Números 18:21 - Bible in Tzeltal de Oxchuc y Tenejapa

²¹ Te levitaetic ya cac'bey yu'uninic te jun ta slajunebal ya yaq'uic te israeletic ta spisil te bitic ya staic ta q'uinal, ja' stojolic te abatinel ta Nailpac' te bay ya quich' c'oponel.

Bible in Tzeltal Bachajón

²¹ La jca'be te levitahetic spisil te jun ta slajunebal ya yich' aq'uel ta Israel, yu'un te a'tel ya spasic ta Nahilpac' Templo yu'un tahojibal.

Números 18:21 Referans Kwoze

Nehemías 12:44

Ta c'aal in to la yich' aq'uel yat'elic mach'atic ochic ta swentainel te stsobjibal yu'un te bitic majt'aniletic ta stojol Dios, soc te diezmoetic, soc te sba sit yawal-sts'unubic. Ya yich'ic q'uejel tey a, swenta yu'un tey ya yich' tsobel spisil a te bitic ya yich'ic tel ta sq'uinal te juju-jpam lume, jich nix te bit'il ya yal te mandaliletique. Ja' yu'unic te sacerdoteetic soc te levitaetique. Melel te mach'atic ayic ta Judá bin nax yo'tanic ta stojolic te sacerdoteetic soc te levitaetic te yacalic ta at'el ae.

Nehemías 10:37

Soc ja' nix jich la jna'tic te ya quich'tic bael ta stsobjibal biluquetic ta templo yu'un Dios cu'untic te sbabial harina, vino, aceite, soc te sba sit spisil te te'etique, swenta jpatantic te ja' yu'un te sacerdoteetique. Soc la jna'tic xan te ya quich'beytic bael levitaetic te jun ta slajunebal te bitic ya xloc' cu'untique, melel ja'ic nix a te ya stsobic te jun ta slajunebal ta spisil te bitic ya xloc' ta jq'uinaltique.

Hebreos 7:5

In te sts'umbal Leví te ac'otic ta sacerdoteile, pasbilic ta mandal te ya sc'anic jun ta slajunebal te sbiluc slumal te ja' te jun nax me'il-tatiletic yu'unique soc te ja' sts'umbal Abraham ta spisilique.

Gálatas 6:6

Te mach'a ayic ta p'ijubtesel ta swenta te sc'op Diose, ac'a me yac'bey te bila ya xtuun yu'un te jp'ijubteswanej yu'unique.

Nehemías 13:12

Spisil Judá la yich'ic tel te diezmo yu'un trigo, vino soc aceite, la yaq'uic ta banti stsobjibal ta templo.

Nehemías 10:29

spisilic ja' la sjoinic ta xchapel sc'opic te yermanotac soc te jtsobawanejetic yu'unique. Jc'axel la yalic ta jamal te ja' ya st'unic te bila ya yal te mandaliletic yu'un te Diose, te la yac'bey ta swenta Moisés, ja' te yabate. La yalic te jun me yo'tanic ya yaq'uic c'otuc ta pasel ta spisil ta jchajp te mandaliletic yu'un te Cajwaltique.

2 Crónicas 31:12

la yaq'uic ochel bael tey a soc yutsil yo'tanic te spatanic, soc te diezmo te la yaq'uique, soc te bitic yac'ojic te ch'ultesbil ta stojol te Cajwaltique. La sleic mach'a ya swentain spisil, ja' te jtul levita Conanías sbiile soc te yermano Simei te ya xcoltayot ta at'el yu'une.

Números 18:6

Jo'on la jtsa te awermanotac levitaetic ta yolil israeletic swenta yu'un ya cac'beyex ta ac'abic, yu'un ya me yac' sbaic ta abatinel ta Nailpac' te bay ya quich' c'oponele.

Génesis 14:20

Bin nax yutsil te Dios te toyol ay stuquele, melel la yac'batix ta ac'ab te jayeb awajcontro —xi' sc'oplal. Ta spisil biluquetic te yich'oj sujt'el tel Abram, jun la yac'bey smajt'anin ta slajunebal te Melquisedec.

Números 31:28

Ya me aloq'uesbon jchajbuc cu'un: ta jujun jo'winic xcha'bajc' (500) juju-jtul me ya aloq'ues te jaytul ach'ixetic ya xc'ot ta swentaic te soldadoetic, soc nix te wacaxetic, burroetic soc te chijetique.

Deuteronomio 18:8

Ja' ni me jich yipal ya yich' coltayel ta swe'el te bit'il ya x'ac'botic te yantique, soc ja' yu'un te bila ya x'ac'bot yu'un te state.

Nehemías 12:47

Ja' yu'un, ta yorail Zorobabel soc ta yorail Nehemías, ta spisil Israel la yaq'uic ta jujun c'aal te we'eliletic yu'unic te jc'ayojetic soc te jcanan-ti'nailetique. La yac'beyic te levitaetic te bay c'alal ya xc'ot ta swentaique. Ja' nix jich la spasbeyic ta stojolic te sts'umbal Aarón.

Nehemías 13:5

Ja' yu'un la yac'bey ta swenta jun muc'ul cuarto, ja' te banti la yich' q'uejel smajt'an Dios ta neelal toe, ja'ic te pom, spisil bitic ya xtuun ta templo, soc te diezmoetic yu'un trigo, vino soc aceite te albil mandal ya yich' aq'uel te levitaetic soc te jc'ayojetic soc te jcanan-ti'nailetic. Soc la yich' q'uejel ta neelal to tey a te patanetic yu'un ya yich'ic te sacerdoteetique.

Malaquías 2:4

Jich me ya ana'ic stojol te jo'on cac'ojbeyex te mandalil in to ta swenta te trato cu'un soc Leví te ma xch'ay sbajt'el q'uinal —xi' ta yalel te Cajwaltic te Spisil ya xju' yu'une.

Malaquías 3:10

Ich'bonic tel jun ta slajunebal te abiluquic ta bay yawil ta templo, jich me ay we'eliletic ta jna. Pasawonic ta prueba, ya me awilic te ya jambeyex sventanail te ch'ulchane, ya me xco tel ta atojolic bayal te bendicione.

Génesis 47:24

Te jayeb sit ya yac' te awawal, jun me ya awac'bey faraón ta yo'ebal. Te chaneb ya awich'ic jilele, swenta yu'un ya me ats'unic, soc ya me amac'lin abaic a, soc mach'a jayeb ay awu'unic ta anaic soc awal-anich'nab —xi' sc'oplalic.

Génesis 47:26

Jich jajch' ta pasel te mandalil yu'un José ta spamal Egipto te ya yac'bey faraón te jun ta yo'ebal te bila ya sloq'uesique. Ma ba ch'ayem sc'oplal te mandalil c'alal ora yo'tic. Ja' nax ta sq'uinal sacerdoteetic te ma jichuc c'ot ta pasele, te melel ma yu'unuc faraón te sq'uinalique.

Números 3:6

—Ic'a tel mach'atic sts'umbal Leví, swenta yu'un ya me yac' sbaic ta swenta Aarón, soc ac'a me yac' sbaic ta abatinel yu'un.

Nehemías 10:38

Te bi ora ya xbajt'ic te levitaetic ta stsobel te jun ta slajunebale, ya me sjoin jtul sacerdote, te sts'umbal Aarón. Ta patil te levitaetic ya yich'ic bael ta stsobjibal biluquetic ta templo yu'un Dios cu'untic te jun ta slajunebal te la stsobique.