Números 14:9 - Bible in Tzeltal de Oxchuc y Tenejapa

⁹ Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Bible in Tzeltal Bachajón

⁹ Ha yu'un ma me xatoy abahic ta scontrahinel Jehová soc ma me xaxi'ic te yajwal te q'uinale, como te ho'otic ya me jwe'tic hichuc pan. Mayuquix canantayel yu'unic, yan te ho'otic sjoquinejotic te Jehová; ma me xaxi'ic, xchihic.

Números 14:9 Referans Kwoze

Deuteronomio 7:18

Ma me jichuc ya sc'an. ¡Ma me x'axi'ic! Ja' me x'ana'ic te bila la spasbey ta stojol faraón soc ta spisil egipcioetic te Cajwaltic te Dios cu'untique.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Deuteronomio 31:6

Ma me xiwex, soc ayuc me yip awo'tanic. Ma me xnijc' awo'tanic soc ma me xpejc'aj q'uinal awaiyic te c'alal ya atsac abaic soque, melel te Cajwaltic Dios sjoinejex me, ma ba ya yijq'uitayex soc ma ba spijt'esex —xi' te Moisese.

Salmos 74:14

La atenbey sjol te muc'ul xiweltic sba Leviatán, la awac'bey swe'elin jti'awal chambalametic te ayic ta jochol taquin q'uinale.

2 Crónicas 32:8

Ja' nax me yich'ojbey ta muc' yip te winiquetic stuquelic, yan te jo'otic tey ay ta coliltic scoltaybelotic ta guerra te Cajwaltic Dios cu'untique —xi' te muc' ajwalil Ezequías. C'alal la yaiybeyic stojol sc'op te muc' ajwalil Ezequías, jich la yich' yip yo'tanic.

2 Crónicas 20:17

Ma me ja'uquex ya xbaex ta atsalbel abaic soc ta guerra. Tejc'ana abaic tey a ta bay ya xc'oexe, ch'abanic me, ya me awilic bit'il ya caq'uex ta libre, jo'on te Ajwalilone. Yajwalex Jerusalén soc ta spisil Judá, ma me xiw awo'tanic, soc ma me xnijc' awo'tanic; baan ta stojolic pajel, melel ya me joinex bael”, xi' te Cajwaltique —xi' te j'alwaneje.

Deuteronomio 31:8

Ja' nix me te Cajwaltic te ya xneelaj bael ta atojole, soc ya me sjoinat spisil ora. Ma ba ya yijq'uitayat soc ma ba ya spijt'esat. Ja' yu'un, ma me xiwat, ma me xyu'uninat xiwel —xi' te Moisese.

Números 24:8

Ja' te Dios te loq'uesotic tel yu'un ta Egipto, jich c'oem yu'unic te bit'il yip xulub ja'mal toro. Te Israel ya sbic' c'oem te nacionetique, ja' te scontroique. Ya sc'asbey sbaquelic, ya yejch'entes ta yat'ejibal st'imic.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Salmos 121:5

Te Cajwaltic, ja' te ya scanantayat; te Cajwaltic, ja' te ya yaxintesat ta yu'el; ja' te teq'uel ta ats'eel ta scoltaybelate.

Salmos 14:4

Ma'yuc bi ya sna'ic te mach'atic amen yat'elique. Ja'ic ya swe'bonic c'oem te lum cu'une, jich ya slajinic te bit'il mach'a ya swe' waj. Ja' te mach'atic ma sc'anbeyic coltayel ta stojol te Cajwaltique.

Deuteronomio 9:7

“Ya me sc'an te ma xch'ay ta awo'tanic te la awac' ilinuc yo'tan ta jochol taquin q'uinal te Cajwaltic te Dios cu'untique. Te c'alal loq'uex tel ta Egipto, ja' to te julex tel li'to, spisil ora ya atoy abaic ta stojol.

Deuteronomio 1:26

Pero te ja'exe, ma la ac'an te baexe, jich la ac'axintaybeyic te mandal yu'un te Cajwaltic te Dios cu'untique.

