Números 20:18 - Bible in Tzeltal de Oxchuc y Tenejapa

¹⁸ Ja'uc me to, te muc' ajwalil yu'un Edom la sjac': —Ma xju' xc'axex ta jq'uinal. Teme jich ya apasique, ya me xtal jmacat ta be soc te soldadoetic cu'une —xi'.

Bible in Tzeltal Bachajón

¹⁸ Pero la sjac' te ajwalil yu'un Edom: Ma xhu' ya xc'axex ta jq'uinal. Teme hich yac apasic, ya me xloc'otcotic tal soc espada, xchi.

Números 20:18 Referans Kwoze

Números 24:18

Ya me stsal Edom, ya me x'och ta sc'ab te Seir, ja' te scontroe. Te Israel muc' bitic ya spas.

Números 20:19

Te israeletic la yalbeyic xan: —Ja' nax me ya jt'untic te muc'ul be. Teme ay ya cuch'beytic ya'lel te pozoetic awu'un soc te jchambalamtique, ya me jtojtic. Te bila ya jc'antique, ja' te yacuc c'axucotic bael ta aq'uinal —xiic.

Números 20:20

Te muc' ajwalil yu'un Edom la sjac'bey sc'opic: —Ma xju' ya xc'axex —xi'. Loc' tel ta smaquel ta be te israeletic soc te soldadoetic yu'un te bayal yipic te buen chapalic soc te yat'ejibique.

Números 21:4

Te israeletic jajch'ic loq'uel ta wits Hor ta stojol bael Mar Rojo, yu'un la yac'beyic buelta ta sjoyintayel c'axel sq'uinal Edom. Ta be ch'ay yip yo'tanic te lume.

Números 21:23

Ja'uc me to, te Sehón ma la yac' c'axel te israeletic ta sq'uinal. Jajch' ta stsobel spisil swinictac, ba smac ta be ta jochol taquin q'uinal. C'alal c'ot ta Jahaza, la yac'bey guerra te israeletique.

Deuteronomio 2:29

jich te bit'il la yac'otic c'axel te patil alnich'anetic yu'un Esaú te nainemic ta Seir, soc te moabetic nainemic ta Ar, asta ja' to teme c'axotic bael ta jejch' muc'ja' Jordán, soc teme c'ootic tey ta lumq'uinal te ya yac'botic te Cajwaltic te Dios cu'untique”, xoon ta stojol.