Números 15:35 - Bible in Tzeltal de Oxchuc y Tenejapa

³⁵ Jich yu'un te Cajwaltic la yalbey te Moisés: —Te winic ac'a yil swocol ta lajel. Ta spisil te israeletic ac'a xch'ojic ta ton ta spat te scampamentoique —xi' te Cajwaltique.

Bible in Tzeltal Bachajón

³⁵ Ha yu'un te Jehová la yalbe te Moisés: Ya me xlaj te winique. Spisil te pueblo ya sch'ojic ta ton ta sti'il te campamento, xchi.

Números 15:35 Referans Kwoze

Hechos 7:58

La snitic loq'uel ta ti'lum. Tey c'o xch'ojic ta ton a. Te mach'atic testigoetic la yaq'uic jilel ta canantayel sc'u'ic yu'un jtul jch'iel winic te Saulo sbiile.

1 Reyes 21:13

C'ot cheb lotil testigoetic, la slebeyic smul te Nabot ta stojol te lume. La yalic ta jamal ta lot te la yixtac'optay Dios soc te la yixtac'optay te muc' ajwalil te Nabot. Jich la sloq'uesic bael ta ti'lum, tey c'o smilic ta ch'ojel ta ton a.

Deuteronomio 21:21

Ja' yu'un, ta spisil te winiquetic yu'un te lume, ya me smilic ta ch'ojel ta ton. Jich me ya xlaj a te bila amen ta pasel ta yolil te alumalique. Melel te c'alal ya yaiyic te israeletic te jich c'ot ta pasele, ya me xiw yo'tanic yu'un.

Levítico 24:23

Te Moisés la sc'opon te israeletic, la sloq'uesic bael ta campamento yu'unic te mach'a la stoybac'optay te Diose, tey c'o smilic ta ch'ojel ta ton a. Jich nix la spasic te israeletic te bit'il albotic mandal yu'un Cajwaltic ta swenta te Moisese.

Levítico 20:2

—Albeya te israeletic te bila ya calbate: “Mach'auc israelil, o jyanlumil te nainem ta Israel, teme ya yac'bey snich'an te dios Moloc, ac'a me yich' milel ta ch'ojel ta ton yu'un te slumale.

San Lucas 4:29

Caj stenic loq'uel ta ti'lum te Jesuse. La yiq'uic bael ta bay mero toyol coel te witse, yu'un ta ba wits ay te lume. Tey c'an scotp'inic coel a.

Levítico 20:27

“Teme ay winic, o ants, te ya xc'opoj ta swenta xch'ulel te mach'atic lajemique, o te ya yac' sbaic ta yoljoltayel, ya me yich'ic milel ta ch'ojel ta ton, soc ja' ni me ta swenta smulic te ya xlajique.” Jich me ya xc'o awal ta stojolic —xi' te Cajwaltique.

Números 15:36

Jich yu'un te israeletic la sloq'uesic bael ta scampamentoic, la xch'ojic ta ton ja' to c'alal laj, jich bit'il yalojbey mandal Cajwaltic te Moisese.