Números 18:23 - Bible in Tzeltal de Oxchuc y Tenejapa

²³ Te levitaetic ja'ic nax me stuquelic ya yat'elinic abatinel ta Nailpac' te bay ya quich' c'oponele, soc ja'ic nix ay ta swentaic te bitic mulil te ya staique. Ja' me mandalil cu'un sbajt'el q'uinal te ya xc'ax ta stojol me'il-tatiletic soc alnich'anetic. Te levitaetic ma me ayuc sq'uinalic ta Israel.

Bible in Tzeltal Bachajón

²³ Te levitahetic ha nax stuquelic ya spasic te a'tel ta Nahilpac' Templo yu'un tahojibal, soc ha ay ta scuentahic te bin mulil ya xc'oht ta scuentahique. Ha mandaril te ma xlaj sc'oblal yu'un te ats'umbale. Mayuc q'uinal ya yich'ic ta yohlil te snich'nab Israel.

Números 18:23 Referans Kwoze

Números 3:7

Ya me yac' sbaic ta abatinel ta stojol Aarón soc spisil te lum ta Nailpac' te bay ya quich' c'oponele. Ja' me ya x'och ta swentaic te abatinel ta ch'ul awilal.

Números 18:20

Te Cajwaltic, jich la yalbey te Aarón: —Te ja'ate, ma me ayuc q'uinal ya awich', jich te bit'il yich'oj te yantic israeletique. Jo'on awu'unon, jo'on aq'uinalon ta Israel.

Números 18:1

Te Cajwaltic la yalbey Aarón: —Te ja'at soc anich'nab, soc te yantic ta apisilic te sts'umbalex Leví, ja' me amulic ya xc'ot teme ay ma jichuc ya yich' pasel ta ch'ul awilal te at'ele. Yan te ja'at soc anich'nab ja' me ya xc'ot ta awentaic te mulil teme ay ma jichuc te c'alal yacalex ta spasel awat'elic ta sacerdoteil.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Números 26:62

Ta spisil te queremetic sts'umbal Leví te ay jun nax u baele, ay oxeb xcha'winic ta jmil (23,000). Ma la yich'ic aq'uel ta censo soc te yan israeletic, melel ma'yuc q'uinal ac'bot yu'unin stuquelic.

Ezequiel 44:10

Te levitaetic loq'uic bael ta jtojol te c'alal jowejic te israeletic, ja' te la yijq'uitaybonic te be cu'un ta scaj xch'uunel loc'ombaetic, ya me stoj te smulique.

Números 19:21

Ja' me mandalil cu'un sbajt'el q'uinal. Te mach'a ya yaiy tsijts'anwanej ta ja' yu'un lecubtesel, ya me sac' uuc te sc'u'-spaq'ue. Te mach'a ya spic te ja' yu'un lecubtesel, ma me lecuc sc'oplal ya xjil ja' to c'alal ta yijc'ubel q'uinal.

Números 35:29

“Ja' me te mandaliletic te ya xtuun awu'unique, ja' me ya xc'ax ta stojol te me'il-tatiletic soc te snich'nabic ta bayuc ya xnainex”, uta me —xi' te Cajwaltique.

Deuteronomio 10:9

Ja' swentail te ma'yuc q'uinal ac'bot yu'uninic ta yolil yermanotac te levitaetic, melel ja' sq'uinalic c'oem te abatinel yu'un Cajwaltic, jich nix te bit'il yaloj stuquele.)

Josué 13:14

Te sts'umbal Leví ma ba ac'bot sq'uinalic yu'un Moisés, yu'un ja' sq'uinal ya xc'ot te majt'aniletic te ya yich' chic'beyel te Cajwaltic te Dios cu'untic te israelotique, jich nix te bit'il yaloj stuquele.