Números 18:32 - Bible in Tzeltal de Oxchuc y Tenejapa

³² Teme loq'uemix awu'unic a ta bay mero lec te cu'une, te jich yipal ya xjil, ja' me awe'eliquix abi, jich ma ba ya ata amulic a. Jich lec sc'oplal ya xc'ot te ch'ul majt'anil ya yaq'uic te israeletic, soc jich ma ba ya awil awocolic ta milel’, xi' te Diose”, uta me —xi' te Cajwaltique.

Bible in Tzeltal Bachajón

³² Ma ba yac ata amulic a teme la awaq'uic ta banti leque. Hich ma ba yac abohlobtes te bintic ch'ultesbil yu'un te snich'nab Israel, soc ma ba ya xchamex yu'un, xchi.

Números 18:32 Referans Kwoze

Levítico 19:8

Te mach'a ya sti', ja' smul ya xc'ot, ya me yich' loq'uesel ta stojol te slumale, swenta bit'il la yixlan te bila ch'ultesbil cu'une.

Levítico 22:2

—Albeya te Aarón soc snich'nab, te ya me sc'an ya stsajtay sba ta lec yu'un te bitic ch'ultesbil ya yac'bonic te israeletic, swenta yu'un ma me sboltesbonic sc'oplal te jch'ul-biile. Jo'on Ajwalilon.

1 Corintios 11:29

Yu'un teme ma'yuc sc'oplal ta yo'tan te sbaq'uetal te Cajwaltique, te c'alal ya x'och ta we'el-uch'ajele, ja' nax ya sta castigo yu'un a.

1 Corintios 11:27

Jich yu'un te mach'a ya swe' te waje soc te ya yuch' te bila ay ta vaso yu'un te Cajwaltique, teme ma'yuc sc'oplal ta yo'tane, ja' smul ya xc'ot te bit'il ma xyich'bey ta muc' xch'ich'el sbaq'uetal te Cajwaltique.

Malaquías 1:7

Te ja'ex ya awich'bonic tel we'elil boloben te ya awac'bonic ta scajtijib jmajt'ane; ja'uc me to, yacalex ta yalel: “¿Bila a te ma ba quich'ojticat ta muc' yu'un?” xaex. Ja' ma x'awich'on ta muc' a te ma'yuc sc'oplal ta awo'tanic te scajtijib jmajt'an,

Números 18:22

Te yantic israeletic ma me xju' ya xnoptsajic ta Nailpac' te bay ya quich' c'oponele, swenta yu'un jich me ma sta smulic soc jich me ma xlajic.

Números 18:31

Ya me xju' ya awe'eliniquix soc te mach'atic ay awu'unic, ta bayuc ayuquex a, ja' me atojolic yu'un te abatinel ya apasic ta Nailpac' te bay ya quich' c'oponele.

Números 19:1

Te Cajwaltic la sc'opon te Moisés soc Aarón, jich la yalbey:

Éxodo 28:43

Jich yu'un te Aarón soc te snich'nab ya me slapic bael ta Nailpac' te bay ya quich' c'oponele, o ja' te c'alal ya xnoptsajic tel ta bay scajtijib ta chiq'uel te jmajt'ane, soc te c'alal ay at'el ta ch'ul awilal swenta yu'un ma me staic falta, teme repente ya xlajic yu'un. Ja' me jmandal ta sbajt'el q'uinal ta stojolic soc te sts'umbale.