Números 20:15 - Bible in Tzeltal de Oxchuc y Tenejapa

¹⁵ Te antiguo me'il-tatil cu'untic bajt'ic ta Egipto, tey nainic bayal ja'wil. Ja'uc me to, te egipcioetic la yuts'inotic soc jich nix la spasbeyic te antiguo me'il-tatiletic cu'untique.

Bible in Tzeltal Bachajón

¹⁵ ha te bin ut'il te jme'jtatcotic cohic bahel ta Egipto, te tey nahinotcotic bayel ha'bil a, pero te egipciohetic la yuts'inotcotic soc te jme'jtatcotique.

Números 20:15 Referans Kwoze

Deuteronomio 26:6

Pero te egipcioetic c'ax to xan la yuts'inotic, la yac'botic bayal jwocoltic, la yac'botic ta jbajtic buen tulan at'el ta mozoil.

Éxodo 12:40

Te israeletic ainic ta Egipto lajuneb xcha'winic xcha'bajc' (430) ja'wil.

Génesis 46:6

Soc la smaquic bael te xchamsbalamic soc la yich'ic bael spisil sbiluquic te staojic ta sq'uinal Canaán. Jich c'otic ta Egipto te Jacob soc spisil te mach'a ay yu'une.

Hechos 7:15

Jich co bael tey a ta sq'uinal Egipto te Jacobe. Ja' te banti c'o lajuque soc tey lajic uuc te antiguo jme'-jtatique.

Génesis 15:13

Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Hechos 7:19

In muc' ajwalil to soc sp'ijil la slo'lay te jlumaltique, soc jajch' yuts'in te antiguo jme'-jtatique. Albotic mandal te ya yich' milel te yal-snich'anic te c'alal ya x'ayinique.

Números 16:13

¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?

Números 11:5

¡Mero ya xtal ta co'tan te chay la jti'tic ta majt'anil ta Egipto! La jwe'elintic pepino, melón, tux-ac, cebolla soc axux.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Éxodo 1:16

—Te c'alal ya xba awilic te hebrea-antsetic te ya x'alajique, ilawilic ta lec te bi alalil te ya x'ayine. Teme ach'ixe, ac'a cuxinuc, yan teme quereme, milaic —xi' sc'oplalic.

Números 20:14

C'alal ayic ta Cades, te Moisés la sticun bael cha'oxtul ta yich'el bael c'op ta stojol te muc' ajwalil yu'un Edom, jich la yal bael: —Te awermanotac-israeletic la yalic tel: “Te ja'at ya ana' ta lec te jwocoltic c'axemix tel cu'untique.

Números 20:16

Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

Génesis 46:7

Sjoinej bael ta Egipto spisil te snich'nabe soc spisil te smamataque.

2 Samuel 12:18

Ta sjuquebal c'aal a laj te alalquerem, pero te sjoy te David la xi'ic yalbeyel, yu'un la scuyic te ay bi amen ya spasbey sba te David. Jich la yalic: “Te c'alal cuxul to a te alalquereme, la jc'opontic, ma ba la yich'otic ta wenta. ¿Bit'il ya calbeytiquix a te lajix te alalquereme?” xiic.