Números 15:16 - Bible in Tzeltal de Oxchuc y Tenejapa

¹⁶ Jun nax me mandalil soc jun nax me te bila chajbanbil te ya xtuun ta atojolic soc te jyanlumetic”, uta me —xi' te Cajwaltique.

Bible in Tzeltal Bachajón

¹⁶ Junax mandaril soc junax te bin chapal te ya xtuhun awu'unic soc te jyanlum te ya sjoquinex ta nahinel, xchi.

Números 15:16 Referans Kwoze

Éxodo 12:49

Te mandalil pajal ay ta ch'uunel yu'un te mach'atic ayinem ta Israel soc te jyanlum winiquetic te ayic ta awolilique —xi' te Diose.

Levítico 24:22

“Ja' te mandalil ay yip ta stojol te lume, ja' nix jich ay yip ta stojolic uuc te jyanlumetique. Jo'on Ajwalilon, Dioson awu'unic”, uta me —xi' te Cajwaltique.

Números 9:14

“Te jyanlum winic te nainem ta awolilic, ya me spas uuc te q'uin Pascua ta swenta quich'jibal ta muc', jich me te bit'il jmandal te caloje. Te mandalil te chapale jich nix me yip sc'oplal ta stojol jyanlum winic soc ta stojol te mach'a ainem ta alumal”, uta me —xi' te Cajwaltique.

Números 15:17

Te Cajwaltic la sc'opon te Moisés, jich la yalbey:

Levítico 4:27

“Teme ja' te mach'a ma'yuc yat'el te ya sta smul te ma spasemaluc yo'tane, ay me smul ya xc'ot ta swenta bit'il la xc'axintaybon te mandaliletic cu'une.

Números 35:15

Te waqueb ta jpam lum, ja' me lumetic yu'un anjibal ta swenta te israeletic soc ta swenta te jyanlumetic te tey nainemic a o ja' te c'axel nax ayic ta awolilique. Tey me ya xbajt' ta anel a te mach'a ma snopojuc ta yo'tan ya smil te yane.

Josué 8:33

Ta spisil te lum, ja' te sts'umbal Israel soc te jyanlumetic te sjoinej sbaic soque, spisil te mamaletic yich'oj yat'elic yu'un Israel, soc te jchajbanwanejetique, talic ta spisilic ta sts'eel scajonil trato yu'un te Cajwaltique, soc ta stojol te sacerdote-levitaetic te sq'uechojic ta snejq'uelique. Olil te lume la stejc'an sbaic ta yelaw wits Gerizim, soc te olil xane la stejc'an sbaic ta yelaw wits Ebal, jich te bit'il yaloj mandal c'alal ta xjajch'ibal te Moisés te yabat te Cajwaltique.

1 Reyes 8:41

“Ja' nix jich teme jyanlum, te ma ja'uc te lum awu'une, pero teme ya yich' ta muc' te yutsil ach'ul-biil te talem ta c'ubul q'uinal yu'une,