Números 19:18 - Bible in Tzeltal de Oxchuc y Tenejapa

¹⁸ Jtul winic te lec sc'oplal ya me stsacbey sc'ab hisopo, ya me smul ta ya'lel te oxome, ya me stsijts'an ta Nailpac', te yawil biluquetic, soc te mach'atic tey ayic a, soc nix te mach'atic la spic te baquetic, teme anima te milbil, teme jich nax a laj, o teme muquenale.

Bible in Tzeltal Bachajón

¹⁸ Te jtuhl winic te lec sc'oblal ya me stsac hisopo, ya smul ta ha', ya stsihtsimbe a te nahilpac', te biluquetic soc te mach'atic tey ayic a, soc te mach'a la spicbe te sbaquel, te mach'a milot, te mach'a hich nax cham o te muquenal.

Números 19:18 Referans Kwoze

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Números 19:9

Ay me yan winic te lec sc'oplal, ya me stsobbey bael stanul te me' wacaxe. Tey me ya yac' ta awilal te lec sc'oplal ta spat campamento. Te stanul me' wacax, ja' me ya xtuun yu'un te lum Israel swenta yu'un ya xchajbanic a te ja' yu'un lecubtesel sc'oplal. Spisil in to ja' me milbil majt'anil yu'un te mulile.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

San Juan 17:19

Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

San Juan 17:17

Ac'a u'uninbotuc yo'tanic yu'un te bila melele. Te bila melele ja' te ac'ope.

Salmos 51:7

Lecubtesawon soc hisopo, te jich me pocbil ya xc'oon; pocawon, jich me sac ya xc'oon te bit'il buen sac te toibe.

Hebreos 9:19

Jich te Moisés neel la yal te mandalil ta stojol te lume. Patil la stsac tsajal stsotsil chij soc ch'in sc'ab hisopo-te'. La smul ta xch'ich'el alal wacaxetic soc ta xch'ich'el tat tentsunetic te capbil ta ja'e. La stsijts'an ta ch'ich' te sjunal te mandalile soc la stsijts'an spisil uuc a te lum te stsoboj sbaique.

Números 19:17

“Teme ay jich ma lecuc sc'oplalic ya xc'ot, ya me stsaquic jtebuc stanul te me' wacax te milbil ta swenta mulil, ya me yich' aq'uel ta oxom, ya me xtal ya'lel sloq'uibja' ta sba.

Números 19:19

Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

Isaías 52:15

Ja' nix jich bayal nacionetic jchajp nax me q'uinal ya yaiyic; te muc' ajwaliletic, te c'alal ya yilique, ma me xwejt' bi ya yalic yu'un. Melel ya yilic, soc ya xc'ot ta yo'tanic te bi jc'axel ma'yuc bay yaiyojic stojole.

Salmos 51:9

Ma me x'ana'bon xan te jmule, tup'bon spisil te bila amen jpasoje.