Daniel 9:9

Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

Deuteronomio 32:42

Ya me cajts'es ta ch'ich' te yat'ejibal jt'imalte', ja' me ya xlajinotic yu'un te jpuñale; ¡Xch'ich'el j'ejch'enetic, xch'ich'el jchuqueletic! ¡Xch'ich'el jwentainwanejetic yu'un te jcontrotac te najt'uben sjolic!’, xi' me te Cajwaltique.

Deuteronomio 7:21

Ja' yu'un ma me xnijq'uex yu'un xiwel ta stojolic, melel sjoinejex te Cajwaltic te Dios cu'untique. Ja' muc' Dios stuquel te ay ta xi'ele.

Deuteronomio 1:21

Ja' ya yac'beyex te lumq'uinale. Ja' yu'un ochanic me jiche, nainanic a, jich nix te bit'il yaloj te Cajwaltic, ja' te Dios yu'un te antiguo jme'-jtatique. Ma me xiwex soc ma me xpejc'aj awo'tanic”, xoon.

Filipenses 1:27

Ja' bayal sc'oplal te toj ya x'ainex ta q'uinal, jich bit'il te ya yac'botic jnoptic te lec yach'il c'op yu'un te Cristoe. Chican ts'iin teme ya xtal quilexe, o teme q'uejel ayone, ja'uc me to, jich me ya caiy stojol te bit'il jc'axel jun awo'tan abaic soc jun awo'tan awac'ojic puersa ta xch'uunel te lec yach'il c'ope.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Jeremías 48:45

“Ay ma'yuquix yipic ya x'anic bael ta sleel anjibal ta Hesbón; ja'uc me to, te Hesbón, te slumal te namey q'uinal muc' ajwalil Sehón, yaquix ta tilel. Te c'ajq'ue ya spuquix sba, soc ya xc'ajc' te witstiquil yu'un Moab, ja' me te toyba lume.

Isaías 63:10

Ja'uc me to, la stoy sbaic ta scontroinel te Cajwaltique, soc la yac'bey smel yo'tan te ch'ul espíritu yu'une. Jich yu'un te Cajwaltic la scontroin, jich ac'botic guerra yu'un.

Isaías 41:14

Te Cajwaltic tulan ya yalbey sc'oplal: —Israel, te lumat yu'un Jacob, manchuc me ch'in xujt'at, soc teme ma'yuc awipe, ma me xiwat, jo'on ya jcoltayat. Jo'on, te Ch'ul Dioson yu'un Israel, jo'on Jcoltaywanejon awu'un.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Isaías 32:2

Ta juju-jtulic jich bit'il anjibal ya xc'ot yu'un te tulan iq'ue soc te tulan yic'al ja'ale. Jich me c'oemic te bit'il pasbil beja' ta taquin q'uinale, jich bit'il yaxinal muc'ul ton ta jochol taquin q'uinal.

Isaías 1:2

Ch'ulchan soc balumilal, aiya awaiyic stojol te bila ya yal te Cajwaltique: —La jmuc'tes te jnich'nab ja' to c'alal la sta yipic; ja'uc me to, caj stoy sbaic ta jtojol.

Salmos 91:1

Te mach'a ay ta canantayel yu'un Dios te mero Toyole, te ay ta yaxinal te Mach'a Spisil ya xju' yu'une,

Salmos 46:11

Te Cajwaltic te Spisil ya xju' yu'une, ja' sjoinejotic stuquel. Ja' anjibal cu'untic stuquel te Dios yu'un Jacobe.

Salmos 46:7

Te Cajwaltic te Spisil ya xju' yu'une, ja' sjoinejotic stuquel. Ja' te Dios yu'un Jacob, ja' anjibal cu'untic stuquel.

2 Crónicas 15:2

jich loc' bael, ba sta sba ta c'op soc Asa swenta yu'un ya yalbey: —Aiybon awaiyic stojol jc'op, ja'at Asa, soc ta apisilic ta Judá soc ta Benjamín. Te ja'ex sjoinejex te Cajwaltic, teme jun awo'tan ya awac' abaic ta stojole. Teme ya aleique, ya me ataic; yan teme ya awijq'uitayic ta awo'tanic, jich nix me ya yijq'uitayex ta yo'tan.

