Números 14:41 - Bible in Tzeltal de Oxchuc y Tenejapa

⁴¹ Ja'uc me to, te Moisés la yalbey: —¿Bi yu'un ya ac'axintaybeyic smandal te Cajwaltique? Te bit'il jich ay awo'tanic, ma ba lec ya xc'oex ta loq'uel soc.

Bible in Tzeltal Bachajón

⁴¹ Pero la sjac' te Moisés: ¿Bin yu'un yac ac'axuntaybeyic smandar te Jehová? Ha nix hich ma ba lec ya xloq'uex yu'un.

Números 14:41 Referans Kwoze

2 Crónicas 24:20

Jich yu'un te Zacarías, te snich'an sacerdote Joiada, wentainot yu'un te espíritu yu'un Dios, ba stejc'an sba ta bay toyol, jich la yalbey te lume: —Dios ya yalbeyex: “¿Bi yu'un ma xach'uunbonic te mandaliletic cu'un? ¿Bi yu'un te ja'ex nix ya aleic atuquelic te awocolique? Te bit'il la awijq'uitayon ta awo'tanic, jich ya quijq'uitayex ta co'tan uuc”, xi' me ta atojolic te Diose —xi'.

Jeremías 32:5

Te Nabucodonosor ya yic' bael te Sedequías ta Babilonia, tey me ya x'ain a ja' to me te c'alal ya cat'elin xan sna'ele. Manchuc me ya atsac aba soc caldeoetic te ja'exe, ma ba lec ya xc'oex. Jo'on Ajwalilon, jich ya cal —xi'.

Jeremías 2:37

Nojel me q'uexlal ya awaiy te ya sujt'at tel ta Egipto, melel ma la sc'an co'tan te mach'a ya yac'bat smuc'ul awo'tane. Ma'yuquix bi ya ata a te mach'atic ya smuc'ulin awo'tane —xi'.

Job 4:9

Te Diose, teme ilinem yo'tan a, ya sjujch'ibey bael wocol ta stojolic, jich jc'axel ya xlajinotic yu'un.

Números 14:25

(Te sts'umbal Amalec soc te cananeoetic, ja' nainemic ta muc'ul spamlej q'uinal.) Te ja'ex pajel me ya awaq'uic buelta, loc'anic bael ta sbelal te muc'ul jochol taquin q'uinal, t'unaic bael sbelal te Mar Rojo —xi'.

Deuteronomio 1:42

La yalbon te Cajwaltic te ya calbeyex te ma xbaex ta guerra. “Ya me stsalex te acontroique, melel ma ba ya sjoinexix ta guerra te Cajwaltique”, la cutex.

1 Samuel 15:19

¿Bi yu'unix a jiche te la ac'axintaybey te smandale? Tey bajt' awo'tan ta bi la yich' pojel te acontroe. Ma lecuc yo'tan yu'un te Cajwaltic te jich la apase —xi'.