Números 20:10 - Bible in Tzeltal de Oxchuc y Tenejapa

¹⁰ Jich te Moisés soc Aarón la stsobic tel te lum ta stojol te muc'ul tone. Te Moisés jich la yalbey: —¡Toybaetic, aiya awaiyic stojol! ¿Yu'un bal ya xju' cu'untic ya jloq'uestic ja' li' ta muc'ul ton te ya cac'beyex awuch'ique? —xi'.

Bible in Tzeltal Bachajón

¹⁰ Te Moisés soc Aarón la stsobic tal te pueblo ta stojol te muc'ul ton, soc hich la yal te Moisés: A'iya awa'iyic ta lec, jtoybahetic. ¿Ya bal ac'an ya jloq'uesbeyexcotic ha' ta muc'ul ton ini? la yut.

Números 20:10 Referans Kwoze

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.

Efesios 4:26

Teme ya x'ilinexe, ma me teyuc ya ata amulic a. Ma me smaleluc c'aal te yaquex ta ilimbae.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

Deuteronomio 9:24

¡Ja' to te c'alal la jna'beyex abaique, spisil ora tulan awac'oj abaic ta stojol te Cajwaltique!

Génesis 41:16

Te José la yalbey te faraón: —Te jo'one ma'yuc bila ya jna'. Dios me ya yac'bey sna' stojol swaich te faraón —xi'.

Génesis 40:8

La yalic: —Yu'un ay jwaichtic, pero ma'yuc mach'a ya sna'bey swentail —xiic. Te José la yalbey: —¿Ma bal yacuc xju' yu'un te ya yac' ta na'el stuquel te Diose? Albonic caiy —xi'.

1 Corintios 3:7

Te mach'a la sts'une soc te mach'a la yac'bey ya'lele, ma'yuc sc'oplalic. Stuquel nax me ay sc'oplal te Diose, te ja' ya yac' ch'iuc stuquele.

Éxodo 17:6

Tey me ya jmaliyat a ta bay sba te tontiquil ta wits Horeb. C'alal ya amaj te tone, ya me x'oquin tel ja' tey a te ya yuch' te lume —xi' te Diose. Te Moisés jich la spasbey ta sitic te mamaletic yu'un Israel.

Números 20:24

—Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

Salmos 78:16

Dios la yac' loc'uc ja' ta muc'ul ton, pero bayal ja' oquin loq'uel tey a.