Números 16:46 - Bible in Tzeltal de Oxchuc y Tenejapa

⁴⁶ te Moisés, jich la yalbey Aarón: —Ich'a tel te xchic'jibal apom, ac'beya ac'al yu'un te scajtijib majt'anile, ac'beya ochel pom. Baan me ta bay te lum, soc c'anbeya perdón Dios ta stojolic, melel tilemix te yilimba Cajwaltic soc jajch'emix te tulan chamel ya yac' lajel —xi'.

Bible in Tzeltal Bachajón

⁴⁶ Te Moisés la yalbe te Aarón: Ich'a tal te schic'ojibal pom, a'beya tey a te sc'ahc'al te scajtajib ta chiq'uel mahtanil soc a'beya pom ta sba, bahan ta ora ta banti ay te pueblo, pasbeya te stojel mulil, yu'un loq'uemix tal ilimba ta stojol Jehová, hahchemix jmilawal-chamel, xchi.

Números 16:46 Referans Kwoze

Números 8:19

Jo'on la jtsa te levitaetic ta yolilic te yantic israeletic. La cac'bey ta stojol Aarón soc snich'nab, yu'un ya me swentainic abatinel ta Nailpac' te bay ya quich' c'oponele, ta swenta sjelol te israeletique. Jich me ya staic perdón te israeletic ta jtojol te Ajwalilone. Te israeletic jich ma puersauc ya xnoptsajic tel ta ch'ul awilal, soc jich ma'yuc bila amen ya xc'ot ta stojolic —xi' te Cajwaltique.

Levítico 10:6

Te Moisés jich la yalbey te Aarón soc te snich'nabe, ja' te Eleazar soc Itamar: —Tesbiluc me ajolic, soc ma me xach'i' ac'u'ic swenta seña mel-o'tan, swenta yu'un ma orauc ya xlajex, soc ma orauc ya yac' tel yilimba Dios ta stojol te israeletique. Yan te awermanotac te jun ats'umbalic soque, soc spisil te israeletique, ya xju' ya yaq'uic ta ilel te ya smel yo'tanic yu'un te mach'atic lajic ta c'ajc' te la yac' tel te Cajwaltique.

Salmos 106:29

Te bit'il amen yat'elic la sjachbeyic yilimba a te Diose, jich pujc' tel tulan chamel swenta lajel ta stojolic.

1 Crónicas 27:24

Te Joab jajch' ta spasel te censo, pero ma ba ju' yu'un, melel te censo la yac' tel bayal woclajel ta stojol te israeletique. Ja' swentail te ma ba chicnaj yajtalul ta bay te libro yu'un yat'el te muc' ajwalil David.

Números 18:5

Te ja'ex ay ta awentaic te abatinel yu'un te ch'ul awilal soc ta scajtijib ta chiq'uel majt'anil. Jich me ma ba xcha'ilinon xan ta stojol te israeletique.

Números 11:33

Pero yacalic to nax ta ochel ta sti'el a te ti'bale, te Cajwaltic til jajch'el sc'ajc'al yo'tan ta stojolic. La yac'bey castigo, la yac' lajuc bayal te ants-winiquetique.

Salmos 141:2

Cajwal, lecuc me ta atojol te jc'ope, smesetuc sbujts' yic' jichuc pom ya xc'ot ta atojol; te jc'ab jtoyoj ta atojol, jichuc c'oem te bit'il milbil amajt'an, ja' te amajt'an swenta smalel c'aale.

Levítico 9:24

Loc' c'ajc' ta stojol te Cajwaltique, la slajin ta jc'axel te chambalam te yac ta c'ajq'uele, soc nix te xepuil ayic ta scajtijib ta chiq'uel smajt'an te Diose. C'alal la yilic, ta spisil te israeletic tulan awunic ta swenta yutsil q'uinal yaiyic, la stinan sbaic coel c'alal ta lum te sti'baique.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Deuteronomio 9:22

“Soc nix ta Tabera, ta Masah soc ta Kibrot-hataava la ajajch'esbey yilimba te Cajwaltique.

Números 25:13

ja' me te ya cac'bey ta swenta soc sts'umbal te at'el ta sacerdoteil ta sbajt'el q'uinal. Melel bayal jc'oplal ta yo'tan, jich la stabey perdón te israeletic —xi' te Cajwaltique.

Números 1:53

Yan te levitaetic ja' me ya swentainic te ya yac' snailpaq'uic ta sjoyobal te ch'ul awilal yu'un trato, soc ya me scanantayic te ch'ul awilal, swenta yu'un ma me x'ilinon ta stojol te israeletique —xi' te Cajwaltique.

Números 25:8

Bajt' ta spat te jtul israel-winic c'alal ta yutil sna. Tey la slowbey c'axel ta lanza xch'ujt'ic te israel-winic soc te madián antse. Jich com te tulan chamel te yacal ta lajel yu'un a te israeletique,

Habacuc 3:5

Ta stojol ya xjulic te muc'ul milawal chameletique; soc ta spat ya xtal te tulan c'ajc' te ora ya xchic'awane.