Números 19:9 - Bible in Tzeltal de Oxchuc y Tenejapa

⁹ Ay me yan winic te lec sc'oplal, ya me stsobbey bael stanul te me' wacaxe. Tey me ya yac' ta awilal te lec sc'oplal ta spat campamento. Te stanul me' wacax, ja' me ya xtuun yu'un te lum Israel swenta yu'un ya xchajbanic a te ja' yu'un lecubtesel sc'oplal. Spisil in to ja' me milbil majt'anil yu'un te mulile.

Bible in Tzeltal Bachajón

⁹ Te jtuhl winic te lec sc'oblal ha ya sjopbe stanul te wacax, ya yac' ta sti'il te campamento ta jun lugar te lec sc'oblal. Ha ya yich' q'uejel yu'un te pueblo yu'un te snich'nab Israel, yu'un ya xtuhun ta ha' scuenta lecubtesel; ha me lecubtesel yu'un mulil.

Números 19:9 Referans Kwoze

Hebreos 9:13

Te xch'ich'el toroetic soc te xch'ich'el tat tentsunetique soc te stanul te chic'bil alal me' wacaxe, ay nax yip ta yutstesel xcuxlejalic te ants-winiquetic ta balumilal teme ya yich'ic tsijts'anel ta utstesel a te sbaq'uetalique.

Números 19:13

Melel teme ay mach'a ya spicbey sbaq'uetal anima, te ma ba ya slecubtes sba sc'oplal, ya sboltesbey sc'oplal te ch'ul awilal yu'un te Cajwaltique. Ja' yu'un ya me yich' ch'ayel loq'uel ta yolil Israel. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

Números 19:18

Jtul winic te lec sc'oplal ya me stsacbey sc'ab hisopo, ya me smul ta ya'lel te oxome, ya me stsijts'an ta Nailpac', te yawil biluquetic, soc te mach'atic tey ayic a, soc nix te mach'atic la spic te baquetic, teme anima te milbil, teme jich nax a laj, o teme muquenale.

Números 9:13

Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

Números 8:7

Te bila ya sc'an pasel ta lecubtesel sc'oplal, jich ay: Te ja'at tsijts'anbeya te ja' swenta lecubtesel sc'oplale. Ta patil ac'a xjox sbaic ta navaja ta scojt'ol sbaq'uetalic, soc ac'a saq'uic te sc'u'-spaq'uique. Jich me lecuben sc'oplal ya xjilic.

Números 6:12

Jich me ya xcha'jajch' ta yach'il ta ajtayel te jayeb c'aal yaloj te ya yac' sba ta jwenta cu'une. Te jayebix tel c'aale, ma'yuquix ta ich'el ta wenta, melel te stsotsil sjol te yac'oj ta jwenta, ma me ba lec sc'oplal. Jich yu'un ya me yic' bael ta jtojol jo'on te Ajwalilon jcojt' tat chij te jun ya'wilal swenta milbil majt'anil yu'un te smule.

Levítico 15:20

“Biluc ya swayibin te c'alal yac ta yilel xchamel swenta jujun u te antse, ma ba lec sc'oplal ya xjil yu'un. “Biluc a te ya snactibine, ma ba lec sc'oplal ya xjil yu'un.

Números 19:3

Te ja'ex ya me awac'beyic ta sc'ab te sacerdote Eleazar, yu'un ja' me ya sloq'ues bael ta spat campamento, ya me yal mandal ta milel ta stojol.

Números 19:8

Te winic ya xchic' te me' wacax, ya me sac' te sc'u'-spac' soc ya me spoc sba ta ja', ma ba lec sc'oplal ya xjil uuc c'alal ta yijc'ubel q'uinal.

Números 19:17

“Teme ay jich ma lecuc sc'oplalic ya xc'ot, ya me stsaquic jtebuc stanul te me' wacax te milbil ta swenta mulil, ya me yich' aq'uel ta oxom, ya me xtal ya'lel sloq'uibja' ta sba.