Números 15:24 - Bible in Tzeltal de Oxchuc y Tenejapa

²⁴ “Teme ay bi ora ya xch'ay ta yo'tanic spasel te jmandal spisil te lume, spisil te lume ya yac'bonic jcojt' toro te ya yich' chiq'uel te buen bujts'an yic', soc ya me sjoin harina soc te vino, jich bit'il caloj mandal jo'on te Dioson. Soc xan yan, ya me yac'bonic jmajt'anin jcojt' tentsun ta swenta milbil majt'anil yu'un te mulile.

Bible in Tzeltal Bachajón

²⁴ teme ma yolojuc a te hich ya spas te pueblohe, spisil te pueblo ya me yaq'uic jcoht toro scuenta scohtol chic'bil mahtanil te sumet yic' ta stojol Jehová, soc mahtanil harina soc malbil mahtanil yu'un, hich te bin ut'il ay ta pasel, soc ya me yaq'uic jcoht tat tentsun scuenta stojel mulil.

Números 15:24 Referans Kwoze

Levítico 4:23

Te bi ora ya sna' te staoj smule, ya me sc'an te ya yic' bael jcojt'uc tat tentsun te ma'yuc bila boloben ta sbaq'uetale, ya me yac'bon jmajt'anin.

Números 28:15

Parte me te ya yich'ulay chiq'uel scojt'ol jujun c'aal. Soc ya me awac'bonic jo'on te Ajwalilon, jcojt' tentsun te milbil majt'anil yu'un mulil, soc me te majt'anil vino.

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Esdras 8:35

C'alal sujt'otic tel jo'otic te namey la quijq'uitay jlumaltique, ay bitic la cac'tic yu'un chic'bil smajt'an te Dios cu'untic ta jpisiltic te israelotique. La cac'tic lajchaycojt' ch'in wacaxetic, waclajuneb yo'winic (96) ta jcojt' chijetic, juclajuneb xchanwinic (77) ta jcojt' ch'in alal chijetic soc lajchayeb tentsunetic yu'un smajt'an Dios swenta te jmultique. Spisil la yich' chiq'uel ta templo swenta yich'el ta muc' te Cajwaltique.

Esdras 6:17

Ta yorail in to, la yac'beyic milbil smajt'an Dios jo'winic (100) ch'in toroetic, lajunwinic (200) chijetic, jbajc' (400) ch'in alal chijetic soc lajchayeb tentsunetic, juju-jcojt' yu'un te juju-jchajp sts'umbal israeletique, swenta smajt'an Dios te la yaq'uic yu'un te smul spisil Israele.

Levítico 4:2

—Albeya te israeletic: “Teme ay mach'a ya sta smul te ma spasemaluc yo'tan ya xc'axintay te mandaliletic cu'un jo'on te Ajwalilone, teme ay bila ya spas te ma jichuc pasel ya sc'ane, ja' me ya yich' pasel in to:

Levítico 4:22

“Teme ja' ya sta smul jtul jwentainwanej, teme ay bila ya spas ta swenta xc'axintayel te jmandal jo'on te Ajwalilon te Dioson yu'une, manchuc me ma spasemaluc yo'tan ya spas, ay me smul ya xc'ot.

Levítico 5:18

Ja' yu'un ya me stsac jcojt' xchij, ja' me te ma'yuc bila boloben ta sbaq'uetal. Te stojole ja'at ni me ya atsajtaybey. Ya me yich'bey bael ta stojol sacerdote swenta milbil majt'anil, swenta yu'un jich me ya sta a te perdón yu'un smul te mach'a la sta falta te ma sna' te la sta smule, jich me pasbil perdón ya xc'ot te smule.

Números 15:23

ja' to me ta sbabial c'aal bael, swenta yu'un ya me ac'otesic ta pasel, ja'ex soc te ats'umbalique, jich me ya apasic:

Números 15:26

Jo'on ya jpasbey perdón spisil te lum Israel soc te jyanlum winiquetic te nainemic ta awolilic, teme ta scaj nax te ch'ay ta yo'tanic spasel te jmandale.

Levítico 23:19

“Soc ya me awaq'uic jcojt' tat tentsun swenta milbil majt'anil yu'un amulic, soc cheb tat chij swenta jun ya'wilalic yu'un milbil majt'anil swenta lamal-o'tanil.