Números 15:30 - Bible in Tzeltal de Oxchuc y Tenejapa

³⁰ “Yan teme ay mach'a spasemal yo'tan la spas te mulile, mach'auc a teme israel o teme jyanlum, tey la sboltesbon jc'oplal. Jich yu'un te mach'a jich la spas, ya me yich' loq'uesel ta yolil te slumale.

Bible in Tzeltal Bachajón

³⁰ Yan te mach'a snopoj ta yo'tan a ya spas mulil, te mach'a ha nix slumal a o teme jyanlum, ya sbohlobtesbe sc'oblal Jehová, ya me yich' loq'uesel ta yohlil te slumale.

Números 15:30 Referans Kwoze

Hebreos 10:26

Melel teme spasemal co'tantic ya jleulay xan jmultic te bit'il quich'ojtiquix te smelelil c'ope, ma'yuquix yan milbil smajt'an Dios yu'un xch'ayel te mulile.

Salmos 19:13

Loq'uesbon toybail ta co'tan jo'on te awabatone; ma xawac' swentainon te toybaile. Jich ma'yuc jmul; jich me ma stsalon te muc' mulile.

Deuteronomio 1:43

“Jo'on la calbeyex, pero ma ba la awich'bonic ta wenta. Jich la atoy abaic soc la ac'axintaybeyic smandal te Cajwaltique. Soc atoybailic moex bael ta witstiquil.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

San Mateo 12:32

Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

2 Pedro 2:10

C'axem to xan ya me yac'bey castigo ta patil spisil mach'a yat'elinejic spasel te biluc muliluc te ya smulan sbaq'uetalique soc te ma sc'an yajwalinic te Cajwaltique. Tulan yo'tanic, ma'yuc q'uexlal ta yo'tanic, ma xi'ic stoybac'optayel te mach'atic cajal yu'elic ta ch'ulchane.

Salmos 89:51

Cajwal cu'un, jich ya yuts'in co'tantic te acontrotaque; jich ya yuts'inbey yo'tan ta spisil ora te mach'a tsabil awu'une.

Salmos 79:12

Dios cu'un, sujt'esbeya spacol juqueb buelta c'oem ta stojolic te mach'atic ayic ta sti'il te jq'uinaltique, ja' te uts'inwanic ta atojole.

Salmos 74:22

Dios cu'un, jajch'an, c'opojan atuquel. Na'a me te spisil ora ya sbolc'optayat te mach'atic ma sna'ic q'uinale.

Salmos 74:18

Na'a me jiche, Cajwal, te ya sbolc'optayat te controe; soc te ja'ic te ma sna'ic q'uinal te amen bila ya yalic ta atojole.

Números 9:13

Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

Éxodo 21:14

Yan te mach'a ya yilintay te spat-xujq'ue, soc teme ya smil ta spasemal yo'tan, ya me ale ta jyalel, manchuc me ya xbajt' ta xchic'jibal te jmajt'ane, ya me xchajbanbot sc'oplal ta lajel.

Proverbios 14:31

Teme ya jtentic ta uts'inel te me'bae, ja' me ya cuts'intic a te Jpaswanej cu'untique; yan teme ya jna'beytic yo'bolil sba te me'bae, ja' me ya quich'tic ta muc' a te Jpaswaneje.

Salmos 69:9

Ya xlajon ya caiy yu'un te bayal sc'oplal ta co'tan te anae; jo'on yac ta c'oel ta jtojol te bolc'optayel ta awenta yu'un te mach'atic ya yutate.

Levítico 20:10

“Teme ay winic la spas mulwej soc yinam te spat-xujq'ue, ya me yich' milel te winic soc te ants te la spasic mulweje.

Levítico 20:6

Teme ay mach'a bajt' ta stojol te mach'atic ya sc'oponic ch'ulelal soc te mach'atic ay bila ya sna'ic syoljoltayel, te ya xbolob ta scaj st'unele, ya me jcontroin te mach'a jich ya spase, ya me jloq'ues ta yolil te slumale.

Levítico 20:3

Ya me jcontroin te winique, ya me jloq'ues ta yolil te slumale, melel la yac' te ma ba lec c'ot te ch'ul awilal cu'une, soc la yac' jinuc sc'oplal jch'ul-biil yu'un te la yac'bey jtul snich'an te Moloc.

Génesis 17:14

Yan te mach'a ma xyich' circuncisión, ya me yich' loq'uesel ta stojol alumal, yu'un ya xc'axintaybon te trato cu'une —xi'.

1 Juan 5:16

Teme ay mach'a la yil te yac ta sleel smul te yermanoe, teme ma ja'uc swenta lajel te smule, ac'a sc'oponbey Dios. Jich te Diose ya me yac' cuxinuc, teme yu'un nanix ma swentauc lajel te smule. Yu'un ay mulil te ya yac'otic ta lajele. In to, ma xcal te ya yich' c'oponel Dios yu'une.

Números 15:29

Te bila mandal chajbanbil ta stojolic te israeletic, ja' ni me jich ya xtuun ta stojolic te jyanlum winiquetic te nainem ta awolilic teme ya xch'ay ta yo'tanic spasel te mandale.

Deuteronomio 32:27

pero ma jc'an te ya xlabanwanic ta jtojol te jcontrotaque. Ma ba la jc'an te ya stoy sbaic yu'un, teme jich ya yalique: “Ma ja'uc te Cajwaltic te jich la spasbotic in to, jo'otic nix la jpastic ta swenta quiptic”, teme xiique’, xi' te Cajwaltique.

1 Samuel 2:25

Teme ay mach'a ya sta smul ta stojol te sjoy ta ants-winiquil, ya xchajbanot yu'un Cajwaltic; pero teme ay mach'a ya sta smul ta stojol te Cajwaltique, ¿mach'a c'an coltayotuc yu'un stuquel? —xi' te Elí. Pero te nich'aniletic ma la yich'beyic ta muc' sc'op te statique, melel ja' ay ta yo'tan Cajwaltic te ya slajinbey xcuxlejalique.

Job 38:15

soc jich ma ba ya yich'ic aq'uel saquil q'uinal te mach'atic ma lecuc yo'tanique, ya yac'bey slajibal te bila sc'oplal ya spas te ma lecuque.

Ezequiel 20:27

“Ja'at winic, jich xawalbey yaiyic te israeletique: “Jich ya yal te Cajwaltique: ‘Ja' nix jich te ame'-atatique, la yuts'inbonic co'tan. Ma junuc yo'tanic la yac' sbaic ta jtojol.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.

1 Samuel 3:14

Ja' yu'un jc'axel caloj te bi ya xc'ot ta swenta te mach'atic ay yu'une. Ma'yuc bi ya xju' ya xlajinbot sc'oplal yu'un, manchuc me ya yac'bon milbil jmajt'an, manchuc me ay yan majt'aniletic ya yac'bon, pero ma xlaj sc'oplal te smulique —xi' te Diose.