Números 2:18 - Bible in Tzeltal de Oxchuc y Tenejapa

¹⁸ “Ta stojol smalib c'aal tey me ya xc'o spas scampamentoic te mach'atic ya xbeenic ta stojol te bandera yu'un Efraín. Te soldadoetic yu'un sts'umbal Efraín, ja' jtsobwanej yu'unic te Elisama te snich'an Amiud.

Bible in Tzeltal Bachajón

¹⁸ Te bandera yu'un te campamento yu'un Efraín ya xc'oht ta stojol banti ya xmahl c'ahc'al, ta scuenta jujuchahp yu'unic. Te jtsobaw yu'unic, ha te Elisama snich'an Amiud.

Números 2:18 Referans Kwoze

Números 10:22

Ta patil beenic te soldadoetic te ayic ta beel soc te bandera yu'un Efraín, te ja' jtsobwanej yu'unic te Elisama snich'an Amiud.

Números 1:10

“Ta swenta sts'umbal José: ja' te Elisama snich'an Amiud ta swenta sts'umbal Efraín; soc Gamaliel snich'an Pedasur ta swenta sts'umbal Manasés.

Deuteronomio 33:17

Buen t'ujbil, pajal soc sba snich'an toro, bayal me yip jichuc ja'mal wacax; ya me sluch ta xulub spisil lumetic, ya me xbajt' c'alal ta sti'il te q'uinale. Jich me te mero bayal lum Efraín. Jich me te mero tsobol lum Manasés —xi'.

Números 7:48

Ta sjuquebal c'aal la yich' tel majt'anil Elisama te snich'an Amiud, jtsobwanej yu'un sts'umbal Efraín.

Números 1:32

Te mach'atic sts'umbal José, loc' cha'winic ta jmil soc jo'winic xcha'bajc' (40,500) sts'umbal Efraín; soc te sts'umbal Manasés loc' lajchayeb xcha'winic ta jmil soc lajunwinic (32,200).

Génesis 48:5

Jich yu'un te cheb anich'nab, te Efraín soc Manasés, te ayinic ta Egipto te c'alal ma to xtalon ta Egipto, ja' me mero cu'un, jich bit'il cu'un te Rubén soc te Simeón, ja' nix jichic te cheb anich'nabe, cu'un me ta xchebalic.

Números 2:19

Ay cha'winic ta jmil soc jo'winic xcha'bajc' (40,500) winiquetic, jich bit'il ay ta censo.

Jeremías 31:9

Ya me xtal sc'opononic soc oq'uel. Jo'on ya quic' bael ta beja'etic soc ta pamal be, ta bay ma sc'ojch'in te yacanique. Melel jo'on Staton te Israele, soc te jnich'an Efraín, te ja' banquilale.