Biblia Todo Logo
Bib sou entènèt

- Piblisite -




Números 19:20 - Bible in Tzeltal de Oxchuc y Tenejapa

20 Teme ay mach'a ma lecuc sc'oplal te ma ba slecubtesej sba, ya me yich' ch'ayel loq'uel ta yolil lum, melel ya sboltesbey sc'oplal te ch'ul awilal yu'un te Cajwaltique. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.

Gade chapit la Kopi

Bible in Tzeltal Bachajón

20 Te mach'a bohloben sc'oblal te ma ba la slecubtes sba, ya me yich' loq'uesel ta yohlil te pueblo, yu'un la sbohlobtesbe sc'oblal te ch'ul awilal yu'un Jehová; bohloben me sc'oblal ta scaj te ma ba tsihtsinot ta ha' scuenta lecubtesel.

Gade chapit la Kopi




Números 19:20
13 Referans Kwoze  

Te mach'a ya xch'uune soc teme ya yich' ja'e, ya me xcol. Yan te mach'a ma xch'uune, ya me x'ac'ot ta lajel sbajt'el q'uinal.


Melel teme ay mach'a ya spicbey sbaq'uetal anima, te ma ba ya slecubtes sba sc'oplal, ya sboltesbey sc'oplal te ch'ul awilal yu'un te Cajwaltique. Ja' yu'un ya me yich' ch'ayel loq'uel ta yolil Israel. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.


Yan te mach'a ma xyich' circuncisión, ya me yich' loq'uesel ta stojol alumal, yu'un ya xc'axintaybon te trato cu'une —xi'.


Te mach'a amen yo'tane, jichuc ac'a spas xan bael te bila amene. Te mach'a bol yo'tane, jichuc ayuc bael te yo'tane. Yan te mach'a lec yo'tane, ac'a spas xan bael te bila lec ta pasele; soc te mach'a ch'ultesbil yu'un te Diose, ch'ultesbiluc me bael te yo'tane” —la yuton.


Jich yu'un quermanotac te bayal c'uxex ta co'tane, te jayeb xan c'aal yacalex ta smaliyele, antayaic me te ma me ayuc bila quechel ta awentaic ta stojol a te ya xjul staex te Diose. Ma me bolobenuc awo'tanic yu'un mulil a te ya xtale.


“Yan teme ay mach'a spasemal yo'tan la spas te mulile, mach'auc a teme israel o teme jyanlum, tey la sboltesbon jc'oplal. Jich yu'un te mach'a jich la spas, ya me yich' loq'uesel ta yolil te slumale.


Jich me ya awaq'uic lecubuc sc'oplal yu'un a te sbaq'uetalic te israeletique, swenta yu'un jich ma ba ya sboltesbonic sc'oplal te awilal ta banti nainemon ta yolilique, soc jich ma ba ya xlajic yu'un a.” Jich me ya xc'o awalic ta stojolic —xi' te Cajwaltique.


Pero teme ma ba ya sac' te sc'u'-spaq'ue, soc teme ma ba ya spoc sba ta ja', xcuchoj me ya xjil te smule.” Jich me ya xc'o awal ta stojolic —xi' te Cajwaltique.


Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.


“Te patil alnich'anetic yu'un Aarón ma me xju' ya swe'ic te bila ch'ultesbil teme ay ta c'a'el-chamel, soc teme ay bila ya xmal loq'uel ta sjol sbaq'uetale. Ja' to teme la yich'ix lecubtesel sc'oplale, ja' to me ya xju' ya swe' a. “Te mach'a ya spic te bila ma lecuc sc'oplal ta scaj te animae, teme ya spic te mach'a ay bila mal loq'uel ta sjol sbaq'uetal,


Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.


Swiv nou:

Piblisite


Piblisite