Números 16:40 - Bible in Tzeltal de Oxchuc y Tenejapa

⁴⁰ Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Bible in Tzeltal Bachajón

⁴⁰ scuenta shultesojibal yo'tanic te snich'nab Israel te ma me ayuc mach'a yan ya xhu' ya xnohpoj tal ta stojol Jehová ta yaq'uel pom teme ma ha'uc sts'umbal Aarón, scuenta yu'un ma ba ya xc'oht ta scuenta te bin c'oht ta scuenta te Coré soc te smohloltac, hich te bin ut'il yaloj Jehová ta scuenta Moisés.

Números 16:40 Referans Kwoze

Números 3:10

Ja' nax me ya spasic yat'el ta sacerdoteil te Aarón soc te sts'umbale. Teme ay mach'a jich nax ya scuy sba ta sacerdote ta spasel te at'el, ya me yil swocol ta milel yu'un —xi' te Cajwaltique.

Judas 1:11

¡Ac'a me yil sbaic stuquelic! Melel snopojbeyic yo'tan te Caine. Sganar nax sna'ojic, jich jowejemiquix jich bit'il te Balaame. Soc jich ya xlajic bit'il te Coré te ac'ot ta lajel yu'un te bit'il la scontroin te Moisese.

Números 3:38

Ta stojol sloq'uib c'aal ta yelaw te Nailpac' te bay ya yich' c'oponel Dios, tey la spas scampamentoic te Moisés, Aarón soc te snich'nab Aarón. Ja'ic la scanantayic te ch'ul awilal ta swenta te sjo'tac israeletique. Teme ay mach'a jich nax ya xjajch' ta at'el te ya scuy sba ta sacerdote, ya me yil swocol ta milel yu'un.

Números 1:51

Te c'alal ya sq'uechic bael, ja'ic me ya spac'beyic spac'al, soc ja'ic me ya xcha'pasic xan te bay ya apas acampamentoique. Spisil te mach'atic jich nax ya xnoptsajic bael, ya me yil swocolic ta milel.

Levítico 22:10

“Ma me xju' ya swe' te bila ch'ultesbil te mach'a ma ochemuc ta sacerdoteile. Ni ja'uc te yula' te sacerdote, soc ni ja'uc te mach'a yac ta at'el yu'un, ma me xju' ya swe' te bila ch'ultesbile.

Hebreos 5:4

Jtul ma'yuc mach'a te stuquel yo'tan ya yac' sba ta muc' sacerdoteile, melel ja' Dios ya x'ic'ot ta at'el yu'un ta spasel te bila muc' sc'oplal ta stojol te lume, jich bit'il te Aarone.

Números 16:39

Te sacerdote Eleazar la stsac te jayeb xchic'jibal pom pasbil ta bronce yu'un te winiquetic te lajic ta c'ajq'ue. La yal mandal ta pasel ta lejch'el taq'uin yu'un ya yich' paq'uel a te scajtijib ta chiq'uel majt'anile.

Josué 4:7

jich me ya asujt'esbeyic te sc'opique: “Ja' te c'alal c'ax ta muc'ja' Jordán te scajonil trato yu'un Cajwaltic, la scom sba ta oquinel te ja'e, jich taquej bael te slumile. Ja' swentail te tonetic te ya xtuun cu'untic ta sna'el sbajt'el q'uinal te bila c'ot ta pasel li'to”, ya me awutic —xi'.

Esdras 2:62

Ja'ic in to la sle sbiilic ta lista yu'un te juju-jchajp na, pero ma ba la staic tey a. Ja' yu'un ma ba ochic ta sacerdoteil.

Ezequiel 40:46

Te cuarto te ay bael ta stojol norte, ja' yu'unic te sacerdoteetic ya yac' sbaic ta abatinel ta scajtijib ta chiq'uel smajt'an te Diose. Ja'ic te patil alnich'anetic yu'un Sadoc. Mero ja'ic nax me te ya xju' ya xnoptsajic ta abatinel ta stojol Cajwaltic te levitaetic in to —xi'.

Ezequiel 43:19

Te sacerdote-levitaetic te patil alnich'anetic yu'un Sadoc, te ja'ic nax te ya xju' ya xnoptsajic ta jtojol yu'un ya cabatinique, ya me awac'bey jcojt' toro swenta yu'un ya yac' ta milbil majt'anil yu'un smulic. Jo'on Ajwalilon te jich caloje.

Salmos 115:10

Sacerdoteetic, ja' ac'a smuc'ulin awo'tanic te Cajwaltique; ja' ya scoltayotic soc ja' jmajq'uiltic.