Números 18:20 - Bible in Tzeltal de Oxchuc y Tenejapa

²⁰ Te Cajwaltic, jich la yalbey te Aarón: —Te ja'ate, ma me ayuc q'uinal ya awich', jich te bit'il yich'oj te yantic israeletique. Jo'on awu'unon, jo'on aq'uinalon ta Israel.

Bible in Tzeltal Bachajón

²⁰ Te Jehová la yalbe te Aarón: Mayuc q'uinal yac awich' ta banti sq'uinalic te yantique, soc mayuc binti yac awich' ta yohlilic. Ho'on me te bin yac awich' soc ho'on aq'uinalon ta yohlil te snich'nab Israel.

Números 18:20 Referans Kwoze

Ezequiel 44:28

“Jo'on nax me te yu'unonic te sacerdoteetique. Ma me xju' ya yich'ic ac'beyel sq'uinalic ta sq'uinal Israel, melel jo'on me te sq'uinalonic c'oeme.

Deuteronomio 10:9

Ja' swentail te ma'yuc q'uinal ac'bot yu'uninic ta yolil yermanotac te levitaetic, melel ja' sq'uinalic c'oem te abatinel yu'un Cajwaltic, jich nix te bit'il yaloj stuquele.)

Josué 13:33

Yan te sts'umbal Leví, ma ba ac'bot sq'uinal stuquelic, yu'un jich la yich' alel ta stojolic: “Te Cajwaltic te Dios cu'untic te israelotic, ja' me aq'uinalic c'oem”, xi' sc'oplalic.

Lamentaciones 3:24

Jich ya cal ta co'tan: “Te Cajwale, ja' cu'un ta spisil; jich yu'un ja' smuc'ul co'tan stuquel”, xoon.

Josué 14:3

Melel te Moisés ta neelal la yac'bey sq'uinalic ta jejch' ja' Jordán te sts'umbal Rubén, Gad soc te olil sts'umbal Manasés. Yan te sts'umbal levitaetic ma'yuc bay ac'bot sq'uinal stuquelic.

Deuteronomio 14:27

“Ma me ayuc bi ora ya apijt'esic te levitaetic, ja' te nainemic ta alumalique. Na'aic me te ma'yuc yich'oj sq'uinalic jich bit'il te ja'exe.

Deuteronomio 12:12

Ya me apasbeyic q'uin ta stojol te Cajwaltic te Dios cu'untique. Ya me atsob abaic soc awal-anich'nabic soc abatetic awu'unic, soc nix te levitaetic nainemic ta banti ayexe, melel ma'yuc ac'bot yich' sq'uinalic ta awolilic stuquelic.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

Salmos 142:5

Cajwal, ja'at me ya cawtayat, jich ya calbat: “Ja'at me anjibalat cu'un; ja'at xanix atuquel te cuxulon awu'un ta ora to”, xoon me ta atojol.

Salmos 16:5

Cajwal, ja' nax ayat ta co'tan. Ja'at ya awac'bon bayal ta jchajp bendición ta jtojol; te jcuxlejal ay ta ac'ab.

Josué 18:7

Yan te levitaetic ma me ayuc ya yich' sq'uinalic ni jtebuc stuquelic. Te bi ya yich'ique, ja' me te at'el ta sacerdoteil yu'un te Cajwaltique. Yan te sts'umbal Gad, te sts'umbal Rubén soc te olil sts'umbal Manasés, yich'ojix sq'uinal stuquelic ta jejch' ja' Jordán, ta stojol sloq'uib c'aal, te ac'botic jilel yu'un Moisés te yabat te Cajwaltique —xi' te Josué.

Salmos 73:26

Te jbaq'uetal soc te co'tan ya xlaj; pero ja' quip stuquel te Diose, soc ja' cawil sbajt'el q'uinal.

Deuteronomio 14:29

swenta yu'un te c'alal ya xtal te levitaetic te ma'yuc sq'uinalique, o ja' te jyanlumetic te nainemic ta awolilic, o ja' te me'ba alaletic soc te me'ba antsetique, ya me swe'ic ja' to me teme noj xch'ujt'ique. Te Cajwaltic te Dios cu'untique ya me yac'beyex bendición ta spisil te bitic ya apasique.

Números 26:62

Ta spisil te queremetic sts'umbal Leví te ay jun nax u baele, ay oxeb xcha'winic ta jmil (23,000). Ma la yich'ic aq'uel ta censo soc te yan israeletic, melel ma'yuc q'uinal ac'bot yu'unin stuquelic.

Josué 13:14

Te sts'umbal Leví ma ba ac'bot sq'uinalic yu'un Moisés, yu'un ja' sq'uinal ya xc'ot te majt'aniletic te ya yich' chic'beyel te Cajwaltic te Dios cu'untic te israelotique, jich nix te bit'il yaloj stuquele.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Números 18:7

Ja'at nax me atuquel soc anich'nab te ya xju' ya apasic te at'el ta sacerdoteil ta bay scajtijib majt'anil, soc biluc ya xjajch' ta pasel ta yutil te paq'ue. Te at'el ja'ex ay ta awentaic, melel jo'on cac'ojbeyex ta awentaic te at'el ta sacerdoteile. Teme ay mach'a ya x'at'ej ta sacerdoteil te ma'yuc ta swenta, ya me yich' castigo ta milel —xi' te Cajwaltique.