Números 16:30 - Bible in Tzeltal de Oxchuc y Tenejapa

³⁰ Teme yan yilel bit'il ya xbajt'ic ta lajel yu'un Cajwaltic, teme ya sjam sba te lumq'uinal te ya sbic' coel soc spisil te bitic ay yu'unique, teme cuxul ya xch'ayic coel ta yutil te lumq'uinale, jich me ya ana'ic stojol te ja' la scontroinic te Cajwaltique —xi' te Moisese.

Bible in Tzeltal Bachajón

³⁰ Yan teme ay bin yach'il ya spas te Jehová, teme ya sjam sba te lum soc ya sbic' cohel soc spisil bintic ay yu'unic, teme cuxul a ya xcohic bahel ta yawil chamen ants-winiquetic, hich yac ana'ic a te la scontrahinic te Jehová te winiquetic ini, xchi.

Números 16:30 Referans Kwoze

Salmos 55:15

Ayuc ajc' nax ya staic lajel te jcontrotaque. Cuxul to a ac'a ch'ayuc coel ta muquenal, melel ay ta yo'tanic te bila amene.

Números 16:33

Cuxulic ch'ay coel ta yet'al te lumq'uinal soc spisil te sbiluquic, ora nax la smac sba te lumq'uinale. Jich loq'uesotic bael ta yolilic te israeletique.

Job 31:3

¿Ma bal ja'uc te mach'a amen yo'tan soc ay mulil ta yo'tan te ya xc'ot ta stojol te woclajele?

Jeremías 31:22

¿Bi ora ya xlaj awo'tan te bayuc ya xbaate, te jich jowejemat te bit'il jtul ach'ix te jowejeme? Jo'on Ajwalilon, ay bila jchicnantesej yach'il ta balumilal: Ay jtul ants ya xba sta xan sba soc te smamlale —xi'.

Isaías 45:12

Jo'on la jchicnantes te balumilal soc te yajwale, la jlim bael ta jc'ab te ch'ulchane, soc la cal mandal te ya xchicnaj spisil te bitic xlemlajanic ta ch'ulchane.

Isaías 45:7

Jo'on ya jchicnantes te saquil q'uinal soc te ijc' q'uinale; ya cac' utsubuc te q'uinale, ya cac' taluc te woclajele. Jo'on Ajwalilon ya jpas ta spisil.

Isaías 43:19

Ay me bi yach'il ya jpas, ya me awil te yo'tic nix ya xchicnaje. Ya jam be ta jochol taquin q'uinal soc ya cac' ja'etic tey a.

Isaías 28:21

Te Cajwaltic jich me ya x'at'ej te bit'il la spas ta wits Perazim, jich bit'il la spas ta stenlej xatal q'uinal ta Gabaón, ta swenta spasel te yat'el te yan sba ta ilel a, ta swenta sju'tesel te yat'ele, ja' te yat'el te jchajp nax a.

Números 16:31

Te c'alal nax a laj yo'tan ta c'op te Moisés, te lumq'uinal la sjam sba ta bay tejc'ajtic.

Job 31:2

¿Bi stojol sc'ab ya x'ac'bot ta juju-jtul c'alal ta stoyolil ch'ulchan yu'un te Dios te Spisil ya xju' yu'une?

Salmos 124:3

te c'alal til jajch'el slab yo'tanic ta jtojoltic, cuxulotic to a la sbic'otiquix te jichuque.

Ezequiel 31:14

Ma'yuquix yan te' ya xc'ax toy xan, manchuc me ayuc ta banti ay ja', manchuc me ya yich' aq'uel ya'lel, pero ma ba ya staix c'oel tocal te sni'ile, soc ma xtoy xan bael. Ta spisil chapal yu'un te ya xbajt'ic ta lajel, ya me xc'oic bael ta ye'tal lum, ya xba stsob sbaic soc te mach'atic ayiquix ta muquenale.