Números 20:12 - Bible in Tzeltal de Oxchuc y Tenejapa

¹² Ja'uc me to, te Cajwaltic la yalbey te Moisés soc Aarón: —Te bit'il ma la xch'uun awo'tan te ya jcoltayate, ni ma la awac'onic ta ich'el ta muc' ta stojol te israeletic, jich ma x'ochex bael soc ta bay q'uinal ya cac'bey te israeletique —xi'.

Bible in Tzeltal Bachajón

¹² Pero te Jehová la yalbe te Moisés soc Aarón: Te bin ut'il ma ba la ach'uhunonic, te ma ba la awich'ic ta cuenta te Ch'ul Dioson ta stojol te snich'nab Israel, ma ba yac awiq'uic ochel ta q'uinal te ca'beyej te pueblo ini, xchi.

Números 20:12 Referans Kwoze

Deuteronomio 1:37

“Ta awentaic ja'ex, ilin ta jtojol uuc te Cajwaltique, jich la yalbon: “Ni ja'ucat ya xju' ya cac'at ochel tey ta lumq'uinal.

Ezequiel 36:23

Ya me cac' ta ilel ta nacionetic te smuc'ul te jch'ul-biile, te la aboltesbeyic sc'oplal ta stojolic te nacionetique. Te c'alal ya jpase, ya me sna'ic te jo'on Ajwalilone. Jo'on Ajwalilon te jich caloje.

Números 27:14

Melel ma la ach'uunbonic jmandal ja'ex te chebexe, ta bay jochol taquin q'uinal Zin te c'alal jajch'ic ta tulan c'op te lum ta jtojole. Ja'uc me to, ma la awac'onic ta ich'el ta muc' ta stojolic te c'alal la sc'an ja' yuch'ic —xi'. (Ja' ya yalbey sc'oplal te sloq'uibja' te Meriba sbiile, te ay ta Cades ta jochol taquin q'uinal Zin.)

Números 20:24

—Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

Romanos 4:20

Ma ba pejc'aj yo'tan yu'un. C'axem to xan la yich' yip xch'uunjel yo'tan yu'un te bila albot yu'un te Diose. Bin nax yo'tan la yalbey yutsilal Dios yu'un.

San Lucas 1:45

¡Bin nax me awutsil te la ach'uunbey sc'op te Cajwaltique, te melel ya me xc'ot ta pasel te bila la yalixe! —xi' te Elisabete.

San Lucas 1:20

Te bit'il ma la ach'uun te bila la calbate, jich yu'un ya me xc'atp'ujat ta uma'. Ma xju' xc'opojat ja' to te c'alal ya sta yorail ya xc'ot ta pasel te bila la calixe —xi' te ch'ul abate.

San Mateo 17:20

La yal te Jesuse: —Yu'un ma'yuc xch'uunjel awo'tanic ta lec. Jamal ya calbeyex, te ayuc jich xch'uunjel awo'tanic jtebuc te bit'il sbac' mostaza te biq'uit naxe, ya me xju' ya awalbey in wits to: “Loc'an bael li'to, baan ta yan q'uinal”, teme ya awute, jich nix ya xc'ot ta pasel awu'unic. Ma'yuc bila ma xju' awu'unic spasel te jichuque. [

Isaías 8:13

Te Cajwaltic te Spisil ya xju' yu'un ja' me mero ch'ul ajwalil stuquel, ja' me ay ta xi'el. Ayuc me xiwel ta awo'tanic ta stojol stuquel.

1 Pedro 3:15

Ich'aic ta muc' ta awo'tanic te Cajwaltic Cristoe. Chapaluquex me spisil ora ta sujt'esbeyel sc'opic te mach'atic ya sjojc'obat te bit'il ay te bin nax awo'tanic ta smaliyel te bila ya x'ac'botex ta apisilic yu'un te Diose. Lamaluc me awo'tanic ta stojolic soc sbelal me xc'opojex.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Mateo 17:17

La yal te Jesuse: —¿Bit'il ayex a ja'ex te ma'yuc bi xch'uunej awo'tanic ta stojol te Diose soc te ma lecuc te awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —xi'.

Ezequiel 38:10

La yal xan te Cajwaltic ta stojol Gog: —Jo'on Ajwalilon te jich ya cale: Te c'aal in to, ya me xtal ta awo'tan bila amenic.

Ezequiel 20:41

Te c'alal ya jtsobex tel ta lumq'uinaletic soc ta nacionetic te banti pujq'uemex bael ta ora in to, soc te c'alal ya cac' ta ilel ta awolilic te jo'on ch'ul Diosone, soc te ya yilic te yantic lumetique, tey me yorail ya quich'beyexix a te jmajt'an awu'unic te mero bujts'ane.

2 Crónicas 20:20

Ta yan c'aalil buen sab jajch'ic, swenta yu'un ya xjajch'ic ta beel ta stojol jochol taquin q'uinal Tecoa. Te c'alal yacalic ta beel a, te Josafat la stejc'an sba ta yalel bael: —Aiybon awaiyic stojol jc'op, yajwalex Jerusalén soc ta spamal Judá: Ac'a smuc'ulin awo'tanic te Cajwaltic, te Dios cu'untique, jich me ma xtal xiwel ta awo'tanic. Ac'a me smuc'ulin awo'tanic te bi la yal te j'alwanejetic yu'une, jich me lec ya xc'oex ta loq'uel ta spisil a —xi' te Josafat.

Josué 1:2

—Te cabat Moisés lajix, jich yu'un ta ora to ja'at me ya awic' c'axel ta muc'ja' Jordán te lum Israele. Tey me ay a te q'uinal ya cac'beyex te ja'exe.

Deuteronomio 34:4

Jich albot yu'un te Cajwaltique: —Ja' in to, ja' te lumq'uinal la calbey ta jamal te Abraham, Isaac soc Jacob, te ya cac'bey te patil alnich'anetic yu'unique. La sc'an co'tan te la cac'bat awil ta asite, manchuc me ma ba ya x'ochatix bael tey a —xi' sc'oplal.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Números 11:15

Teme jich ya apasbon bael bit'il in to, ja' lec pojbon jcuxlejal teme ayon ta awo'tane. Jich me ma ba ya quil bayal c'opetic, teme lec te bila ya cale —xi' te Moisese.

Deuteronomio 4:21

Pero te Cajwaltic ilin ta jtojol ta scaj amulic ja'ex. La yal ta jamal te ma xju' ya xc'axonix bael ta jejch' ja' Jordán, soc ma xju' ya x'ochon ta buen lequil q'uinal te ja' ya yac'beyex awu'uninique.

Salmos 99:8

Cajwal, Dios cu'un, ja'at la ajac'bey te sc'opique. Ja'at te Diosat yu'un te jpas-perdone, pero la nix awac'bey castigo yu'un te bitic amen la spasique.

Salmos 106:32

La yaq'uic ilinuc yo'tan Dios ta yan buelta ta sts'eel ja'etic yu'un Meriba. Ja' ta scajic te ma lecuc sc'oplal bajt' te Moisese.