Biblia Todo Logo
Bib sou entènèt

- Piblisite -




Números 19:2 - Bible in Tzeltal de Oxchuc y Tenejapa

2 —Jo'on Ajwalilon, ya cal mandal. Albeya te israeletic, ac'a yiq'uic tel jcojt'uc me' wacax te tsaj stsotsil te ma'yuc bay cajanbil yugo-te' ta snuq'ue.

Gade chapit la Kopi

Bible in Tzeltal Bachajón

2 Hich ay te bin halbil ta mandaril te la yal te Jehová: Halbeya te snich'nab Israel te ac'a yiq'uic tal jcoht tsajal wacax te mayuc bin jihnem yu'un soc te mayuc cajambil yugo ta snuc'.

Gade chapit la Kopi




Números 19:2
21 Referans Kwoze  

Te mamaletic yu'un te lum nopol aye, ya me stsac jcojt'uc ch'in wacax, te ma to ayuc yich'oj chuquel yugo ta snuc'.


Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.


Ja' yu'un ticunaic ta pasel jun yach'il carreta. Ya me atsaquic cheb me' wacaxetic te tojq'uel to yalique, ja' te ma'yuc moem yugo ta snuq'uique. Ac'beyaic snit beel te carreta, pero ma me xawac'beyic sjoin bael te yalique, ya me awaq'uic jilel ta sna wacax stuquelic.


soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,


Ma'yuc la sle smul stuquel te Cristoe soc ma ba lo'laywan ta c'op.


Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.


Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.


Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.


Te muliletic cu'une, yiloj te Cajwaltique, ja' xchucojbon ta jnuc' stuquel. Jich alubenic ta jtojol te bit'il yugo-te'; la slajinbonix quip. Te Cajwaltic yac'ojon ta sc'ab te mach'atic ay yipic ta jtojole.


Te Cajwaltic la yal: —La'ic, ya jchaptic te aiyeje: Manchuc me jich amulic te bit'il mero tsaje, ya jc'atp'unbeyex ta sac, jichuc saquil toib; manchuc me jich te bit'il pac' ts'ajbil ta tsaj, sac ya xc'ot cu'un, jichuc saquil stsotsil chij.


Te sacerdote Eleazar jich la yalbey spisil te soldadoetic te la yaiyic guerra: —Ja' mandalil yu'un Cajwaltic te la yac'bey Moisés:


Te sacerdote ya me stsac tel cedro soc ch'in sc'ab hisopo soc tsajal pac', ta spisil ya me xch'oj ochel ta c'ajc' ta bay ya xc'ajc' te me' wacaxe.


Ya me stsac te ch'in ja'mal mut cuxule, te cedro, te tsajal pac' soc te hisopo, ya me yajts'es ta xch'ich'el te ch'in ja'mal mut la yich' milel ta sba te ya'lel sloq'uibja'.


Te chambalam jujun me ja'wil ya'wilal, stat me, ma'yuc bila boloben ta sbaq'uetal, chican teme chij o tentsun.


Te Cajwaltic la sc'opon te Moisés soc Aarón, jich la yalbey:


“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.


“Teme xchij, o teme stentsun te chambalam ya yac'bon jmajt'anin te scojt'ol ya yich' chiq'uele, ya me sc'an ja' te stat te ma'yuc bila boloben ta sbaq'uetal.


Swiv nou:

Piblisite


Piblisite