Números 16:47 - Bible in Tzeltal de Oxchuc y Tenejapa

⁴⁷ Te Aarón la spas te bila albot yu'un Moisés. Bajt' ta animal ta bay stsoboj sbaic te lume. Te tulan chamel te ticunbilix tel yu'un te Diose, yaquix ta yaq'uel lajel ta stojol te lume. Jich yu'un te Aarón la yac' ochel pom, soc la sc'anbey perdón Dios ta stojol te lume.

Bible in Tzeltal Bachajón

⁴⁷ Hich te Aarón la spas te bin halbot yu'un te Moisés. La yich' tal te schic'ojibal pom, ahnimal baht ta yohlil te pueblo; hahchemix a te jmilawal-chamel. La ya'be pom, la spas te stojel mulil yu'un te pueblo.

Números 16:47 Referans Kwoze

Romanos 12:21

Ma me xawac' abaic ta tsalel yu'un te bila amene. Tsalaic me te bila amen ta swenta te bila leque.

San Mateo 5:44

Ja'uc me to, jo'on ya calbeyex: C'ux me x'awaiy te acontroe, c'anbeya bendición te mach'a ya sbolc'optayexe. Pasbeyaic bila lec te mach'atic ya yilayexe. C'oponbeyaic Dios ta stojol te mach'atic ya yixtac'optayexe soc te ya yuts'inexe.

Salmos 106:29

Te bit'il amen yat'elic la sjachbeyic yilimba a te Diose, jich pujc' tel tulan chamel swenta lajel ta stojolic.

Números 16:46

te Moisés, jich la yalbey Aarón: —Ich'a tel te xchic'jibal apom, ac'beya ac'al yu'un te scajtijib majt'anile, ac'beya ochel pom. Baan me ta bay te lum, soc c'anbeya perdón Dios ta stojolic, melel tilemix te yilimba Cajwaltic soc jajch'emix te tulan chamel ya yac' lajel —xi'.

Números 16:48

Tey ba yac' sba ta yolil te mach'atic lajemiquix soc te mach'atic cuxulic toe. Jich la scom sba te tulan chamel te ya yac' lajele.

Números 25:13

ja' me te ya cac'bey ta swenta soc sts'umbal te at'el ta sacerdoteil ta sbajt'el q'uinal. Melel bayal jc'oplal ta yo'tan, jich la stabey perdón te israeletic —xi' te Cajwaltique.