Números 16:11 - Bible in Tzeltal de Oxchuc y Tenejapa

¹¹ Ma ja'uc nax ya abolc'optayic te Aarón, melel ma'yuc sc'oplal stuquel, ja' yacalex ta scontroinel te Cajwaltic te ja'at soc te ajo'taque, te bit'il atoyoj abaic ta stojole —xi'.

Bible in Tzeltal Bachajón

¹¹ Ha yu'un, ha'at soc spisil amohloltac la atsob abahic ta scontrahinel Jehová; como ¿mach'a a te Aarón te yac acontrahinic ta c'op? xchi.

Números 16:11 Referans Kwoze

Éxodo 17:2

Jajch'ic ta yutel te Moisés, jich la yalic: —¡Ac'botic ja' cuch'tic! —xiic. —¿Bistuc ya awutonic te jo'one? ¿Bistuc ya awil-o'tantayic te Diose? —xi' te Moisese.

1 Corintios 3:5

¿Mach'a a te Pabloe? ¿Soc mach'a a te Apolose? Abatetic nax yu'un te Diose, te jich la ach'uunic Dios ta swentaique. Yu'un ja' nax ya spasic te bila ac'botic ta swentaic spasel juju-jtul yu'un te Cajwaltique.

Números 16:3

Spisilic la stsob sbaic, la situyic ta c'op te Moisés soc te Aarón, jich la yalbeyic: —Tiq'uexix a te muc' ac'oplalic te ja'exe, melel spisil lum ch'ultesbil yu'un te Diose. Te Cajwaltic ayix ta coliltic ta jpisiltic. ¿Bi yu'un te c'ax muc' ya awac' abaic soc awat'elic ta stojol te lum yu'un te Cajwaltique? —xiic.

Romanos 13:2

In te mach'atic ya scontroinic te ajwaliletique, ja' ya scontroinic te bila xchapoj te Diose. Te mach'atic ya scontroinic te ajwaliletique, ya me sta swocolic yu'un.

Hechos 5:4

Te c'alal ay to ta awenta a te q'uinale, ¿ma bal awu'unuc? Soc te c'alal la achone, ¿ma bal ja'ucat awu'un te stojole? ¿Bistuc jich la anop ta awo'tan? Ma ja'uc la apas ta lot te winique, ja' la apas ta lot te Diose —xi' te Pedroe.

San Juan 13:20

Te mach'a ya yic' ta stojol te mach'a jticuneje, jo'on la yic'onix ta stojol abi. In te mach'a ya yic'on ta stojole, ja' la yiq'uix ta stojol uuc te Mach'a la sticunon tele —xi' te Jesuse.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

1 Samuel 8:7

Pero jich albot yu'un te Cajwaltic: —Spisil te bi ya sc'anbat te lume, pasbeya; melel ma ja'ucat te ma sc'anat, jo'on te ma sc'anonique. Ja' ma sc'anic te ya x'at'ejon ta ajwalil ta stojolic.

1 Corintios 10:10

Soc ma me xamuquen-ayantayic te Diose, jich te bit'il ay la smuquen-ayantayique, te jich lajic ta milel yu'un te ch'ul abat te ya yac' lajele.

Judas 1:16

Ja'ic in to, jmuquen-ayantaywanejetic, jc'an-parteetic, te ja' nax baem ta yo'tanic te bila ya smulanique. Nojel ta yeic toybail. Ya sleic bit'il ya slo'laybeyic yo'tan yantic, yu'un ay bila ya sc'an ya staic a.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Números 16:12

Te Moisés ora la sticun ta iq'uel te Datán soc te Abiram te snich'nab Eliab; ja'uc me to, la sjaq'uic: —Ma jc'antic xbootic.

1 Crónicas 26:19

Jich la yich' puquel yat'elic te jcanan-ti'nailetic, te sts'umbalic Coré soc Merari.

Salmos 106:16

Ta scampamentoic la sbic'tal-o'tantayic te Moisés soc te Aarón, te ch'ultesbilic yu'un te Cajwaltique.