Números 20:11 - Bible in Tzeltal de Oxchuc y Tenejapa

¹¹ Yac ta yalel a te Moisés la stoy moel te sc'ab, la smaj cheb buelta te muc'ul tone, jich loc' tel bayal ja'. Ja' yu'un te lum soc te xchamsbalam jajch'ic ta yuch'el te ja'e.

Bible in Tzeltal Bachajón

¹¹ Hich te Moisés la stoy mohel sc'ab, la smaj cheb buelta ta snahbate' te muc'ul ton; loc' tal bayel ha', hich la yuch'ic ha' te pueblo soc te schansbahlamique.

Números 20:11 Referans Kwoze

1 Corintios 10:4

Soc spisilic la yuch'ic te ja' yu'un te Diose, melel la yuch'ic te ja' loc' tel ta ton yu'un te Diose, joinbilic ta beel yu'un. In te tone, ja' ix te Cristoe.

Éxodo 17:6

Tey me ya jmaliyat a ta bay sba te tontiquil ta wits Horeb. C'alal ya amaj te tone, ya me x'oquin tel ja' tey a te ya yuch' te lume —xi' te Diose. Te Moisés jich la spasbey ta sitic te mamaletic yu'un Israel.

Deuteronomio 8:15

Te Cajwaltic la yic'otic ta beel ta muc'ul jochol taquin q'uinal te xiweltic sba, te banti ay bayal jti'awal chanetic soc tsequetic, soc te banti ma'yuc ja', pero te Cajwaltic la sloq'ues ja' ta buen tulanil ton. Jich la yac'beyex awuch'ic ja' tey a.

Números 20:8

—Tsaca te abastón, ja' me ya scoltayat ta stsobel tel israeletic te abanquil Aarón. Ta sit spisilic pasa ta mandal te muc'ul ton, ya me xt'om loq'uel tel ja' yuch'ic soc te xchamsbalamique —xi'.

Santiago 1:20

Melel te yilimba te ants-winique, ma ja'uc ya spas te bila ya sc'an te Diose.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Oseas 13:5

Jo'on la jcanantayat ta lumq'uinal te xlemlon sc'aal ta jochol taquin q'uinale.

Salmos 78:16

Dios la yac' loc'uc ja' ta muc'ul ton, pero bayal ja' oquin loq'uel tey a.

1 Crónicas 15:13

Te sbabial buelta ma ja'uquex te la apasique. Jich yu'un te Cajwaltic Dios cu'untic ay mach'a la spojbey xcuxlejal, yu'un ma neeluc la jojc'obeytic, jich te bit'il nix ay te mandal yu'une —xi'.

1 Samuel 15:24

Patil te Saúl la yalbey te Samuel: —Melel nix a, la jta jmul. Melel la jc'axintaybey te smandal te Cajwaltic soc nix te ac'ope. Scaj te ja' la jxi' stuquel te winiquetique, ja' yu'un la quich'bey ta wenta te sc'opique.

1 Crónicas 15:2

Jich la yal mandal: —Ma me yanuc mach'a ya stic' sba a te yat'el levitaetic, ja' nax me stuquelic ya yich'ic bael te cajón yu'un Dios. Melel te Cajwaltic ja' stsaoj stuquel te levitaetic, te ja'ic ya yich'ic bael te cajón yu'un Cajwaltic, soc ja'ic me ayic ta abatinel yu'un spisil ora stuquelic —xi'.

1 Samuel 15:19

¿Bi yu'unix a jiche te la ac'axintaybey te smandale? Tey bajt' awo'tan ta bi la yich' pojel te acontroe. Ma lecuc yo'tan yu'un te Cajwaltic te jich la apase —xi'.

Levítico 10:1

Te Nadab soc Abiú, ja' te snich'nab Aarón, ta juju-jtul la stsac te yawil yac'alic, la yac'beyic c'ajc' soc spomil, la yac'beyic smajt'anin te Cajwaltique, pero te c'ajc' la yaq'uique, ma ja'uc smandal te Cajwaltique.

Salmos 74:15

Ja'at la awac' t'omuc loq'uel tel sloq'uibja' soc muc'ja'etic; la awac' taquejuc te muc'ja'etic te ma xtaquej sc'oplale.

Salmos 78:15

Ta jochol taquin q'uinal la yac' loc'uc ja' ta yolil te muc'ul ton, la yac'bey yuch'ic ja' tey a te c'ax bayale.

Salmos 78:20

Melel nix a te la yac'bey sjam sba te muc'ul ton te banti loc' tel ja' jichuc muc'ja' te la smul te lumq'uinale; pero ¿ya laj bal xju' ya yac'botic waj uuc? ¿Ya laj bal xju' ya yac'bey ti'bal te lum yu'une?” xiic.

Salmos 105:41

La stop' te muc'ul tone, tey loc' tel ja' a; oquin bael ta jochol taquin q'uinal jichuc muc'ja'.

Salmos 114:8

Ja' la sc'atp'un ta pamal ja' te niwac tontiquil witse; soc la sc'atp'un ta sloq'uibja' te tulan tone.

Isaías 43:19

Ay me bi yach'il ya jpas, ya me awil te yo'tic nix ya xchicnaje. Ya jam be ta jochol taquin q'uinal soc ya cac' ja'etic tey a.

Isaías 48:21

Manchuc me la yac' c'axel ta bay jochol taq'uin q'uinaletic, ma la yaiyic taquinti'il; ja' la stob te tone, la yac' t'omuc loq'uel ta oquinel ja' tey a.

Jueces 15:19

Jich yu'un Dios la sjambey ta bay lomol te lum te ay ta Lehi. Te Sansón la yuch' te ja' loc' tel tey a, jich la yich' xan yip. Te sloq'uibja' tey ay c'alal ora yo'tic ta Lehi, En-hacore sbiil c'ot.