Números 15:31 - Bible in Tzeltal de Oxchuc y Tenejapa

³¹ Yu'un ma ba la yich'bon ta muc' te jc'op, soc ma la xch'uunbon te mandaliletic cu'une. Ya me yich' loq'uesel ta jc'axel ta yolil te slumale, xcuchoj me ya xjil te smule”, uta me —xi' te Cajwaltique.

Bible in Tzeltal Bachajón

³¹ Te bin ut'il mayuc sc'oblal ta yo'tan te sc'op Jehová soc la sc'axuntaybe smandar, jc'axel me ya yich' loq'uesel soc scuchoj smul ya xhil, xchi.

Números 15:31 Referans Kwoze

Proverbios 13:13

Te mach'a ma sc'an xch'uun mandal, ya me xwoclaj yu'un; yan te mach'a ya yich' ta muc' te mandale, ya me x'ac'bot stojol yu'un stuquel.

2 Samuel 12:9

¿Bi yu'un te ma'yuc sc'oplal ta awo'tan te jc'ope? ¿Bi yu'un ja' la apas te bi ma jmulane? Melel la achap ta awo'tan te la amil te Urías te hitita-winique, ja' la awac' milotuc yu'un te amonetique. Soc la awic'beyix te yiname.

Ezequiel 18:20

Ja' nax te mach'a ya sle smule, ya me xlaj stuquel. Ma xju' teme ya stojbey smul stat te nich'anile, ni ja'uc te tatil ya xju' ya stojbey smul te nich'anile. Te mach'a stojil ya spase, ya me yich' smajt'an yu'un te stojil la spase; yan te mach'a amen te yat'ele, ja' me ya yich' castigo yu'un te smule.

1 Tesalonicenses 4:8

Jich yu'un te mach'a ma'yuc sc'oplal ya xc'ot ta yo'tan in mandal to, ma ja'uc smandal ants-winic te la xch'aybeyixe, ja' la xch'aybey smandal te Diose te yac'ojbotic te Ch'ul Espiritue.

Salmos 119:126

Cajwal, yorailix te ayuc bila ya apas jtebuc, melel xc'axintayejic te p'ijubtesel awu'une.

Levítico 5:1

“Teme ay mach'a ya yich' iq'uel yu'un ya yal ta jamal swenta testigo te ay bila la yile, o te ay bila la yaiye, pero teme ma sc'an ya yale, ja' me smul ya xc'ot te ma la yale.

2 Pedro 2:21

Ja' lec te manchuc lajuc yilic te lequil bee. Yu'un te bit'il yilojiquixe, ja' wocol te la yijq'uitay ta yo'tanic te ch'ul mandalil te ac'bot xch'uunique.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Isaías 30:12

Jich yu'un te Ch'ul Dios yu'un Israel ya yal: —Te ja'exe ma x'ac'anic te ya yich' jultesel atsaique. Ja' ya awich' abaic ta muc' soc te uts'inwanej soc te bila amene, ja' ipajemat ta ac'op yu'unic a;

Salmos 38:4

Te muliletic jpasoj c'ax bayalix yalal ta cuchel. Ma xju'ix cu'un.

Levítico 26:43

Ja' me ya xjil ta libre awu'unic, bayal me yutsil ya x'ain te jayeb c'aal te ya xcux yo'tan awu'unic, te bit'il ma ba ya xnainex tey a. Ya me atojic te amulique, melel la awilaybonic te bitic chapal cu'un soc te mandaliletic te la ac'axintaybonique.

Levítico 26:15

teme ya ach'ayic soc teme ma'yuc sc'oplal awu'unic te bitic chapal cu'une, soc teme ma ba la awaq'uic c'otuc ta pasel te mandaliletic cu'une, jich me ma'yuc ta wenta c'ot awu'unic a te trato cu'une.

Salmos 107:11

yu'un la scontroinic te smandal Cajwaltic, ma'yuc swentail c'ot yu'unic te bila xchapoj te mach'a mero Toyole.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.

Números 9:13

Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

Deuteronomio 17:12

Te mach'a capal soc stoybail ya xjajch' ta at'ele, te ya xc'axintay te bila la yalix ta jamal te sacerdote te yac yac'bel sba ta abatinel yu'un Cajwaltic tey a, o ja' te bila la yalix ta jamal te juece, ya me yich' milel yu'un. Jich me ya xlaj a te bila amen ta pasel ta sq'uinal Israel.

1 Samuel 3:14

Ja' yu'un jc'axel caloj te bi ya xc'ot ta swenta te mach'atic ay yu'une. Ma'yuc bi ya xju' ya xlajinbot sc'oplal yu'un, manchuc me ya yac'bon milbil jmajt'an, manchuc me ay yan majt'aniletic ya yac'bon, pero ma xlaj sc'oplal te smulique —xi' te Diose.