Números 20:24 - Bible in Tzeltal de Oxchuc y Tenejapa

²⁴ —Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

Bible in Tzeltal Bachajón

²⁴ Ya xchamix te Aarón. Ma ba ya x'och bahel tey ta q'uinal la jca'be te snich'nab Israel, como ha'ex la atoy abahic ta sc'axuntayel jmandar ta banti sloq'uib ha' Meriba.

Números 20:24 Referans Kwoze

Génesis 25:8

Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une.

Deuteronomio 32:50

Tey ta wits te banti ya xmoat baele, tey me ya xc'oat ta lajel a, ya me xba atsobix aba soc te mach'atic ay awu'un, jich nix te bit'il abanquil Aarón te laj ta wits Hor, ba stsob sba soc te mach'atic ay yu'une.

2 Crónicas 34:28

Ya me cac' te lamal nax q'uinal ya xlajat te ya xba ajoin te antiguo ame'-atate. Ma ba ya awil atuquel te tulan woclajel ya cac' tel ta stojol te lume soc te yajwale”, xi' sujt'ib sc'op te Diose —xi' te Hulda. Sujt'ic tel te mach'atic la sticun bael te muc' ajwalile, yich'ojic tel sujt'ib te aiyeje.

Números 31:2

—Sujt'esbeya spacol te madianetic te la yuts'inic te israeletique. Ta patil ya me xlajat —xi' sc'oplal te Moisese.

Números 27:13

Ta patil te c'alal ya xlaj awo'tan ta yilel te q'uinale, ya me xlajat, ya me xba atsob aba soc te ame'-atat te lajemiquixe, jich bit'il te abanquil Aarón.

Jueces 2:10

Lajic ta spisil te israeletic te ayiquix ta q'uinal a te c'alal cuxul to a te Josué. Ja' yu'un te mach'atic ayinic xan ta patil, ma la sna'beyiquix sba te Cajwaltic, soc spisil te bitic la spas ta xc'uxtayel te Israele.

Números 4:27

Te Aarón soc snich'nab, ja' me ya spasic ta mandal te sts'umbal Gersón te bitic at'elil ya spasic soc te bitic ya sq'uechic baele. Ja'ex ay ta awentaic te bitic ya spasique.

Génesis 49:33

Te c'alal laj yo'tan ta stac'uyel te snich'nabe, te Jacob la stoy moel ta swayib te yacane, jich laj bael.

Génesis 49:29

Te Jacob jich mandal albotic yu'un: —Ya xlajonix, ya xboonix ta bay te jme'-jtatique. Tey me x'amuconic a ta bay mucul te jme'-jtatic ta ch'en ay ta sq'uinal Efrón, ja' te heteo-winique.

Génesis 35:29

Mamalix ta lec a, ac'bot najt' yorail yu'un Dios, ba sjoin te mach'atic neel lajemic yu'une. La yich' muquel yu'un te snich'nabe, ja' te Esaú soc te Jacobe.

Génesis 25:17

Te Ismael juclajuneb sjucwinic (137) ja'wil cuxin ta balumilal c'alal laj, jich ba sjoin te mach'atic neel lajemic yu'une.

Génesis 15:15

Yan te ja'ate mamalatix a te ya xlajate, jun awo'tan ya xbaat ta muquel soc te antiguo ame'-atate.

Éxodo 17:7

Meriba c'ot sbiil yu'un, melel tey jajch'ic ta ch'inlajanel a te israeletique. Soc Masah la yac'bey xan sbiil, melel tey la yilbey yo'tan a te Diose. Yu'un jich la yalic: —¿Sjoinejotic bal te Cajwaltique, o ma ba sjoinejotic? —xiic.

Números 20:5

¿Bi yu'un la aloq'uesotic tel ta Egipto te la awic'otic tel ta bay q'uinal te c'ax ma'yuc yutsile? Ma'yuc bi ya xju' ya jts'untic xujt'uc; ma'yuc higuera, ni ts'usubiletic, ni granado; soc ni ma'yuc ja' ya cuch'tic —xiic.

Números 20:26

Tey ya aloq'uesbey sc'u' swenta sacerdoteil a te Aarón, ja' xawac'bey slap te Eleazar. Te Aarón tey me ya xlajix a —xi' te Cajwaltique.

Deuteronomio 33:8

Sc'oplal Leví jich la yal: —Cajwal, ja'at awu'un te Tumim soc te Urim; awu'un, soc yu'un uuc te mach'a jun yo'tan ta atojole. Ja' te la awac'bey prueba ta Masah, ja' te la awut aba soc ta ja'etic yu'un Meriba.

Josué 2:9

—Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.