Números 16:33 - Bible in Tzeltal de Oxchuc y Tenejapa

³³ Cuxulic ch'ay coel ta yet'al te lumq'uinal soc spisil te sbiluquic, ora nax la smac sba te lumq'uinale. Jich loq'uesotic bael ta yolilic te israeletique.

Bible in Tzeltal Bachajón

³³ Ha'ic soc spisil bintic ay yu'unic cuxulic a cohic bahel ta yawil chamen ants-winiquetic; la smac xan sba te lum, hich ch'ayic bahel ta yohlil te pueblo.

Números 16:33 Referans Kwoze

Judas 1:11

¡Ac'a me yil sbaic stuquelic! Melel snopojbeyic yo'tan te Caine. Sganar nax sna'ojic, jich jowejemiquix jich bit'il te Balaame. Soc jich ya xlajic bit'il te Coré te ac'ot ta lajel yu'un te bit'il la scontroin te Moisese.

Ezequiel 32:30

“Tey ayic spisilic a te ajwaliletic ta norte, ja' nix jich ta spisilic te mach'atic talemic ta Sidón. Mero bayal yipic, soc la yaq'uic tulan xiwel, pero yo'tic coiquix bael soc te mach'atic lajemic ta guerra, ma'yuquix sc'oplalic c'oemic. Xch'uunejic lotil diosetic, yich'ojiquix muquel, ma'yuquix sc'oplalic ta yolil te mach'atic coiquix bael ta muquenale.

Ezequiel 32:18

—Ja'at winic, joina ta sc'ajintayel antsetic ta yantic nacionetic te c'ayoj swenta lajel in to, te ya yich' c'ajintayel ta stojolic te bayal ants-winiquetic ta Egipto soc ta stojolic te jwentainwanejetic yu'unique: “Te mach'atic bayal yipic, ya xyalic coel ta ye'tal balumilal, ja' ya sjoinic te mach'atic coemiquix bael ta muquenale.

Isaías 14:15

Ja'uc me to, ta mero melel coat bael ta bay te lajele, ta bay c'axem to xan snajt'il te xaabe.

Isaías 14:9

Ta alan, ta yutil lum, ta bay animaetic, ay bayal ya stij sba soc ya xloq'uic ta stabelat. Te snojq'uetal te animaetic ya stij sbaic, spisil mach'atic c'axic ta q'uinal, ya xloc' staat; spisil te mach'atic c'axic ta muc' ajwalil yu'un te lumetique, ya xjajch'ic ta smuc'ul nactijib.

Salmos 143:7

Cajwal, jac'bon me jc'op ta ora; yac meix ta comel q'uinal ya caiy. Ma me x'acombon te jcoltayel; teme jich ya apasbon ta jtojol, jich me ya xc'oon te bit'il mach'atic lajemique.

Salmos 69:15

Ma me xawac' stenon bael te yacan ja'e; ma me xawac' sbic'on coel te sc'ubulil yacan ja' te sutet naxe, te patil ya xcha'mac xan sbae.

Salmos 55:23

Dios cu'un, te jmilawetic soc te jpas-lotetic ma ba ya xcuxinic stuquelic, ni yacuc sta olil ya smulanic te xcuxlejalique; ja'at me ya awac' ch'ayuc coel ta sc'ubulil muquenal. Pero te jo'one, ja'at me ya smuc'ulinat co'tan.

Salmos 9:15

Te mach'atic ma'yuc ta stojol Dios ja' nix ya x'ochic a ta bay te syaquique; ja' nix ya xyacbot yacanic yu'un te ch'ajan te muquen ay yu'unique.

Números 16:32

La sbic' coel spisil te winiquetic te jun yac'oj sba soc te Coré. Tey ch'ayic bael a te mach'atic ay yu'unic soc spisil te bitic ay yu'unique.

Números 16:34

C'alal chicnaj yawic, spisil te israeletic te ayic ta sjoyobal, loq'uic ta animal, soc jich la yalic bael: —¡Ma me sbic'otic bael te lumq'uinale! —xiic.

Números 26:11

Ja'uc me to, te snich'nab Coré ma ba laj stuquelic.

Deuteronomio 32:22

Te sc'ajc'al co'tane tilix jajch'el jichuc c'ajc', ya me xtil bael c'alal ta sc'ubulil lumq'uinaletic. Ya me slajin te lumq'uinal soc te bitic ya sitin tey a, ya me yac'bey sc'aal te yiptajib te witstiquile.

Salmos 55:15

Ayuc ajc' nax ya staic lajel te jcontrotaque. Cuxul to a ac'a ch'ayuc coel ta muquenal, melel ay ta yo'tanic te bila amene.

Salmos 141:7

Ya me yich' puquel sbaquelic ta ti'il smuquenal; pujul me ya xjil jichuc joc'bil lum.

Isaías 38:18

Te mach'atic ayic ta muquenal, ma xju'ix ya yalbat lec ac'oplal; te animaetic ma xju'ix ya yalbat awutsilal. Te mach'atic ya xcoic bael ta ch'en, ma xju' ya smaliyiquix te yutsil xc'uxul awo'tane.

Ezequiel 31:14

Ma'yuquix yan te' ya xc'ax toy xan, manchuc me ayuc ta banti ay ja', manchuc me ya yich' aq'uel ya'lel, pero ma ba ya staix c'oel tocal te sni'ile, soc ma xtoy xan bael. Ta spisil chapal yu'un te ya xbajt'ic ta lajel, ya me xc'oic bael ta ye'tal lum, ya xba stsob sbaic soc te mach'atic ayiquix ta muquenale.

Números 22:33

Te aburra la yilon, la xujq'uin sba ta jtojol oxeb buelta. Te manchuc lajuc xujq'uin sbae, lajatix cu'un te jichuque, ja' cuxul jilel cu'un stuquel —la yut.

Salmos 55:16

Pero te jo'one ya me xc'opojon ta stojol te Diose; te Cajwaltic ya me scoltayon stuquel.