Números 15:15 - Bible in Tzeltal de Oxchuc y Tenejapa

¹⁵ Te bila chajbanbil ta atojolic, jich nix me ya xtuun ta stojolic te jyanlumetique. Mandalil me sbajt'el q'uinal te ya xc'ax ta stojol te me'il-tatil soc te snich'nabique.

Bible in Tzeltal Bachajón

¹⁵ Junax mandaril awu'unic soc te jyanlum te ya sjoquinex ta nahinel. Ha mandaril te ma xlaj sc'oblal ta cajalcaj ats'umbal bahel; hich te bin ut'il ayex, hich nix ay te jyanlum ta stojol te Jehová.

Números 15:15 Referans Kwoze

Números 15:29

Te bila mandal chajbanbil ta stojolic te israeletic, ja' ni me jich ya xtuun ta stojolic te jyanlum winiquetic te nainem ta awolilic teme ya xch'ay ta yo'tanic spasel te mandale.

Números 9:14

“Te jyanlum winic te nainem ta awolilic, ya me spas uuc te q'uin Pascua ta swenta quich'jibal ta muc', jich me te bit'il jmandal te caloje. Te mandalil te chapale jich nix me yip sc'oplal ta stojol jyanlum winic soc ta stojol te mach'a ainem ta alumal”, uta me —xi' te Cajwaltique.

Éxodo 12:49

Te mandalil pajal ay ta ch'uunel yu'un te mach'atic ayinem ta Israel soc te jyanlum winiquetic te ayic ta awolilique —xi' te Diose.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

1 Samuel 30:25

(Te bit'il jich jajch' ta pasel, jich ay ta pasel ta Israel c'alal ora.)

Números 10:8

Te mach'atic ay ta swentaic yoq'uesinel te oq'uesetic, ja'ic me te sacerdoteetic te sts'umbal Aarón. Ja' me mandalil ta atojolic ta sbajt'el q'uinal.

Levítico 24:22

“Ja' te mandalil ay yip ta stojol te lume, ja' nix jich ay yip ta stojolic uuc te jyanlumetique. Jo'on Ajwalilon, Dioson awu'unic”, uta me —xi' te Cajwaltique.

Éxodo 12:43

Te Cajwaltic, jich la yalbey te Moisés soc Aarón: —Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame.

Éxodo 12:24

Ya me awich'ic ta muc' te mandalil soc ta cajalcaj bael te alnich'anetique, melel mandalil me sbajt'el q'uinal.

Éxodo 12:14

Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

Números 18:8

Te Cajwaltic, jich la yalbey Aarón: —Jo'on cac'ojbat ta awenta te majt'aniletic te ya yac'bonic te israeletique. Spisil te ch'ul majt'aniletic te ya yac'bonic, ja' ya cac'bat soc anich'nab, ja' me ya xc'ot ta awentaic. Ja' me mandalil cu'un sbajt'el q'uinal.

Números 15:14

“Teme jyanlum, ja' te c'axel nax ay o teme jc'axel nainemix ta awolilic, te ya sc'an yac'bon chic'bil jmajt'an te buen bujts'an yiq'ue, jich nix me ya spas te bit'il chajbanbil sc'oplal ta atojolic te ja'exe.

Éxodo 28:43

Jich yu'un te Aarón soc te snich'nab ya me slapic bael ta Nailpac' te bay ya quich' c'oponele, o ja' te c'alal ya xnoptsajic tel ta bay scajtijib ta chiq'uel te jmajt'ane, soc te c'alal ay at'el ta ch'ul awilal swenta yu'un ma me staic falta, teme repente ya xlajic yu'un. Ja' me jmandal ta sbajt'el q'uinal ta stojolic soc te sts'umbale.

Josué 8:33

Ta spisil te lum, ja' te sts'umbal Israel soc te jyanlumetic te sjoinej sbaic soque, spisil te mamaletic yich'oj yat'elic yu'un Israel, soc te jchajbanwanejetique, talic ta spisilic ta sts'eel scajonil trato yu'un te Cajwaltique, soc ta stojol te sacerdote-levitaetic te sq'uechojic ta snejq'uelique. Olil te lume la stejc'an sbaic ta yelaw wits Gerizim, soc te olil xane la stejc'an sbaic ta yelaw wits Ebal, jich te bit'il yaloj mandal c'alal ta xjajch'ibal te Moisés te yabat te Cajwaltique.

Ester 9:27

te judioetic la stsaquic te costumbre yu'unique, soc la stsaquic jilel uuc te patil alnich'anetic yu'unique, soc te mach'atic ochic ta judioile: ja' costumbre yu'unic te ya spasic q'uin ta jujun ja'wil, ma'yuc ya spas falta, ay me q'uin yu'un ta xchebal te c'aale, jich nix te bit'il albil sc'oplale, soc jich nix te bit'il chapale.