Números 16:38 - Bible in Tzeltal de Oxchuc y Tenejapa

³⁸ Te xchic'jibal pometic yu'un te winiquetic lajemiquix te la sta smulique, ch'ultesbilic me cu'un, melel la yich'ic tuuntesel ta yaq'uel pom ta jtojol. Ja' yu'un c'atp'unaic ta pasel ta lejch'el taq'uin, swenta yu'un ya yich' paq'uel a te scajtijib ta chiq'uel jmajt'ane, soc swenta yu'un ya me xtuun ta sjultesibal stsa te israeletic —xi' te Cajwaltique.

Bible in Tzeltal Bachajón

³⁸ te schic'ojibal pometic yu'un te winiquetic lajemiquix ta scaj te smulique. Pasahic ta jayal lehchel taq'uin yu'un ya yich' potsel a te scajtajib ta chiq'uel mahtanil, como la stuhunic ta stojol Jehová, hich ch'ultesbil c'ohtic. Ha seña ya xc'oht ta stojol te snich'nab Israel, xchi.

Números 16:38 Referans Kwoze

2 Pedro 2:6

Dios la yac'bey tulan castigo te cheb lumetic, ja' te Sodoma soc te Gomorrae. Tan a jilic ta c'ajq'uel yu'un. Ja' ejemplo jilem ta stojolic spisil te ants-winiquetic teme ma sc'an yich'ic ta muc' te Diose.

Ezequiel 14:8

Ya me jsituy jba soc te winique, ya me cac'bey castigo ta stojol. Seña me ya xc'ot ta stojol spisil te slumale, soc ya me xpujc' ta alel yu'un yantic, soc ya me jloq'ues ta yolil te lum cu'une. Jich me ya ana'ic te jo'on te Ajwalilone.

Proverbios 20:2

Te sc'ajc'al yo'tan te muc' ajwalil, jich c'oem te bit'il león-choj te yac ta aw; te mach'a ya yac' ilinuc, yu'un nix ya xlaj a.

Números 26:10

Ja'uc me to, la sjam sba te lumq'uinale, la sbic' coel xchebalic soc Coré, soc lajic spisil te jtsojp yac'oj sbaique, melel lajuneb yoxlajunwinic (250) winiquetic te lajic ta c'ajq'ue. Ja' me tuun ta swenta sp'ijtesel te yantique.

Habacuc 2:10

Jich la amuquix ta q'uexlal te anae. Ja'at nix la ajajch'es te ajinjibal atuquel te la ajin bayal ta jchajp nacionetique.

1 Reyes 2:23

Te c'alal jich la yal te muc' ajwalil Salomón, jc'axel jich la yal ta stojol Cajwaltic: —Ac'a yac'bon tulan castigo te Dios teme ma ba ya xlaj te Adonías yu'un te bila la yale.

Números 17:10

Jich yu'un te Cajwaltic la yalbey te Moisés: —Baan ac'a xan te sbastón Aarón ta stojol te scajonil trato, q'ueja tey a swenta sjultesibal stsa te jtoyba lume. Jich me ya xcomic ta bol c'op ta jtojol a, soc jich ma xlajic —xi' te Cajwaltique.

1 Corintios 10:11

Spisil in to, jich c'ot ta pasel ta stojolic, swenta yu'un ja' ejemplo ta jtojoltic, te ts'ibubil jilel ta swenta jcomeltic jo'otic te slajibal c'aal ayotiquixe.

Proverbios 8:36

Pero te mach'a ya sloq'ues sba ta jtojole, ya me x'och ta swenta lajel stuquel; te mach'a ya yilayon, ja' me c'ux ta yo'tan a te lajele”, xi' te p'ijil-o'tanile.

Proverbios 1:18

Yan te mach'atic jich ya spasique, ja'ic nix ya spas spejts'ulic stuquelic; jich quechel ta lajinel xcuxlejalic yu'un.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Números 16:37

—Pasa ta mandal te Eleazar te snich'an Aarón: Ac'a sloq'ues te xchic'jibal pometic ta yolil te bitic lajix ta c'ajq'uele. Q'uejel to me ya stujq'uiyic bael te yac'alel c'ajc' te ay ta yolilique.

Números 16:39

Te sacerdote Eleazar la stsac te jayeb xchic'jibal pom pasbil ta bronce yu'un te winiquetic te lajic ta c'ajq'ue. La yal mandal ta pasel ta lejch'el taq'uin yu'un ya yich' paq'uel a te scajtijib ta chiq'uel majt'anile.

Jeremías 44:7

“Jich yu'un, te jo'on Ajwalilon te Spisil ya xju' cu'un, te Dioson yu'un Israel, ya cal: ¿Bistuc ja'ex nix ya aleic atuquelic te bila muc' te amen ya xtal ta atojolique? ¿Bistuc ya apasic te ya xlaj spisil te mach'atic jilemic xan ta Judá, winiquetic, antsetic, alaletic soc asta te ayinelic toe, te ni jtul ma xjiliquix ta jyalel?