Números 16:13 - Bible in Tzeltal de Oxchuc y Tenejapa

¹³ ¿Jteb nax bal sc'oplal ta awo'tan te la awic'otic loq'uel ta lumq'uinal ta bay ya x'oquin leche soc chab c'oem, swenta yu'un tal awac'otic ta lajel ta jochol taquin q'uinal? ¿Soc ja' bal ya ac'an te ja' mero muc' awat'el ta jtojoltique?

Bible in Tzeltal Bachajón

¹³ ¿Ma bal tic'uc yac awa'iy a te la awic'otcotic loq'uel ta q'uinal ta banti ya x'oquin leche soc chab scuenta yu'un yac awac'otcotic ta lajel ta jochol taquin q'uinal, yu'un bal yo'tic yac ac'an yac acuyix aba ta ajwalil cu'uncotic?

Números 16:13 Referans Kwoze

Hechos 7:35

“Te jlumaltic israeletique ma la sc'an yich'ic ta muc' te Moisese, melel jich la yalbeyic: “¿Mach'a la yac'bat awat'el ta ajwalil soc ta juez?”, te xi' sc'oplal yu'unique. Ja'uc me to, Dios la yac'bey yat'el ta ajwalil soc ta yaq'uel ta libre ta swenta te ch'ul abat te chicnaj ta stojol ta bay jpejt' ch'ix te yac ta tilele.

Números 11:5

¡Mero ya xtal ta co'tan te chay la jti'tic ta majt'anil ta Egipto! La jwe'elintic pepino, melón, tux-ac, cebolla soc axux.

Éxodo 16:3

Jich la yalic: —¡Teyuc la smilotic a te Cajwaltic ta Egipto! Tey joinejtic ta naclej te yoxmal jti'baltic, we'otic ta lec ja' to c'alal la sc'an co'tantic. Yan te ja'exe la awic'otic tel yu'un ya amilotic ta wi'nal jpisiltic ta jochol taquin q'uinal —xiic.

Éxodo 2:14

Te hebreo-winic la yalbey: —¿Mach'a la yac'bat awat'el te ya xtal apasotic ta mandale? ¿Yu'un bal ya ac'an amilon jich bit'il la amil te egipcio-winique? —xi'. C'alal la yaiy stojol te Moisés, xiw yu'un. La sna' stojol te chicnajemix te bit'il laj te jtul egipcioe.

San Lucas 19:14

“Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.

Números 14:2

Spisilic jajch'ic ta bol c'op ta stojol te Moisés soc te Aarón, jich la yalic: —¡Ja' lec te lajucotic ta Egipto, o ta jochol taquin q'uinal!

Éxodo 17:3

Te israeletique ay taquinti'il la yaiyic. Jajch'ic ch'inlajanel ta c'op ta stojol Moisés yu'un, jich la yalbeyic: —¿Bistuc la aloq'uesotic tel ta Egipto? ¿Bistuc te tal amilotic ta taquinti'il soc te cal-jnich'antique soc te jchambalamtique? —xiic.

Éxodo 2:23

Bayal c'aal ta patil laj te ajwalil yu'un te Egipto. Pero yacalic ta woclajel ta ajc'an ta mozoinel te israeletique. Ja'uc me to, c'ot ta stojol Dios te yajc'anic soc te sc'opique.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Éxodo 1:11

Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Números 11:4

Te israeletic ay mach'atic tsobolic te capalic soc, bayal ta jchajp te ja' nax ay ta yo'tanic te we'ele. Te israeletic la sc'ainbey yo'tanic, jajch'ic ta oq'uel. Jich la yalic: —¡Ayuc laj ti'bal jti'tic caiytic!

Números 14:3

¿Bi yu'un la yic'otic tel Cajwaltic li' ta lumq'uinal to? ¿Swenta bal yu'un ya xlajotic ta guerra? Te quinamtic soc te jnich'nabtic ya x'ochic ta sc'ab te jcontrotique. Ja' lec xan te ya sujt'otic bael ta Egipto —xiic.

Números 16:12

Te Moisés ora la sticun ta iq'uel te Datán soc te Abiram te snich'nab Eliab; ja'uc me to, la sjaq'uic: —Ma jc'antic xbootic.

Ezequiel 34:18

¿Ma bal tic'uquex a te ya awe'ic te buen lequil aque? ¿Ya to bal apech'ic jilel ta teq'uel te yantic aque? Ya awuch'ic te yaxal ja'e, pero te yan ja'e ya atatubtes ta awacanic.

Números 11:20

Ya me sti'ic ti'bal sjunal u, ja' to me c'alal ya xmal loq'uel ta sni'ic, soc ja' to c'alal ya yilay yo'tanic, melel la yil-o'tantayonic te Ajwalilon te ayon ta yolilique. La yoq'uetay sbaic soc yalojic ta jtojol: “¿Bistuc loc'otic tel ta Egipto?” xiic —xi' te Cajwaltique.

Números 13:27

La yalbeyic te Moisés: —Xc'otucotic ta yilel te q'uinal te la aticunotic bael yu'une. Melel nix a, ja' te lumq'uinal ta bay ya x'oquin leche soc chab c'oem, soc ja' me sit awalts'unubil in to te ya yac' tey ae.