Números 19:21 - Bible in Tzeltal de Oxchuc y Tenejapa

²¹ Ja' me mandalil cu'un sbajt'el q'uinal. Te mach'a ya yaiy tsijts'anwanej ta ja' yu'un lecubtesel, ya me sac' uuc te sc'u'-spaq'ue. Te mach'a ya spic te ja' yu'un lecubtesel, ma me lecuc sc'oplal ya xjil ja' to c'alal ta yijc'ubel q'uinal.

Bible in Tzeltal Bachajón

²¹ Ha mandar te ma xlaj sc'oblal. Te mach'a ya ya'iy tsihtsinwanej ta ha' scuenta lecubtesel ya me sac' sc'u'. Te mach'a ya spic te ha' scuenta lecubtesel, bohloben sc'oblal ya xhil c'alal ta yihc'ubel q'uinal.

Números 19:21 Referans Kwoze

Hebreos 10:4

Melel ma'yuc bi ora te ya xju' yu'un xch'ayel mulil te xch'ich'el toroetic soc te xch'ich'el tat tentsunetique.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.

Hebreos 7:19

Melel te mandalile, ma'yuc mach'a lecub ta jc'axel yu'un. Ja'uc me to, chicnaj yan te ay yip co'tantic yu'un te ya yac' noptsajucotic c'oel ta stojol te Diose.

Levítico 11:40

Te mach'a ya sti'bey sbaq'uetal te chambalam stuquel lajeme, ya me sc'an te ya sac' te sc'u'-spaq'uique, soc ma me lecuc sc'oplal ya xjil c'alal ta yijc'ubel q'uinal. Ja' nix jich te mach'a ya sloq'uesbey sbaq'uetal te lajem chambalame, ac'a sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal.

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Números 19:7

Ta patil ya me sac' te sc'u'-spac' soc ya me spoc sba ta ja'. Ta patil ya me xju' ya x'och bael ta campamento, pero ma lecuc sc'oplal ya xjil c'alal ta yijc'ubel q'uinal.

Números 18:23

Te levitaetic ja'ic nax me stuquelic ya yat'elinic abatinel ta Nailpac' te bay ya quich' c'oponele, soc ja'ic nix ay ta swentaic te bitic mulil te ya staique. Ja' me mandalil cu'un sbajt'el q'uinal te ya xc'ax ta stojol me'il-tatiletic soc alnich'anetic. Te levitaetic ma me ayuc sq'uinalic ta Israel.

Números 19:8

Te winic ya xchic' te me' wacax, ya me sac' te sc'u'-spac' soc ya me spoc sba ta ja', ma ba lec sc'oplal ya xjil uuc c'alal ta yijc'ubel q'uinal.

Números 19:10

Te mach'a ya stsob bael te stanul wacax, ya me sac' te sc'u'-spac', ma ba lec sc'oplal ya xjil c'alal ta yijc'ubel q'uinal. Ja' mandalil cu'un sbajt'el q'uinal. Te bit'il ay yip sc'oplal ta atojolic te ja'ex israelex, jich nix me ay yip sc'oplal ta stojol te jyanlumetic te nainem ta awolilique.