Números 15:3 - Bible in Tzeltal de Oxchuc y Tenejapa

³ biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

Bible in Tzeltal Bachajón

³ soc c'alal yac awa'beyic chic'bil smahtan te Jehová, teme scohtol chic'bil mahtanil, milbil mahtanil yu'un toro, tuminchij o tentsun, mahtanil yu'un bin la yich' chapel, mahtanil scuenta sc'anojel awo'tan, o teme yac awac' bin sumet yic' ta stojol Jehová ta yorahil q'uinetic awu'unic,

Números 15:3 Referans Kwoze

Éxodo 29:18

Ac'a ta scajtijib te milbil jmajt'ane, yu'un scojt'ol me ya yich' chiq'uel, melel ja' majt'anil quich'jibal ta muc' jo'on te Ajwalilon, te bujts'an yic' ta jtojole.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Números 28:27

Ya me awac'bonic jmajt'anin chambalametic te scojt'ol ya yich' chiq'uel te bujts'an yiq'ue: cha'cojt' toroetic, jcojt' tat chij soc juqueb alal tat chijetic te jun ya'wilale.

Filipenses 4:18

Te bila la aticunic tele la quich'ix ta spisil. C'ax bayalix a. Ma'yuquix falta ya caiy a te bit'il la quich'ix te la aticunbonic tel soc te Epafroditoe. Te majt'anil la aticunbonic tele, xuq'uet nax sbujts' ta stojol Dios, jich bit'il milbil majt'anil te bin nax yo'tan yu'un te Diose.

Levítico 27:2

—Albeya te israeletique: “Teme ay mach'a ya sc'an sman loq'uel jtuluc te mach'a ac'botix cu'unin, ya me stoj chican te jayebix ya'wilale, teme winic o teme antse.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

Deuteronomio 12:17

“Ma me xju' ya awe'ic ta yutil alumalic te jun ta slajunebal te trigo awu'unic, te aceite o te vino awu'unique, soc ni ja'uc te sba yal te wacaxetic, o te chijetic awu'unique, soc ni ja'uc te bila jc'axel awaloj ya awac'beyic ta stojol te Cajwaltique, soc ni ja'uc te smajt'an Dios ya awaq'uic ta spasemal awo'tanique.

Deuteronomio 12:11

ja' meix yorail a te ya stsa jun yawil sbiil te Cajwaltic te Dios cu'untique. Jich me ya awac'beyiquix spisil a te bi la calbeyex te ya awac'beyique: ja' te milbil chambalametic te ya yich' chiq'uel ta swenta yich'el ta muc' awu'unique, te jun ta slajunebal abiluc, soc abiluquic swenta patanil awu'unic, soc spisil te bitic buen t'ujbil tsabil te jc'axel awalojic ta stojol te Cajwaltique.

Deuteronomio 12:6

Tey me ya xba amilic soc ya achiq'uic chambalametic, swenta yich'el ta muc' awu'unic a. Soc ya me awich'beyic bael te jun ta slajunebal, soc abiluquic swenta patanil awu'unic, soc te bila spasemal awo'tan jc'axel ya achap ya awaq'ue, soc te smajt'an ta swenta yutsil awo'tanique. Ja' nix jich te sba yal te wacaxetic soc te chijetic awu'unique.

Números 29:8

Te majt'anil te scojt'ol ya yich' chiq'uel te bujts'an yic' ta jtojol jo'on te Ajwalilone, ya me awaq'uic jcojt' toro, jcojt' tat chij, soc juqueb alal tat chijetic, te ma'yuc bila boloben ta sbaq'uetal.

Levítico 10:13

We'aic ta yawil ch'ultesbil, melel ja' me te c'ot ta awentaic ja'at soc anich'nab te jilem ta majt'aniletic ya yich' chiq'uel swenta yich'el ta muc' te Cajwaltique. Jich ay te mandal quich'oj alele.

Levítico 7:16

Yan teme ja' ta swenta bit'il ay bila xchapoj ta jtojole, o teme swenta nax spasemal yo'tan te ya yac'bon te chambalam te mach'a ya yaq'ue, ya me sc'an te ja' nix te sc'aalelal te bi ora ya yich' aq'uel te ya yich' ti'el te sbaq'uetale. Teme ay to jil te ti'bale, ya xju' ta ti'el ta xchebal c'aal stuquel;

Éxodo 29:41

Jich ni me xapas ta swenta mal c'aal te jcojt' xane. Yu'un me chic'bil jmajt'an te ay sbujts' yic' ta jtojol jo'on te Ajwalilone.

Éxodo 29:25

Ta patil loq'uesbeya ta sc'abic, chic'a ta scajtijib te jmajt'ane, ac'beya sjoin te chambalam te scojt'ol ya yich' chiq'uele, te bayal sbujts' yic' ya xc'ot ta jtojol. Ja' me chic'bil jmajt'an te quich'jibal ta muc' jo'on te Ajwalilone.

2 Corintios 2:15

Yu'un te jo'otique jich c'oemotic te bit'il perfume ta stojol Dios yu'un te Cristoe. Pajal ya xpujc' yic' ta stojol te mach'atic ya xcolique soc ta stojol te mach'atic ya xbajt'ic ta ch'ayele.

2 Corintios 2:16

Melel te mach'atic ch'ayel ya xbajt'ique, jich c'oemotic ya yaiyic te bit'il bayal stuil te ya xlajic yu'une. Yan te mach'atic ya xcolique, jich c'oemotic ya yaiyic te bit'il perfume te ya xcuxinic yu'une. Ta spisil in to, ¿mach'a ya xju' yu'un spasel ta stuquel nax?

Números 6:15

Soc ya me yich' aq'uel jun ch'in moch wajetic te lec pasbil ta harina, te ma ba yich'oj levadura, te wots'bil soc aceite; soc te jayal waj te ma ba yich'oj levadura, te ja' nax tsijts'anbil ta aceite, ya me sjoin te majt'anil harina soc vino.

Esdras 7:17

Te taq'uin in to, ya aman ch'in wacaxetic a, soc chijetic, soc ch'in alal chijetic, soc nix te yantic smajt'an Dios swenta harina soc vino, swenta yu'un ya me awac'beyic ta sba te scajtijib ta chiq'uel majt'anil ta templo yu'un te Dios awu'unic ta Jerusalén.