un jich me ya xbujts'naj ta lec awo'tanic yu'un.

San Lucas 11:13

Melel te ja'exe, manchuc teme amen te awo'tanique, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey te Ch'ul Espíritu te mach'a ya sc'anbeye —xi' te Jesuse.

San Mateo 21:21

Te Jesús la yalbey yaiyic: —Jamal ya calbeyex, teme ay xch'uunjel awo'tanique soc teme ma xawal ta awo'tanic te ma jichuc ya xc'ote, ya me xju' ta pasel awu'unic uuc jich te bit'il la jpasbey te higo-te'e. Teme ya awalbey in wits to: “Loc'an bael li'to. Ch'oja aba ochel ta mar”, teme ya awute, jich ya xc'ot ta pasel.

Isaías 48:21

Manchuc me la yac' c'axel ta bay jochol taq'uin q'uinaletic, ma la yaiyic taquinti'il; ja' la stob te tone, la yac' t'omuc loq'uel ta oquinel ja' tey a.

Salmos 114:8

Ja' la sc'atp'un ta pamal ja' te niwac tontiquil witse; soc la sc'atp'un ta sloq'uibja' te tulan tone.

Salmos 105:41

La stop' te muc'ul tone, tey loc' tel ja' a; oquin bael ta jochol taquin q'uinal jichuc muc'ja'.

Salmos 33:9

C'alal c'opoj te Cajwaltique, jich pastaj ta spisil; ja' la spas mandal stuquel, jich toj ts'unaj jilel ta spisil.

Nehemías 9:15

Soc la awac'bey swe'el coem tel ta ch'ulchan, swenta yu'un la snojes xch'ujt'ic a, soc la awac'bey yajts'es yo'tanic ta ya'lel mero muc'ul ton. La awalbey te ya x'ochic ta yu'uninel te lumq'uinal awalojbey te ya awac'beye.

Josué 6:20

Awunic te israeletic, oq'uesinot te xulubiletique. C'alal la yaiyic stojol sc'op te xulubiletic, jajch'ic ta buen tulan aw, jich jin coel te sts'ajc'ul te lume. Jich toj ochic bael ta sjinel te lume.

Josué 6:5

Te c'alal ya awaiybeyic stojol sc'op te xulubil yu'unic te ya xjalaj ta oq'uesinel yu'unique, tulan me ya x'awunex. Jich me ya xjin coel a te sts'ajc'ul te lum Jericó. Jich yu'un juju-jtul toj me ya x'animajex ochel ta yutil te lume —xi' te Diose.

Números 21:18

Te jtsobwanejetic la sjoq'uic soc ste'ic; te mach'atic muc' sc'oplalic yu'un te lum la sjamic soc sbastonic”, te xie. Ta jochol taquin q'uinal cha'beenic xan bael te israeletic ja' to ta Matana.

Números 21:15

soc ta sti'il beja'etic te pujq'uem bael ja' to ta sq'uinal Ar, tey c'otic ta loq'uel ta sts'ajc' sq'uinal Moab”, xi'.

Números 20:11

Yac ta yalel a te Moisés la stoy moel te sc'ab, la smaj cheb buelta te muc'ul tone, jich loc' tel bayal ja'. Ja' yu'un te lum soc te xchamsbalam jajch'ic ta yuch'el te ja'e.

Éxodo 17:9

Jich yu'un te Moisés la yalbey te Josué: —Tsaa bael winiquetic, baan ac'beyaic guerra te amalequetic. Tey me ayon pajel ta jol wits. Ya me jtsac ta jc'ab te bastón yac'ojbon te Diose —xi'.

Éxodo 14:16

Te ja'ate toya te abastone, jich me ya sq'uep sba te mare. Tey me ya xc'axic bael a te israeletique.

Éxodo 7:20

Te Moisés soc te Aarón jich la spasic te bit'il albotic mandal yu'un te Cajwaltique. Te Aarón la stoy te sbastón, la smaj a te ja' ta sit te faraón soc te sjo'tac ta ajwalile. Spisil te ja'etic c'atp'ujic ta ch'ich'.

Éxodo 4:20

Jich yu'un te Moisés la yic' bael te yinam soc te snich'nabe, la scajanlay bael ta burro, bajt' ta Egipto. La yich' bael te bastón yu'un te Diose.

Éxodo 4:2

—¿Bila ay ta ac'ab? —xi' te Cajwaltique. —Bastón —xi' te Moisés.

Génesis 18:14

Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara —xi'.

Números 20:7

jich la yalbey te Moisés: