Números 19:7 - Bible in Tzeltal de Oxchuc y Tenejapa

⁷ Ta patil ya me sac' te sc'u'-spac' soc ya me spoc sba ta ja'. Ta patil ya me xju' ya x'och bael ta campamento, pero ma lecuc sc'oplal ya xjil c'alal ta yijc'ubel q'uinal.

Bible in Tzeltal Bachajón

⁷ Patil te sacerdote ya sac' sc'u' soc ya x'atin, hich ya xhu' ya x'och bahel ta campamento; bohloben sc'oblal ya xhil te sacerdote c'alal ta yihc'ubel q'uinal.

Números 19:7 Referans Kwoze

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Números 19:19

Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

Números 19:8

Te winic ya xchic' te me' wacax, ya me sac' te sc'u'-spac' soc ya me spoc sba ta ja', ma ba lec sc'oplal ya xjil uuc c'alal ta yijc'ubel q'uinal.

Levítico 22:6

ma lecuc sc'oplal ya xjil c'alal ta yijc'ubel q'uinal, ma me xju' ya swe' te bila ch'ultesbil ja' to teme ya spoc sba ta ja'e.

Levítico 15:5

“Mach'auc a te ya spic te banti way te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 11:40

Te mach'a ya sti'bey sbaq'uetal te chambalam stuquel lajeme, ya me sc'an te ya sac' te sc'u'-spaq'uique, soc ma me lecuc sc'oplal ya xjil c'alal ta yijc'ubel q'uinal. Ja' nix jich te mach'a ya sloq'uesbey sbaq'uetal te lajem chambalame, ac'a sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal.

Hebreos 13:11

Melel ta bay te nailpac' temploe, te muc' sacerdote ya yich' ochel xch'ich'el chambalametic ta bay te Mero Ch'ul Awilal ta swenta xch'ayel te mulile. Yan te sbaq'uetal te chambalametique ya yich' chiq'uel c'alal ta spat sti'il te lume.

Levítico 14:46

Spisil te mach'a ya x'och ta na te c'alal yalojix a te sacerdote te ya yich' maquele, ma me lecuc sc'oplal ya xjil c'alal yijc'ubel q'uinal yu'un.

Números 19:10

Te mach'a ya stsob bael te stanul wacax, ya me sac' te sc'u'-spac', ma ba lec sc'oplal ya xjil c'alal ta yijc'ubel q'uinal. Ja' mandalil cu'un sbajt'el q'uinal. Te bit'il ay yip sc'oplal ta atojolic te ja'ex israelex, jich nix me ay yip sc'oplal ta stojol te jyanlumetic te nainem ta awolilique.

Números 19:21

Ja' me mandalil cu'un sbajt'el q'uinal. Te mach'a ya yaiy tsijts'anwanej ta ja' yu'un lecubtesel, ya me sac' uuc te sc'u'-spaq'ue. Te mach'a ya spic te ja' yu'un lecubtesel, ma me lecuc sc'oplal ya xjil ja' to c'alal ta yijc'ubel q'uinal.

Levítico 11:24

“Te bitic ma lecuc sc'oplal ya xc'oex yu'un, ja'ic in to: “Mach'auc a te ya spicbey te sbaq'uetal junuc te chambalametic lajeme, ma me lecuc sc'oplal ya xjil yu'un c'alal ta yijc'ubel q'uinal.

Levítico 11:27

“Spisil chambalametic chaneb yacan te stan yacan ya stec' lum ae, ma me lecuc sc'oplal awu'unic. Mach'auc a te ya spicbey te sbaq'uetal teme lajeme, ma me lecuc sc'oplal ya xjil c'alal ta yijc'ubel q'uinal.

Levítico 11:28

Ja' ni me jich te mach'a ya sjachbey sbaq'uetal teme lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal. Ya me sc'an te ma lecuc sc'oplal awu'unic te chambalametique.

Levítico 11:31

“Ta spisilic te chambalametic te mero bayalic ta q'uinale, ja'ic ya me sc'an te ya awilayic. Mach'auc a te ya spicbey sbaq'uetal teme lajem, ma me lecuc sc'oplal ya xjil c'alal ta yijc'ubel q'uinal.

Levítico 11:32

“Soc ma lecuc sc'oplal ya xjil spisil biluquetic ya xch'ay coel ta sba te lajem chambalam. Manchuc me biluquetic pasbilic ta te', c'u'il, soc biluc a pasbil ta nujc'ule, coxtal, o biluc at'ejibalil yu'un at'el, ya me xju' ya yich'ic aq'uel ochel ta ja', ma me lecuc sc'oplal ya xjil c'alal ta yijc'ubel q'uinal, jich me lecubenix sc'oplal ya xjil a.

Levítico 11:39

“Teme ay ya xlaj chambalametic awu'unic te lec ta ti'ele, teme ay mach'a ya spicbey te sbaq'uetale, ma me lecuc sc'oplal ya xjil c'alal ta yijc'ubel q'uinal.

Números 19:22

Spisil te bila ya spic te mach'a ma lecuc sc'oplal, ma me ba lec sc'oplal ya xc'ot uuc. Teme ay mach'a ya spic te mach'a ma lecuc sc'oplal, ya me xbolob sc'oplal c'alal ta yijc'ubel q'uinal —xi' te Cajwaltique.