Números 16:17 - Bible in Tzeltal de Oxchuc y Tenejapa

¹⁷ Juju-jtul ac'a yich' bael te xchic'jibal spom, soc ac'a yac'bey spomil. Te ja'at soc te Aarón ya me awich'ic bael te xchic'jibal apomique. Pajal me ya awaq'uic soc te yantic lajuneb yoxlajunwinic (250) ta stojol te Cajwaltique —xi'.

Bible in Tzeltal Bachajón

¹⁷ Jujutuhl ac'a stsac te schic'ojibal pom yu'un, ac'a yotsesbe spomil soc ac'a nohpojuc tal ta stojol Jehová jujutuhl soc te schic'ojibal pom yu'une, lajuneb yoxlajunwinic (250) schic'ojibal pom ta spisil. Ha nix hichat, soc Aarón, jujutuhlex soc te schic'ojibal pom awu'unique, xchi.

Números 16:17 Referans Kwoze

1 Samuel 12:7

Yo'tic lamana abaic, ya me jtijex ta stojol te Cajwaltic, yu'un te jayeb bitic spasbeyejex ta atojolic soc te antiguo jts'umbaltique:

Éxodo 27:3

Te bitic ya xtuun ta bay scajtijib ta chiq'uel milbil jmajt'an, spisil me pasbil ta bronce, ja' te yawil stanul, te spalail, te muc'ul tazaetic, te trincheetic soc te yawil ac'ale.

Números 16:16

Te Moisés la yalbey ta patil te Coré: —Tejc'ana aba pajel te ja'at soc te ajo'tac ta stojol te Cajwaltique. Ja' nix jich te Aarón, tey me ya xc'o stejc'an sba uuc.

Números 16:18

Jich yu'un juju-jtul la stsaquic te xchic'jibal spomique, la yac'beyic ac'al soc pom, pajal la yaq'uic soc Moisés soc Aarón ta stojol te Nailpac' te bay ya yich' c'oponel te Cajwaltique.

Ezequiel 8:11

Lajuneb xchanwinic (70) principaletic ich'bilic ta muc' ta Israel te yacalic xch'uunele. Te jtule ja' te snich'an Safán te Jaazanías sbiile. Ta juju-jtul stsacojic xchic'jibal spomic, te yac ta jajch'el moel ta stojolic te loc'ombaetic te jich bit'il tocal te xch'ailel spomique.