Números 18:5 - Bible in Tzeltal de Oxchuc y Tenejapa

⁵ Te ja'ex ay ta awentaic te abatinel yu'un te ch'ul awilal soc ta scajtijib ta chiq'uel majt'anil. Jich me ma ba xcha'ilinon xan ta stojol te israeletique.

Bible in Tzeltal Bachajón

⁵ Ay ta acuentahic spasel te a'tel ta ch'ul awilal soc ta scajtajib ta chiq'uel mahtanil, scuenta yu'un ma ba ya xtal xan ilimba ta stojol te snich'nab Israel.

Números 18:5 Referans Kwoze

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Números 16:46

te Moisés, jich la yalbey Aarón: —Ich'a tel te xchic'jibal apom, ac'beya ac'al yu'un te scajtijib majt'anile, ac'beya ochel pom. Baan me ta bay te lum, soc c'anbeya perdón Dios ta stojolic, melel tilemix te yilimba Cajwaltic soc jajch'emix te tulan chamel ya yac' lajel —xi'.

Levítico 24:3

Ja' me ya x'och ta swenta xchajbanel te Aarón, swenta yu'un ta sjunal ajc'ubal ya xtil ta jtojol jo'on te Ajwalilone. Ma me xcom ni junuc ajc'ubal ta tilel ta Nailpac' te banti ya quich' c'oponel, ta spat yu'un te pac' t'imil ta stojol te cajón yu'un trato. Te jmandal stalel me ya xjil, ya me xc'ax ta stojol me'il-tatiletic soc ya me xc'ax ta stojol alnich'anetic.

1 Timoteo 6:20

Jich yu'un Timoteo, canantaya ta lec te bila ac'bilat awentaine. Ma me xawac' achiquin ta yaiyel stojol jontol c'op aiyejetic te ma'yuc swentaile, soc ma me xawac' achiquin ta yaiyel stojol spisil biluc c'opiluc te cuybil ta p'ijil c'ope.

1 Timoteo 5:21

Ya calbat mandal ta stojol te Diose soc ta stojol te Cajwaltic Jesucristoe soc ta stojol te ch'ul abatetic tsabilic yu'une, te jich me xapas spisil ora. Ma me tsabiluc nax awu'un te mach'a ya achajbane.

1 Timoteo 3:15

swenta yu'un teme ma ju' te talon ta orae, jich me ya ana' te bila lec ya sc'an pasel ta stojol te yal-snich'an te Diose, ja' bi, ja' te jch'uunjeletic yu'un te cuxul Diose. In te jch'uunjeletique, ja' yoyal soc ja' yiptajib a te smelelil c'ope.

1 Timoteo 1:18

Jich yu'un te ja'at, Timoteo, te jnich'anate, ya calbat in mandal to, ta swenta bit'il jich albil ac'oplal ta swenta alwanej-c'op. Jich yu'un lequil soldado me xawac' aba ta yaiyel tsalaw.

Zacarías 10:3

Ja' yu'un jich ya yal te Cajwaltique: —Til jajch'el sc'ajc'al co'tan ta stojolic te jcananetique; ya me cac'bey castigo te j'ic'awetic yu'un te lum cu'une —xi'. Te Cajwaltic te Spisil ya xju' yu'un, ya me scanantay te chijetic yu'un, ja' te patil alnich'anetic yu'un Judá. Ja' me mero tulan caballoetic yu'un ya xc'otic swenta guerra.

Jeremías 23:15

Jich yu'un, te jo'on Ajwalilon te Spisil ya xju' cu'une, ya cal ta stojolic te mach'atic j'alwanejetique: Ya cac'bey swe'ic te bila bayal xch'aale; ya cac'bey ja' yuch'ic te yich'oj veneno. Melel te mach'atic j'alwanejetic ta Jerusalén pujq'uemix yu'unic te bila amen ta spamal te lumq'uinale —xi' te Cajwaltique.

1 Crónicas 24:5

Te bit'il ya sjel sbaic, la yich' pasel número ta na'el te bi ora ya x'at'ejic, yu'un ay jtsobwanejetic ta swenta sts'umbal Eleazar jich bit'il ay jtsobwanejetic ta swenta sts'umbal Itamar te ay xch'ul yat'elic te ayic ta stojol te Diose.

1 Crónicas 9:33

Ay te mach'atic ya yaiyic c'ayoj, ja' te jwolwanejetic yu'un te sts'umbal Leví, tey nainemic a ta bay cuartoetic yu'un te templo. Ma'yuc ta swentaic yantic at'eliletic, melel c'aal ajc'ubal ay ta swentaic c'ayoj.

