Números 18:15 - Bible in Tzeltal de Oxchuc y Tenejapa

¹⁵ “Spisil te sba yal israel-antsetic, soc te sba yal te xchamsbalamic ya yac'bonic, ja' me awu'un. Ja'uc me to, te sba yal israel-antsetic, soc te sba yal chambalametic te ma lecuc sc'oplal, ya me ac'anbey te ya yac'bon taq'uin ta swenta.

Bible in Tzeltal Bachajón

¹⁵ Spisil te ba-alaletic yu'un ants-winiquetic soc sba-yal chambahlametic te ya ya'beyic Jehová, ha'at me awu'un. Pero ya me alehbe sjelol te ba-alal yu'un ants-winiquetic soc te sba-al chambahlametic te bohloben sc'oblal.

Números 18:15 Referans Kwoze

Éxodo 34:20

Te sba yal me' burra ya me awac'bey sjelolin jcojt' chij, o teme jcojt' tentsun. Teme ma jichuc ya awaq'uique, ya me amilic ta c'asbeyel snuc' te ch'in burroe. Yan te sba anich'anic, lebeyaic me sjelol te ja' ya awac'bonic jmajt'anine. Ma me ayuc mach'a ya xtal yilon teme ma'yuc bila ya yich'bonic tel jmajt'anin.

Éxodo 13:2

—Ac'bonic spisil te sba anich'anic, melel spisil sba snich'nab te israeletic, ja' me cu'un. Ja' ni me jich spisil te sba yalatac te xchamsbalamique —xi' te Diose.

Números 3:46

Ja'uc me to, te sba snich'anic te israeletic, c'axem jich yipalic a te bit'il levitaetique. Jich yu'un, swenta ya xcolic te oxlajuneb xchanlajunwinic (273) sba-nich'aniletic xan te ya spas sobra te yajtalulic,

Números 3:13

melel jo'on cu'un te ba-nich'aniletique. C'alal la cac' lajuc spisilic te sba snich'anic te egipcioetic, la jc'uxtay jilel, yu'un ya cu'unin te sba snich'anic te israeletic, soc te sba yalatac te xchamsbalamique. Jich yu'un jo'on me cu'un te Ajwalilone —xi'.

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Éxodo 13:15

soc te bit'il tulanaj yo'tan te faraón te ma la yac'otic loq'uele. Jich la yich' ejch'entesel ta lajel sba snich'anic te egipcioetic soc te sba yalatac te xchamsbalamique. Ja' me swentail te ya cac'beytic smajt'anin Cajwaltic teme stat te sba yal te jchambalamtic te ja' sjelol ya xc'ot te sba jnich'antique.

Números 18:16

Te taq'uin ja' me ya yich' tojel a te junix u yayinel, jo'sejp me plata jich bit'il p'isbil yalal juju-jsejp ta ch'ul awilal, te bulucheb gramo te yalale.

Deuteronomio 15:19

“Spisil te stat te sba yal awacax, soc te sba yal te achije ya xtojq'ue, ya me awac'bey yu'unin te Cajwaltic te Dios cu'untique. “Ma me xawac' at'ejuc te sba yal te wacaxetic awu'une, soc ma me xaloq'uesbeyic stsotsil te ch'in sba yal te chijetic awu'unique.

Nehemías 10:37

Soc ja' nix jich la jna'tic te ya quich'tic bael ta stsobjibal biluquetic ta templo yu'un Dios cu'untic te sbabial harina, vino, aceite, soc te sba sit spisil te te'etique, swenta jpatantic te ja' yu'un te sacerdoteetique. Soc la jna'tic xan te ya quich'beytic bael levitaetic te jun ta slajunebal te bitic ya xloc' cu'untique, melel ja'ic nix a te ya stsobic te jun ta slajunebal ta spisil te bitic ya xloc' ta jq'uinaltique.