Números 15:39 - Bible in Tzeltal de Oxchuc y Tenejapa

³⁹ Jich yu'un te c'alal ya awilic te stsijts'mal, tey me ya ana'ic spisil te mandaliletic te cac'ojbeyexe, soc jich me ya ach'uunic. Jich ma ba ya awich'-o'tantay abaic soc te bila ya snop awo'tanic, teme ma junuc awo'tanic ta jtojole.

Bible in Tzeltal Bachajón

³⁹ Ya xtuhun awu'unic te stsihtsimal, yu'un te c'alal yac awilic tey yac ana'ic a spisil te mandariletic yu'un Jehová; hich yac ach'uhunic spasel soc ma ba yac at'unic bahel te bin ya sc'an awo'tanic soc te bin ya yil te asit, te ha la yac' te yac awac' aba ta antsinel c'ohem.

Números 15:39 Referans Kwoze

Salmos 106:39

la sboltes sbaic melel mulwej la spasic a ta spisil te yat'elique.

Salmos 73:27

Te mach'atic ya xc'ubic ta atojol, ya me xlajic; ya me alajin te mach'atic ma junuc yo'tanic ta atojole.

Ezequiel 6:9

Te mach'atic colic jilel ta lajele, ya me sna'onic te c'alal pujq'uemic ta nacionetique. Ya me xtal ta yo'tanic te bit'il la cac'bey swocolic ta scaj te ma junuc yo'tanic ta jtojole, soc ta scaj te la yijq'uitayon ta yo'tanique, te jajch' xch'uunic te lotil diosetique. Ja'ic ni me ya xjajch' yilayic ta patil te amen yat'elic la spasique, soc ta spisil te bitic ilaybil sba la spasique.

Proverbios 28:26

Te mach'a ma sna' q'uinal, yich'oj sba ta muc' yu'un te bila snopoj ta yo'tane; yan te mach'a ya x'at'ej soc sp'ijil yo'tan, libre ya xc'ot yu'un stuquel.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Proverbios 3:1

Jnich'an, ma me xch'ay ta awo'tan te p'ijubtesel cu'une; q'ueja me ta ajol, q'ueja me ta awo'tan te mandaliletic cu'une,

Job 31:7

Teme ay jowejemon ta toj be, teme la caq'uix stsalon te bic'tal-o'tanile, teme ay la yich'ix tael ta jtojol te bila ma cu'unuque,

Deuteronomio 29:19

“Te c'alal ya xlaj awaiyic te bitic jc'axel chapale, teme ay jichex te jc'axel ya scuy sba te mero lec ay stuquele, teme jich ya yale: “Spisil me lec ya xloc' cu'un, manchuc me ja' ya jpas te bila ya sc'an te co'tane”, teme xi' jajch'ele, ja' me ajinjibalic ya xc'otix ta apisilic abi.

Oseas 2:2

Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.

Jeremías 9:14

Tulan la yac' sbaic bael tey a te bay la sc'an yo'tanic, la xch'uunic te lotil diosetic, jich bit'il p'ijubtesotic jilel yu'un te sme'-statique.

Deuteronomio 6:12

Te c'alal jich ya xc'ot ta pasele, ma me xch'ay ta awo'tanic te Cajwaltic te la sloq'uesex tel ta Egipto, te banti ayex ta mozoil.

Deuteronomio 4:23

Jich yu'un ya me sc'an te ya atsajtay abaic, ma me xch'ay ta awo'tanic te trato la xchajban ta jtojoltic te Cajwaltic te Dios cu'untique. Ma me xapas awajcanan, soc ma me xapasbeyic sloc'ombail te bitic la scomex ta spasel te Cajwaltic te Dios cu'untique,

Éxodo 13:9

Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Deuteronomio 8:11

“Tsajtaya me abaic ta lec, ma me xch'ay ta awo'tanic te Cajwaltic te Dios cu'untique. C'otuc me ta pasel awu'unic ta spisil ta jchajp te mandaliletic soc te bitic chapal yu'une, te yacon ta yalel ta atojolic ta ora in to.

Deuteronomio 8:14

ma me xatoy abaic ta stojol Dios yu'un, soc ma me xach'ay ta awo'tanic te Cajwaltic te Dios cu'untic, te la sloq'uesotic tel ta Egipto te banti ayotic ta mozoile.

1 Reyes 12:33

Ta yo'lajunebal sjajch'el a te swaxaquebal u, te Jeroboam la xchic'bey milbil smajt'an te lotil dios ta scajtijib smajt'an te ts'ajc'ubil ta Betel. Ja' yuil te q'uin la smulan yo'tan spasele. La yal ta jamal te ja' q'uin swenta xch'uunel Dios yu'un israeletic ta sc'op. Ja' nix ta yuil a te mo ta scajtijib smajt'an lotil dios ta xchiq'uel pom.