1 Crónicas 9:23

La sjel sbaic soc te snich'nabic ta scanantayel yochibal sna te Cajwaltic, ja' te ch'ul templo.

1 Crónicas 9:19

Salum snich'an Coré, te snich'an Ebiasaf, te snich'an yan Coré, soc spisil te yermanotac sts'umbal Coré, ja'ic ay ta swentaic scanantayel yochibal te ch'ul templo, jich bit'il la spasic ta namey te static, te la scanantayic te yochibal campamento yu'un te Cajwaltique.

Números 8:19

Jo'on la jtsa te levitaetic ta yolilic te yantic israeletic. La cac'bey ta stojol Aarón soc snich'nab, yu'un ya me swentainic abatinel ta Nailpac' te bay ya quich' c'oponele, ta swenta sjelol te israeletique. Jich me ya staic perdón te israeletic ta jtojol te Ajwalilone. Te israeletic jich ma puersauc ya xnoptsajic tel ta ch'ul awilal, soc jich ma'yuc bila amen ya xc'ot ta stojolic —xi' te Cajwaltique.

Números 8:2

—Albeya te Aarón, te c'alal ya stiles te c'ajq'uetic, ac'a me yac' taluc xojobil ta yelaw te scajtijibe —xi' te Cajwaltique.

Levítico 10:6

Te Moisés jich la yalbey te Aarón soc te snich'nabe, ja' te Eleazar soc Itamar: —Tesbiluc me ajolic, soc ma me xach'i' ac'u'ic swenta seña mel-o'tan, swenta yu'un ma orauc ya xlajex, soc ma orauc ya yac' tel yilimba Dios ta stojol te israeletique. Yan te awermanotac te jun ats'umbalic soque, soc spisil te israeletique, ya xju' ya yaq'uic ta ilel te ya smel yo'tanic yu'un te mach'atic lajic ta c'ajc' te la yac' tel te Cajwaltique.

Números 1:53

Yan te levitaetic ja' me ya swentainic te ya yac' snailpaq'uic ta sjoyobal te ch'ul awilal yu'un trato, soc ya me scanantayic te ch'ul awilal, swenta yu'un ma me x'ilinon ta stojol te israeletique —xi' te Cajwaltique.

Números 18:4

Ya me sjoinex ta abatinel ta Nailpac' soc spisil te at'el ya yich' pasele. Pero ma me ayuc jtuluc te ma sts'umbaluc Leví te ya xnoptsaj bael ta atojolique.

Ezequiel 44:16

Ya me xju' ya x'ochic ta ch'ul templo cu'un, soc ya me xju' ya xnoptsajic ta scajtijib ta chiq'uel majt'anil cu'un. Ya me xju' ya yac' sbaic ta abatinel cu'un, ya me x'och ta swentaic spasel cat'el.

Números 1:50

Te levitaetic ya me awac'bey swentainic abatinel ta ch'ul awilal yu'un trato. Ya me swentainic te bitic ay ta pasel ta xch'uunel Dios tey a, soc spisil bitic yu'un te ch'ul awilal. Ja'ic me ya yat'elinic sq'uechel bael te Nailpac' Templo soc spisil te sbiluquil, soc spisil te bitic ay ta tuuntesel tey a. Tey me ya xc'o yac' snailpaq'uic ta sjoyobal te ch'ul awilal.

Números 4:18

—Ma me xawac' te ya xch'ay jchajbuc sts'umbal Coat ta yolilic te levitaetique.

1 Crónicas 23:24

Ja'ic te sts'umbalic Leví, ja' chican bit'il ayic ta juju-jchajp te yich'ojic ts'ibuyel sbiilic ta censo, te ja' jwolwanejetic yu'un juju-jchajp te ayic ta jtab ya'wilalic baele. Ja'ic te swentainejic te at'el ta templo.

1 Crónicas 23:32

Soc ay me ta swentaic scanantayel te Nailpac' te bay ya yich' c'oponel Dios, soc te xch'ul yawile. Ja' me te abatinel yu'un levitaetic soc te yermanotac, ja' te sts'umbal Aarón.

Ezequiel 44:15

“Te sacerdote-levitaetic patil alnich'anetic yu'un Sadoc, te jilic stalel ta abatinel ta templo cu'un te c'alal la yijq'uitaybonic te beetic cu'un te israeletique, ya me xju' ya xnoptsajic ta jtojol stuquelic, soc ya me xju' ya yac' sbaic ta abatinel cu'un. Ya me xju' ya stejc'an sbaic ta jtojol, swenta yu'un ya yac'bonic te xepuil soc te xch'ich'el te milbil majt'anile. Jo'on Ajwalilon te jich caloje.