Números 18:12 - Bible in Tzeltal de Oxchuc y Tenejapa

¹² Soc ya cac'bat te sbabial sit yawal-sts'unub israeletic te ya yich'bonic tel jujun ja'wil: ja' te lequil aceite, te lequil vino soc te lequil trigo.

Bible in Tzeltal Bachajón

¹² Spisil te lequil aceite, lequil vino, trigo soc te sba sit te ya ya'beyic Jehová, ho'on la jca'bat.

Números 18:12 Referans Kwoze

Deuteronomio 18:4

soc nix te sba sit trigo, vino soc aceite, soc te sbabial buelta ya yich' set'beyel stsotsil te chijetique.

Éxodo 23:19

“Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.

Éxodo 34:26

“Ja' me x'awich'ic bael ta templo ta jtojol jo'on Ajwalilon te Dioson awu'unic, ta bay mero lequic sba sit awawal-ats'unubic. “Ma me xapay alal tentsun ta ya'lel xchu' te sme'e —xi' te Cajwaltique.

Deuteronomio 26:2

ya me atsac te sba sit te awawal-ats'unub te ya yac'bat te lumq'uinale, ya me apach bael ta moch ta yawil te banti stsaoj yu'un yawil sbiil te Cajwaltic te Dios cu'untique.

Levítico 23:20

Te sacerdote ya me stoyilaybon ta jtojol te majt'anil chambalametic jo'on te Ajwalilone. Ja' me ya sjoin te waj swenta sba sit awalts'unubil te cheb chijetique. Ch'ultesbilic me ta jtojol jo'on te Ajwalilon, ja' me yu'un te sacerdote.

Levítico 23:17

Ya me awich'ic tel te bitic ay awu'unic ta anaic, ja' me te cheb wajetic te yich'oj pasel ta mero lequil harina, yich'oj tac'ajtesel soc levadura te panetic, chaneb kilo yalal juju-jpejch', swenta toyilayel majt'anil sba sit awawal-ats'unub ta jtojol jo'on te Ajwalilone.

Levítico 2:14

“Teme ya awac'bon jmajt'anin jo'on te Ajwalilon te sbabial sit te atrigo o te acebada, ya me abacubtes ta c'ajc' te juju-jchex ta xyaxal to, soc ya me yich' chewel te juju-jp'ij sit te yach'il to, te sbabial set'bile.

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Génesis 27:28

Spisil ora ac'a yac'bat tel ja'al c'alal ta ch'ulchante Diose, ac'a yac' sitinuc ta lec te awawal-ats'unube, ac'a yac' esmajuc bayal trigo soc bayal vino awu'un.

Deuteronomio 18:3

“Te bila ay ta swenta te sacerdoteetic ta stojol te milbil majt'aniletic, toroetic soc chijetic te ya yaq'uic te lume, ja' ya yich'ic te slomo, te yalan'e, soc te stsucum,

Deuteronomio 32:14

soc mantequilla yu'un wacaxetic, soc ya'lel xchu' yu'un sme' chijetic. La swe'ic jujp'en alal chijetic, muc'ul chijetic ta Basán, soc tat tentsunetic. Buen t'ujbilic sit trigo la sta swe'elinic; la yuch'ic vino, ja' te xch'ich'el yilel te ts'usube.

Salmos 81:16

Te Dios ya me yac'bey swe'el te lum yu'une: ja' me ya yac'bey swe'elinic te mero lequil trigo, soc ja' me ya yac'bey snojes xch'ujt'ic a te xchabul ajachab.

Salmos 147:14

Ja' ya yac' te lamaluc q'uinal ta spamal alumal; ja' ya yac'bat xnoj lec ach'ujt' yu'un te lequil trigo.

Ezequiel 44:30

Te sacerdoteetique ja' me ya xc'ot ta swentaic te mero yutsil te sba sit te awalts'unubiletique, soc ta spisil te jmajt'ane. Te c'alal ya achajbanic ta wots'el te harina yu'un waje, ya me awac'beyic uuc, pero ja' me ya awac'beyic te mero slequile. Jich me xapasic, swenta yu'un jich me ya xc'ot bendición cu'un ta yutil anaic.

Levítico 2:12

Ya xju' ya awac'bonic jmajt'anin levadura soc chab swenta sba sit awawal-ats'unubic, pero ma me xachiq'uic ta scajtijib jmajt'an swenta bujts'an yic' ta jtojol jo'on te Ajwalilone.

2 Reyes 4:42

Patil c'ot jtul winic talem ta Baal-salisa. Yich'ojbey c'oel jtab ta pejch' waj pasbilic ta cebada te loq'uelic to ta samet, soc yach'il trigo ta morral. Te Eliseo la yalbey mandal te abat yu'une: —Ac'beya te mach'atic li' ayique, ac'a swe'ic —xi'.

2 Crónicas 31:5

Ja' mandalil te pujc' bael ta stojol te israeletic, jich mero bayal la yaq'uic, ja' la yaq'uic te bay lequic te loq'uem yu'unique: trigo, vino, aceite, chab soc spisil te bitic sit awalts'unubil ta q'uinale. Soc la yich'ic bael jujun ta slajunebal ta spisil te bitic ay yu'unique, c'ax bayal ta jyalel.