Números 16:9 - Bible in Tzeltal de Oxchuc y Tenejapa

⁹ ¿Yu'un bal ma tic'uc ya awaiy te la stsaex te Dios yu'un spisil te israeletic, te ja' nopol ayex ta sts'eel te ja' ya awat'elinic spasel at'el ta ch'ul awilal yu'un Cajwaltic, soc te ya apasbeyic te at'el ta stojol te lume?

Bible in Tzeltal Bachajón

⁹ ¿Yu'un bal ma tic'uquex a te la stsahex te Dios yu'un Israel ta yohlil te pueblo yu'un te snich'nab Israel, te la yiq'uex tal ta stojol yu'un yac apasic te a'tel ta nahilpac' yu'un Jehová soc te ya xtehc'ajex ta stojol te pueblo ta scoltaylanel?

Números 16:9 Referans Kwoze

Isaías 7:13

Jich yu'un te Isaías la yal: —Aiya awaiy stojol ja'ex te sts'umbalex te antiguo muc' ajwalil David. ¿Ma bal tic'uc ya awaiy te ya awuts'in te ants-winiquetic? ¿Ya bal awuts'in uuc te Dios cu'une?

Deuteronomio 10:8

Ja' yorail a te la stsa te sts'umbal Leví te Cajwaltique, te yu'un ja' ya yich'ic bael te cajón te banti ay te trato yu'une, soc te yu'un ya x'ainic ta stojol te Cajwaltic swenta ya yich' xch'uunel, soc te ya yich' c'anel te bendición ta swenta sbiil stuquel, jich nix te bit'il yacal ta pasel ta ora to.

Nehemías 12:44

Ta c'aal in to la yich' aq'uel yat'elic mach'atic ochic ta swentainel te stsobjibal yu'un te bitic majt'aniletic ta stojol Dios, soc te diezmoetic, soc te sba sit yawal-sts'unubic. Ya yich'ic q'uejel tey a, swenta yu'un tey ya yich' tsobel spisil a te bitic ya yich'ic tel ta sq'uinal te juju-jpam lume, jich nix te bit'il ya yal te mandaliletique. Ja' yu'unic te sacerdoteetic soc te levitaetique. Melel te mach'atic ayic ta Judá bin nax yo'tanic ta stojolic te sacerdoteetic soc te levitaetic te yacalic ta at'el ae.

1 Samuel 18:23

Te abatetic yu'un te Saúl ba yalbeyic yaiy spisil te David te bitic albotique. Pero jich albotic yu'un: —¿Ya bal acuyic te ma'yuc bayal sc'oplal te ya x'ochon ta snial muc' ajwalil te bit'il me'baon soc te ma'yucon ta wenta? —xi' te David.

Números 16:13

¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?

Números 3:6

—Ic'a tel mach'atic sts'umbal Leví, swenta yu'un ya me yac' sbaic ta swenta Aarón, soc ac'a me yac' sbaic ta abatinel yu'un.

Números 1:53

Yan te levitaetic ja' me ya swentainic te ya yac' snailpaq'uic ta sjoyobal te ch'ul awilal yu'un trato, soc ya me scanantayic te ch'ul awilal, swenta yu'un ma me x'ilinon ta stojol te israeletique —xi' te Cajwaltique.

Ezequiel 34:18

¿Ma bal tic'uquex a te ya awe'ic te buen lequil aque? ¿Ya to bal apech'ic jilel ta teq'uel te yantic aque? Ya awuch'ic te yaxal ja'e, pero te yan ja'e ya atatubtes ta awacanic.

2 Crónicas 35:3

Soc la yac'bey snopic te bi ya spasic te levitaetic, te ja' maestroetic yu'un spisil Israel, te ch'ultesbilic ta stojol te Cajwaltic. Jich la yal: —Ac'aic te ch'ul cajón tey ta templo te la spas te Salomón te snich'an David, te antiguo muc' ajwalil yu'un Israel; ma me xaq'uechiquix bael ta anejq'uelic. Ta ora yo'tic at'elinaic abatinel yu'un te Cajwaltic Dios cu'untic soc yu'un Israel te lum yu'une.

2 Samuel 7:19

Cajwal, mero bayal sc'oplal c'oem awu'un ya caiy, melel la atabonix ta alel te bila ya xc'ot ta pasel ta patil ta stojol cajalcaj te jts'umbal te awabatone. Ma'yuc mach'a jich ya spas te bit'il ja'ate, Cajwal.

Génesis 30:15

Ja'uc me to, la sjac'bey te Lea: —¿Ma bal tic'ucat a te bit'il apojobon te jmamlale, ya to xtal apojbon xan te mandrágora-wamal te yich'ojbon tel te cale? —xi'. La yal te Raquel: —Teme yu'un ya awac'bon te mandrágora-wamal te yich'ojbat tel te awale, ya xju' ya ajoin ta wayel yo'tic te Jacob —xi'.

1 Corintios 4:3

Ja'uc me to, ma'yuc sc'oplal ta co'tan te bi quilel ya awilonic te ja'exe soc te bi quilel ya yilonic uuc te chajbanwanejetic li'to ta balumilale. Soc te jo'one, ma jwentauc yalel te bi quilel ayone.

Hechos 13:2

Jun c'aal, c'alal la stsob sbaic ta yalel wocol ta stojol te Cajwaltique soc spasojic ayuno a, jich albotic yu'un te Ch'ul Espiritue: —Ac'bonic ta jwenta te Bernabé soc te Saulo te tsabiliquix cu'un ta spasel te at'ele —utotic yu'un.

Números 3:9

Parte xawac' te levitaetic te ayic ta yolil te israeletic, swenta yu'un ya me yat'elinic abatinel ta stojol Aarón soc te sts'umbale.

Números 16:8

Te Moisés la yalbey xan te Coré: —Aiybon awaiyic stojol jc'op, levitaetic:

Ezequiel 44:16

Ya me xju' ya x'ochic ta ch'ul templo cu'un, soc ya me xju' ya xnoptsajic ta scajtijib ta chiq'uel majt'anil cu'un. Ya me xju' ya yac' sbaic ta abatinel cu'un, ya me x'och ta swentaic spasel cat'el.