Números 15:20 - Bible in Tzeltal de Oxchuc y Tenejapa

²⁰ Ya me awac'bonic jtebuc harina te loq'uel to te sbabial ya yich' wots'el, ya me achajbanbonic waj jmajt'anin.

Bible in Tzeltal Bachajón

²⁰ Ta banti te shahchibal te harina yac awots'ic, ya me awaq'uic jun pimil pan; ha yac awac' scuenta mahtanil yu'un te sq'uiyojibal trigo.

Números 15:20 Referans Kwoze

Levítico 2:14

“Teme ya awac'bon jmajt'anin jo'on te Ajwalilon te sbabial sit te atrigo o te acebada, ya me abacubtes ta c'ajc' te juju-jchex ta xyaxal to, soc ya me yich' chewel te juju-jp'ij sit te yach'il to, te sbabial set'bile.

Éxodo 34:26

“Ja' me x'awich'ic bael ta templo ta jtojol jo'on Ajwalilon te Dioson awu'unic, ta bay mero lequic sba sit awawal-ats'unubic. “Ma me xapay alal tentsun ta ya'lel xchu' te sme'e —xi' te Cajwaltique.

Ezequiel 44:30

Te sacerdoteetique ja' me ya xc'ot ta swentaic te mero yutsil te sba sit te awalts'unubiletique, soc ta spisil te jmajt'ane. Te c'alal ya achajbanic ta wots'el te harina yu'un waje, ya me awac'beyic uuc, pero ja' me ya awac'beyic te mero slequile. Jich me xapasic, swenta yu'un jich me ya xc'ot bendición cu'un ta yutil anaic.

Nehemías 10:37

Soc ja' nix jich la jna'tic te ya quich'tic bael ta stsobjibal biluquetic ta templo yu'un Dios cu'untic te sbabial harina, vino, aceite, soc te sba sit spisil te te'etique, swenta jpatantic te ja' yu'un te sacerdoteetique. Soc la jna'tic xan te ya quich'beytic bael levitaetic te jun ta slajunebal te bitic ya xloc' cu'untique, melel ja'ic nix a te ya stsobic te jun ta slajunebal ta spisil te bitic ya xloc' ta jq'uinaltique.

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Éxodo 23:19

“Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

1 Corintios 15:20

Ja'uc me to, smelelil te cha'cux tel ta bay animaetic te Cristoe. Ja' sbabial cha'cux tel yu'un te mach'atic wayemique.

Romanos 11:16

Teme ch'ultesbil te sbabial waje, yu'un nanix ch'ultesbil ta swolol a te mats'e. Soc teme ch'ultesbil te yisim te'e, yu'un nanix ch'ultesbil a te sc'abe.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

Deuteronomio 14:22

“Ta jujun ja'wil, puersa me ya sc'an te parte ya awaq'uic jun ta slajunebal ta spisil te bila ya xloc' sit awu'unique.

Números 18:12

Soc ya cac'bat te sbabial sit yawal-sts'unub israeletic te ya yich'bonic tel jujun ja'wil: ja' te lequil aceite, te lequil vino soc te lequil trigo.

Levítico 23:20

Te sacerdote ya me stoyilaybon ta jtojol te majt'anil chambalametic jo'on te Ajwalilone. Ja' me ya sjoin te waj swenta sba sit awalts'unubil te cheb chijetique. Ch'ultesbilic me ta jtojol jo'on te Ajwalilon, ja' me yu'un te sacerdote.

Números 15:21

Ja' te jmajt'an spisil me ja'wil jich ya apasbonic.

Deuteronomio 14:23

Te jun ta slajunebal te sp'isol te trigo, vino soc te aceite, soc te sba yal te wacaxetic soc chijetic awu'unique, ya me ati'ic ta stojol te Cajwaltic te Dios cu'untique. Tey me ya ati'ic ta banti stsaoj swenta yawil xch'ul-biil stuquel, swenta yu'un jich me ya anopic yich'el ta muc' spisil ora a te Cajwaltique.

Deuteronomio 16:13

“Teme laj awo'tanic ta set'el te sit atrigoic, soc teme laj awo'tanic ta spits'el te sit ats'usubique, ya me apasic juqueb c'aal q'uin yu'un Nailwamal.

Levítico 2:12

Ya xju' ya awac'bonic jmajt'anin levadura soc chab swenta sba sit awawal-ats'unubic, pero ma me xachiq'uic ta scajtijib jmajt'an swenta bujts'an yic' ta jtojol jo'on te Ajwalilone.