Números 20:16 - Bible in Tzeltal de Oxchuc y Tenejapa

¹⁶ Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

Bible in Tzeltal Bachajón

¹⁶ Ha yu'un awonotcotic ta stojol Jehová, la ya'iy jc'opcotic, la sticon tal jtuhl ch'ul a'bat, la sloq'uesotcotic tal ta Egipto. Yo'tic li' ayotcotic ta Cades, te pueblo ay ta sti'il te aq'uinale.

Números 20:16 Referans Kwoze

Éxodo 14:19

Te ch'ul abat yu'un Dios te neelajem yu'un te israeletic, bajt' ta spatic, soc nix te balal tocal la syantesbey yawil, bajt' ta spatic te israeletique.

Éxodo 33:2

Ya me jticun tel te ch'ul abat cu'une, ja' me ya yic'at bael. Ya me jticun loq'uel te cananeoetic, amorreoetic, hititaetic, ferezeoetic, heveoetic soc te jebuseoetique.

Éxodo 23:20

“Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

Éxodo 14:10

C'alal la yaiyic stojol te israeletic te nopolix ay tel te faraón soc te egipcioetic, bayal a xiw yo'tanic yu'un, jajch' sc'anbeyic coltayel te Cajwaltique.

Éxodo 6:5

Ora yo'tic jna'ojix te ay awocolic te ja'ex te israelex te bit'il yacalex ta sujel ta at'el yu'un te egipcioetique. Ja'uc me to, ay ta co'tan te trato cu'une.

Números 20:15

Te antiguo me'il-tatil cu'untic bajt'ic ta Egipto, tey nainic bayal ja'wil. Ja'uc me to, te egipcioetic la yuts'inotic soc jich nix la spasbeyic te antiguo me'il-tatiletic cu'untique.

Números 21:22

—Ya jc'antic xc'axotic bael ta yolil aq'uinal. Ma x'ochotic bael ta bay awalts'unubiletic, ni ta ts'usubiletic, soc ma xcuch'tic ja' ta pozoetic awu'un. Ja' nax ya xc'axotic bael ta aq'uinal, toj ya xbeenotic bael ta muc'ul be —xiic.

Números 33:37

Loq'uic bael ta Cades, c'otic ta wits Hor, ta smojonil sq'uinal Edom.

Josué 15:1

Te q'uinal ac'bot ta swenta xchaplejal te sts'umbal Judá, ta swenta snumeroil ta na'el, ja' c'ot ta swenta c'alal ta sti'il sq'uinal Edom, soc ta stojol sur c'ot c'alal ta jochol taquin q'uinal Zin.

Daniel 6:22

Te Dios cu'un la sticun tel ch'ul abat yu'un, ja' la smacbey ye te león-chojetique. Jich ma'yuc bila la spasbon te león-chojetique, melel sna'oj te Dios te ma'yuc bila amen jpasojbat ta atojol te muc' ajwalilat cu'untique —xi'.

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Deuteronomio 4:37

C'ux la yaiy ta yo'tan te antiguo ame'-atatique, soc la stsabey te patil alnich'anetic yu'unic, te la scoltay loq'uel tel ta Egipto ta swenta te smuc'ul yu'ele.