2 Crónicas 13:12

Ayuc me ta awo'tanic jiche te ay ta jtojoltic te Dios soc te sacerdoteetic yu'une. Chapalic meix te oq'uesetic te ya yich' oq'uesinel yu'un guerra ta atojolic te ja'exe. Ya me calbat xan, israeletic, ma me xawac'bey guerra te Cajwaltic Dios yu'un te antiguo jme'-jtatic, melel ma me xju' awu'unic te ya awaiyic tsalaw —xi' te ajwalil Abiam.

Jueces 1:22

Te sts'umbal José la snopic te ya xba yac'beyic guerra te lum Betel, ja' te Luz sbiil ta neelale. Neel la sticunic bael ta ilel. Coltayotic yu'un te Cajwaltique.

Éxodo 33:16

Melel teme ma la ajoinotic baele, ¿bit'il ya xna'ot te lec c'oemon ta asit te jo'one soc te lum awu'une? Melel ja' nax jich ya xchicnaj ta ilel jo'on soc te lum awu'un, te ma pajalucon soc te jyanlumetique —xi' te Moisese.

Génesis 48:21

Soc la yalbey te José: —Ya xwayix jbaq'uetal; ja'uc me to, ja' me ya sjoinex te Diose, soc ya me yiq'uex sujt'el ta bay slumal te ame'-atatique.

Daniel 9:5

La jta jmultic ta atojol, la jpastic te bila amen ta pasel ta asite, la jpastic te bila ma lecuque. Ma'yuc sc'oplal c'ot cu'untic te mandaliletic awu'une; la jch'aytic jilel te mandaliletic awu'un soc te bila chapal awu'une.

Deuteronomio 1:29

“Te jo'one jich la calbeyex: “Ma xamel awo'tanic, ma xiwex yu'un.

Nehemías 4:14

C'alal la quil te yacalic ta xiwele, la jtejc'an jba, jich la calbey te mach'atic ich'bilic ta muc' soc te jwentainwanejetic, soc te yantic yajwal lume: —Ma xaxi'ic. Na'aic xan te muc' te Cajwaltique, soc te ay ta xi'ele. Ac'aic puersa ta swenta scoltayel te jlumaltique, te jquerem-nich'nabtic, te cantsil-nich'nabtic, te quinamtic soc te jnatique —xoon ta stojolic.

Jeremías 1:19

Ja'ic ya yac'bat guerra, pero ma xju' yu'unic te ya stsalat, melel ya joinat soc ya jcanantayat. Jo'on Ajwalilon te ya cal te jc'ope —xi' te Cajwaltique.

Jeremías 42:11

Ma x'axi'ic te muc' ajwalil yu'un Babilonia, te bayal ay ta xi'el awu'unique. Ma me x'axi'ic, melel joinejex ta jcoltabelex, soc ya jloq'uesex ta sc'ab. Jo'on Ajwalilon, jich ya cal.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Números 13:30

Jich yu'un te Caleb la scom ta c'op te lum te ayic ta stojol Moisés, jich la yal: —¡Ya me xba cu'unintic te q'uinale! ¡Ya xju' cu'untic yich'el! —xi'.

Números 17:6

Te Moisés jich nix la yalbey te israeletic, te juju-jtul jtsobwanej yu'un juju-jchajp la yac'bey sbastonic, jich la stsob sba lajchaych'ix te bastoniletique. Ja' tey ay a te sbastón Aarón.

Números 20:2

Te israeletic ma la sta ja' yuch'ic. La stsob sbaic tel ta scontroinel Moisés soc Aarón,

Josué 14:12

Ja' swentail te ya jc'anbat yo'tic te q'uinal ta witstiquil te la yalbon stuquel te Cajwaltique. Ana'oj te sts'umbal muc'ul najt'il winic Anac tey ay yo'tic a. Ay muc'ul lumetic yu'unic te buen chapalic, te tey tulan yac'oj sbaic a. Ja'uc me to, ja' ay ta co'tan te Cajwaltic ya sjoinon soc ya scoltayon ta sloq'uesel bael, jich nix bit'il yaloj —xi' te Caleb.

Salmos 46:8

La', ila awilic te bitic jchajp nax yutsil te spasojix ta q'uinal te Cajwaltique:

Salmos 106:24

Ta patil la yilayic te lumq'uinal te t'ujbil yutsilal, soc ma la xch'uunic te bitic yaloj ta jamal te Diose;