Números 20:3 - Bible in Tzeltal de Oxchuc y Tenejapa

³ jich la yalbeyic te Moisés: —Ja' lec te pajaluc lajucotic soc te yantic israeletic te la yac' lajuc te Cajwaltique.

Bible in Tzeltal Bachajón

³ hich la yalic ta scontrahinel te Moisés: Ha lec te pajal lajucotic soc te quermanotac te c'alal lajic ta stojol Jehová.

Números 20:3 Referans Kwoze

Éxodo 17:2

Jajch'ic ta yutel te Moisés, jich la yalic: —¡Ac'botic ja' cuch'tic! —xiic. —¿Bistuc ya awutonic te jo'one? ¿Bistuc ya awil-o'tantayic te Diose? —xi' te Moisese.

Números 16:49

Ja'uc me to lajemiquix chanlajun jmil soc jo'lajunwinic xcha'bajc' (14,700) ta jtul. Ma ba la yich' ajtayel stuquel te mach'atic neel lajic te bi ora la stoy sba te Coré.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Lamentaciones 4:9

Ja' lec xan c'otic ta loq'uel stuquelic a te mach'atic lajic ta guerra, ma jichuc te mach'atic yacalic ta lajel ta wi'nale; melel c'unc'un yacalic ta lajel, ta scaj te ma'yuc awalts'unubil ta lumq'uinal.

Números 14:3

¿Bi yu'un la yic'otic tel Cajwaltic li' ta lumq'uinal to? ¿Swenta bal yu'un ya xlajotic ta guerra? Te quinamtic soc te jnich'nabtic ya x'ochic ta sc'ab te jcontrotique. Ja' lec xan te ya sujt'otic bael ta Egipto —xiic.

Salmos 78:19

Jich la yalbey: “¿Ya laj bal xju' yu'un te ya xchajban jwe'eltic ta mesa ta jochol taquin q'uinal te Diose?

Salmos 106:33

Melel bolob q'uinal la yaiy yu'un, jich ma la sna' bi la spas te c'alal c'opoje.