Números 2:17 - Bible in Tzeltal de Oxchuc y Tenejapa

¹⁷ “Te levitaetic ya me xbeenic ta yolilal te chanchajp israeletic, yich'ojic me ta beel te Nailpac' te bay ya quich' c'oponele. Ta xchanchajbalic te bit'il ay scampamentoic, jich nix me xmelmon ya xbeenic te bit'il chajbanbil scampamentoic juju-jchajp soc te sbanderaique.

Bible in Tzeltal Bachajón

¹⁷ Patil ya xbaht te Nahilpac' Templo yu'un tahojibal soc te campamento yu'un te levitahetic ta yohlil te campamentohetique. Te bin ut'il chohlolchohl ay scampamentohic, hich nix ya xbehenic bahel jujuchahp soc te bandera yu'unique.

Números 2:17 Referans Kwoze

Números 10:21

Patil bajt'ic te sts'umbal Coat te la yich'ic bael te ch'ul biluquetique. Te c'alal ya xc'otic, chapalix ch'ul awilal yu'unic a te ya xc'o staique.

Números 10:17

Jich jajch'ic ta spaquel spac'al te Nailpac' Templo te mach'atic sts'umbal te Gersón soc Merari, te ja'ic te ay ta swentaic sq'uechel, jich jajch'ic ta beel.

Colosenses 2:5

Manchuc teme q'uejel ayone, ja'uc me to, joinejex ta co'tan. Jich ay bayal sbujts' co'tan yu'un te lamal ayex ya caiye, soc te pajal ay xch'uunjel awo'tanic ta stojol te Cristoe.

1 Corintios 14:40

Ja'uc me to, yich'ojuc me swentail ta pasel awu'unic ta spisil.

Números 3:38

Ta stojol sloq'uib c'aal ta yelaw te Nailpac' te bay ya yich' c'oponel Dios, tey la spas scampamentoic te Moisés, Aarón soc te snich'nab Aarón. Ja'ic la scanantayic te ch'ul awilal ta swenta te sjo'tac israeletique. Teme ay mach'a jich nax ya xjajch' ta at'el te ya scuy sba ta sacerdote, ya me yil swocol ta milel yu'un.

Números 2:1

Te Cajwaltic la sc'opon Moisés soc Aarón, jich la yalbey:

Números 2:18

“Ta stojol smalib c'aal tey me ya xc'o spas scampamentoic te mach'atic ya xbeenic ta stojol te bandera yu'un Efraín. Te soldadoetic yu'un sts'umbal Efraín, ja' jtsobwanej yu'unic te Elisama te snich'an Amiud.